Nyɩmɛ mɩ́ wa sàw de a dɔwrʋ nyɩ na sãw a ƴãw a, bʋ̃ʋ yúor'ʋ nyɩ na páw a pʋɔ? Ɛcɛ nyɩmɛ mɩ́ wa ɩ a vla baarɩ ɛ́ cãà sàw de a dɔwrʋ a, a ɩ n maalʋ nyɩ páw a Naaŋmɩn zie.
A nyɩɩm mɩ̀, nyɩ ɩ mɛ̃ kʋsɛ-mimie bɛ na ŋmaarɛ nɩ yir Vʋʋrʋ Sõw na kpɩɛr a. Nyɩ ɩ Naaŋmɩn bàwr-maal-son maalɛ tɩɛrʋ bàwr a Naaŋmɩn na na tʋ̃ɔ́ sàw de a Yeezu Kɩrɩta zũú a.
A na ɩ à ŋá tɩ bãw ʋlɩ bom nɛ na n'ɩ a zɔrɛ-a-Sore a, tɩ bɔbr'a kɛ́ tɩ ɩ a nɩsaalbɛ za sàw kɛ́ sɩza n'a. Naaŋmɩn bãw tɩ na tɩ tɔ, ɩ̃ɩ tɩɛr kɛ́ nyɩ mɩ̀ bãw mɛ̃ na nɩ a nyɩ pʋɔ tɩ tɔ.
Ɛcɛ nyɩ tɛr su-nʋ̃ɔ̀ nɩ ƴãwfʋ a ʋ manʋ pʋɔ, lãwnɩ tɩɛrʋ na vɩɛl a, k'aa bom ʋl tɔr za ƴãw a nɩbɛ bɛl na yere kɛ́ nyɩ sãw nɩ a nyɩ kɩrɩta-nɩr nyɔ-vʋʋrʋ pʋɔ a, bɛ nyɛ̃ vĩ.
Pɔw-kʋɔr wa tɛr bibiir bɩɩ yan a, bɛlɛ nɛbɛ a fɛrɛ kɛ́ bɛ de niwn tɛr a Naaŋmɩn bɛ na ƴãwnɛ a ɩ-ɩrɩ, a bɛ mɩŋa yir ƴãw, ɛ́ maalɩ a bɛ dɔwrbɛ yáa a san. À ŋá n'a sɩrɩ vɩɛl a Naaŋmɩn zie.
Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.
Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.
Bʋ̃ʋ n'ʋ vɛ̃, a gbãgbaa a Sore na bʋɔlɩ a, ʋ lɩɛb'ɩ nɩr a Sore na faa ɛ́ so ʋ a. Lɛ mɩ̀ n'a, a sob nɛ na so ʋ tʋɔra ɛ́ a Sore bʋɔl'ʋ a, ʋ ɩ n a Kɩrɩta gbãgbaa.
A fʋ̃ʋ a, ãa nɛ b na bãwnɛ nɩ-yũo tõ-tõ-bie yele? Ʋ àr'ɩ saaƴẽwn bɩɩ ʋ lo na a, a ʋ tõ-tõ-nɩ-kpɛ̃ɛ n'ʋ a jɩ́rɛ. Ʋ na kpɛmɛ na àr mɩ̀, bʋ̃ʋ n'ʋ so, a Sore tɛr'ɩ fãw na tɩɛ ʋ tɛr.
Ɛcɛ ƴɛrɛŋa a, bɛ faa nyɩ nɩ a yel-bier nuru pʋɔ, nyɩ lɩɛbɩ Naaŋmɩn gbãgbaar tɛr ɩ-ɩrɩ na tɩrɛ sonu a, ɛ́ a baarʋ daar a waar'ɩ nyɔ-vʋʋrʋ na be kʋralɛ a.
Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»
A na ŋmɛ̃ na mɛ̃ nɩr na yire yɔb a: ʋ yi na ɛ́ de a yir kʋ̀ a ʋ tõ-tõ-biir, ɛ́ wul a bɛ za been been a bɛ tome, ɛ́ ƴãw nʋɔr kʋ̀ a dɩ̃dɔ-gùre k'ʋʋ bɛr gʋ̃ɔ.
A fʋ ɩb wa vɩɛl a, fʋ na dʋɔ nɩ zu. Ɛcɛ a fʋ ɩb bɛ wa vɩɛl a, a yel-bier ũú nɩ a fʋ dɩ̃dɔr ƴãw gù. Ʋ bɔbr'a k'ʋʋ so b, ɛcɛ fʋ̃ʋ n'ʋ na ƴãw fãw tʋ̃ɔ́ ʋ.»
Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.
Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.