Ʋrɔm 1:20 - A SƐB-SÕW

²⁰ Bʋ̃ʋ n'ʋ vɛ̃, a tẽ-daa íru daar za a, a Naaŋmɩn mɩŋa vɩɛlʋ na sɔwlɩ a, a pɛr lɛ k'aa ʋ kpɛnʋ na be kʋralɛ a, nɩ a ʋ naaŋmɩnʋ, a sãá nɩ a ʋ tome pʋɔ a nɩsaal yã na tʋ̃ɔ́ bãw. A na ɩ lɛ a, bɛ kʋ̃ tʋ̃ɔ́ yel kɛ́ bɛ bɛ bãw kɛ́ lɛ n'a ɩ.

Ʋrɔm 1:20 Referans Kwoze

Ʋrɔm 1:19

A Naaŋmɩn bɛ na na tʋ̃ɔ́ bãw a, a sãá nɩ a bɛ zie: a Naaŋmɩn mɩŋa wul bɛ na a sãá.

Ɩzayi 40:26

Nyɩ úori a salom ɛ́ nyɛ̃: ãa n'ʋ ír a ŋmar-bie? A sob nɛ na mɩ́ ɩ a yi a za cɔrɩ vla cere mɛ̃ sojarɩ, ʋʋ bʋɔlɩ a za, ŋa nɩ ʋ yúor ŋa nɩ ʋ yúor a n'ʋ. A ʋ fãw nɩ a ʋ kpɛnʋ bɛrmɛ nɩ yaga, kɛ̀ ŋmar-bir kãw za bɛ be be bɛ mɩ́ sàw a ʋ bʋɔlʋ ɛ.

Sɛb-sõw yielu 8:3

A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.

Ʋrɔm 2:15

Bɛ mɩ́ wul'a k'aa lɛ a Wulu na bɔbr kɛ́ nɩr za ɩrɛ a, sɛb'ɩ a bɛ pʋ̃ɔmɩ. A bɛ pʋɔ mɩ̀ mɩ́ dɩ n a yel ŋa dãsɩɛ, lãwnɩ a bɛ tɩɛrʋ na mɩ́ yel a mɩnɛ kãw kɛ́ bɛ sãw na a, ɛ́ a mɩnɛ kãw ʋ yel kɛ́ bɛ bɛ sãw a.

Zã 1:18

Nɩr za bɛ dãw nyɛ̃ a Naaŋmɩn ɛ, ɛcɛ a Bi-been, na ɩ Naaŋmɩn be a Sãà zie a, ʋlɛ n'ʋ ɩ kɛ́ tɩ bãw ʋ.

Zã 15:22

Mãa bɛ tɩ wa a, mãa bɛ tɩ ƴɛ̀r sɔw bɛ a, bɛ kʋ̃ʋ tɩ tɛr yel-bier ɛ, ɛcɛ a ƴɛrɛŋa a, a bɛ yel-bier bɛ lɛb tɛr zɛlɩ bɛr ɛ.

1 Timote 1:17

A yome za Nãà, a Naaŋmɩn-been yõ tẽtẽ na bɛ tɛr kũu daar, ɛ́ nɩr kʋ̃ tʋ̃ɔ́ nyɛ̃ nɩ mimir a, ʋlɛ so ƴãwfʋ nɩ yúor-vɩɛlʋ-danʋ, a yome yome za. Amɛn.

Kɔlɔsɩ 2:9

Bʋ̃ʋ n'ʋ vɛ̃, a Kɩrɩta ƴã-gan pʋɔ a, naaŋmɩnʋ za be n be,

Sɛb-sõw yielu 139:13

Fʋ̃ʋ n'ʋ ír mɛ̃ ɩ̃ za, fʋ̃ʋ n'ʋ wob mɛ̃ mɛ̃ pɛn a, a ɩ̃ mã púorí.

Sɛb-sõw yielu 119:90

Yome yome za n'a a fʋ yel-mɩŋa be be. Fʋ maal'ɩ a tẽsɔw, ʋ kpɛmɛ àr.

Sɛb-sõw yielu 104:5

Fʋ ɩ na a tẽsɔw kpɛmɛ àr a ʋ pɛr zu, ʋ bɛ be za nãà dam ɛ.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

Ʋrɔm 2:1

A na ɩ à ŋá a, fʋ̃ʋ saa ɩ nɩ-ŋmɩŋmɩn a, fʋ kʋ̃ tʋ̃ɔ́ yel kɛ́ fʋ bɛ bãw kɛ́ lɛ ɩ, fʋ̃ʋ na bãwnɛ a fʋ tɔ yele a. Fʋ na bãwnɛ a fʋ tɔ yele a, a fʋ mɩŋa sãwna n'a fʋ wule, fʋ̃ʋ mɩ̀ na mɩ́ ɩrɛ a lɛ tɔr za a.

Wulu-ayi-sob 4:19

Nyɩmɛ wa jɩ́rɛ a mʋ̃tɔ̃w, a cuw nɩ a ŋmar-bie nɩ a bʋ̃-nyɩwrɩ za na be a salom zu a, a taa wa ƴãw nyɩ nyɩ puore a ɛ́ maalɛ a ɩ. A tẽ-daa nɩ-bʋʋrɛ na cɛ a nɛbɛ a Sore nyɩ Naaŋmɩn kʋ̀ a ɩ-ɩrɩ á ŋá.

Kɔlɔsɩ 1:15

A Kɩrɩta n'ɩ a Naaŋmɩn tɩ na bɛ nyɛrɛ a ŋmɛ̃-ta-tɔ, ɛ́ lɛb ɩ a Naaŋmɩn bi-dãw-dɔwra na de niwn a ʋ bʋ̃-íri za pʋɔ a.

Zeremi 5:21

Nyɩ bɛr wõ yel ŋa, nyɩɩm na gem ɛ́ bɛ tɛr yã a. Nyɩ tɛr'ɩ mimie ɛ́ bɛ nyɛrɛ ɩ, nyɩ tɛr'ɩ tobe ɛ́ bɛ wone ɩ.

Ɩzayi 26:4

Nyɩ ƴãw a nyɩ tɩɛrʋ a Sore ƴãw kʋralɛ, ʋ̃ʋ, a Sore ƴãw, ʋl na ɩ a Pìir na be kʋralɛ a.

Ɩzayi 9:6

Ʋ na dɩ n a nɩ-kpɛ̃ɛnʋ yaga za, ɛ́ ɩ ƴã-ɓaarʋ na bɛ tɛr baarʋ a ʋ be be. Ʋ na zɩ̃ n a Daviir naalʋ-dà-kɔw zu, ɛ́ dɩ naalʋ a ʋ naalʋ-tẽw zu. Ʋ na ɩ n a lɛ-na-tu-sɔr-a nɩ a mɩnʋ a be be, k'ʋʋ tʋ̃ɔ́ ɩ a ʋ naalʋ-tẽw ʋ be be, ɛ́ kpɛmɛ a ƴɛrɛŋa nɩ a kʋralɛ. A yel ŋa n'ʋ a Sore, a kpɛnʋ-za-sob na maalɩ, a ʋ nɔ̃wfʋ na dɩrɛ mɛ̃ vũu a ƴãw.

Sɛb-sõw yielu 104:31

A Sore yúor-vɩɛlʋ-danʋ, ʋ be be kʋralɛ, a Sore, ʋ nyɛrɛ nʋ̃ɔ̀ a tome ʋ na tõ a pʋɔ!

1 Timote 6:16

a ʋl yõ na bɛ tɛr kũu daar a, ɛ́ kpɩɛr cãà na bɛ tɛr tab a pʋɔ a, ʋl nɩsaal kãw za na bɛ nyɛ̃ ɛ́ kʋ̃ tʋ̃ɔ́ nyɛ̃ a. Ʋlɛ so ƴãwfʋ nɩ kpɛnʋ kʋralɛ. Amɛn.

Ʋrɔm 16:26

ɛcɛ ƴɛrɛŋa a, a naaŋmɩn-ƴɛ̀r-manbɛ sɛbr ɩ na k'ʋ yi cãàmɩ́. Mɛ̃ a lɛ a Naaŋmɩn na be kʋralɛ a na ƴãw a nʋɔr a, bɛ ɩ na a nɩ-bʋʋrɛ za bãw a pʋ-tɩɛrʋ ŋa, kɛ́ bɛ tʋ̃ɔ́ sàw de a Naaŋmɩn ɛ́ sàwr a ʋ nʋɔr.

Nɩ-toni 17:29

A na ɩ lɛ tɩ ɩ a Naaŋmɩn bʋʋrɛ a, a bɛ tɛr sɔ́r kɛ́ tɩ tɩɛrɛ kɛ́ a naaŋmɩnʋ ŋmɛ̃ na taa nɩ salm-zɩɛ, salm-pla bɩɩ kʋsɛ-vla tɩɩb nɩsaal bãwfʋ nɩ a ʋ yã na maalɩ a ɩ.

Sɛb-sõw yielu 90:2

A tan na bɛ tɩ yi sɛr a, a tẽsɔw nɩ a zie na bɛ tɩ be sɛr a, fʋ tɩ ɩ n a Naaŋmɩn dɩta-pɛ-yome za, ɛ́ na ɩ ʋ kʋralɛ.

Wulu-ayi-sob 33:27

A koro kãw za wa tɔ a dɩ̃a a, ʋlɛ n'ɩ a fʋ sɔwlʋ zie. A koro kãw za wa tɔ a dɩ̃a a, a ʋ fãw ɩ n kpɛ̃ɛ a tẽw zu. Ʋlɛ n'ʋ diw a fʋ dɔ̃ dem a fʋ niŋé, ɛ́ yel kɛ́ fʋ kʋ bɛ pàw pɛr.

Ebre 11:27

A sàw-deb zũú n'a a Moyiir tɩ yi kɛ́ bɛr a Eziptɩ tẽw, ɛ́ bɛ tɩ zɔ dɛ̃bɩ̃ɛ a nãà na na nyɛ̃ suur a ƴãw ɛ. Ʋ tɩ kpɛmɛ na be be, mɛ̃ ʋ nyɛrɛ nɩ a Naaŋmɩn nɩr na kʋ̃ tʋ̃ɔ́ nyɛ̃ a.

Matie 5:45

Lɛ n'a nyɩ na sɩrɩ ɩ a nyɩ Sãà na be a tẽ-vla pʋɔ a bibiir. Bʋ̃ʋ n'ʋ vɛ̃, ʋ mɩ́ ɩ n a ʋ mʋ̃tɔ̃w pur a po-to-dem nɩ a nɩ-vɩɛlɩ ƴãw, ɛ́ ɩ a saa mĩ kʋ̀ a nɩ-mɩn nɩ a bɛlɩ dem na bɛ ɩ nɩ-mɩn a.

Yele-za-pɛr-tib 21:33

A Abraham tɩ sɛl'ɩ tamarisɩ tɩɛ a Bɛɛr-Seva, ɛ́ puori a Naaŋmɩn na be kʋralɛ a, bʋɔl'ʋ kɛ́ Sore.

Nɩ-toni 22:1

«Ɩ̃ yɛbr nɩ ɩ̃ sãà mɩnɛ ɛ, nyɩ pãa wõ a ƴɛ̀rʋ ɩ̃ na tɛr a nyɩ zie, k'ɩ̃ɩ ƴɛ̀r faa ɩ̃ tʋɔra a.»

Yele-za-pɛr-tib 1:1

A yele-za-pɛr-tib daar, Naaŋmɩn tɩ ír'ɩ a salom nɩ a tẽw.

A Zɔb sɛbɛ 12:7

Ɛcɛ sowri a dʋn nɩ a saa-zu lili, a na wul fʋ nɩ a Naaŋmɩn.

Zeremi 51:15

A Sore maal'ɩ a tẽw nɩ a ʋ fãw, ʋ ɩ n a tẽ-daa ʋ àr nɩ a ʋ yã-bãwfʋ, ɛ́ dɔl a salom nɩ a ʋ yã.

Markɩ 10:6

Alɛ bɛ ɩ lɛ, a tẽ-daa tib daar a, a Sɛb-sõw yel'a: “Naaŋmɩn ír bɛ na dɛb nɩ pɔw,”

1 Korɛ̃tɩ 1:20

A na ɩ à ŋá a, nyɩnɛ n'a a yã-bãwnɛ be? Nyɩnɛ n'a a Naaŋmɩn wulu bãw-bãw-kara be? A dɩ̃a zie ŋa pʋɔ ƴɛ̀r-bãw-ƴɛ̀rɛ wa? A Naaŋmɩn bɛ ɩ a tẽ-daa yã-bãwfʋ lɩɛbɩ gẽgemi ɛ?