Sɔr-nɛ́ɛ 6:15 - A SƐB-SÕW

¹⁵ Ʋ mɩ̀ na wa n nɩ dipɛ̃ na bɛ ƴãw dãbɩl a nɩ pèlé, gato bɛ na naw a zɔ̃ nɩ kãá a, nɩ sɛ̃sɛ̃-ɓɛrɓɛr na bɛ ƴãw dãbɩl ɛ́ sɔ kãá a, de nɩ a zɔ̃ nɩ a divɛ̃ na mɩ́ pʋɔ a bàwr maalʋ pʋɔ a.

Sɔr-nɛ́ɛ 6:15 Referans Kwoze

Levitɩ mɩnɛ 2:4

Alɛ wa ɩ de-kʋ̀b bom na sɛ̃ a n'ʋ a, a zɔ̃ kʋ̃ naw nɩ dãbɩl ɛ. A lɛ pʋɔ a, gato na maal'ɩ kãá a n'a nyɩ na wa n, bɩɩ sɛ̃sɛ̃ na bɛ ƴãw dãbɩl ɛ́ waarɩ kãá a.

Eziptɩ tẽw yib 29:2

Fʋ na de nɩ ble zɔ̃ maal'ɩ dipɛ̃ na bɛ ƴãw dãbɩl a nɩ gato bɛ na naw a zɔ̃ nɩ kãá ɛ́ bɛ ƴãw dãbɩl a, de nɩ ble zɔ̃ sɛ̃sɛ̃-ɓɛrɓɛr na bɛ ƴãw dãbɩl ɛ́ sɔ kãá a.

Sɔr-nɛ́ɛ 15:10

de nɩ litɩr ata divɛ̃. A bàwr ŋa zʋ̀ʋ́r nyũu na mɩ́ pɛlɩ nɩ a ɩ̃ pʋɔ.»

1 Korɛ̃tɩ 11:26

Bʋ̃ʋ n'ʋ vɛ̃, lɛn daar za nyɩ na mɩ́ 'wɔbr a dipɛ̃ ŋa ɛ́ nyúur a koli-nyúura ŋa pʋɔ divɛ̃ a, a Sore kũu n'a nyɩ mɩ́ yere gùre nɩ a ʋ waa.

1 Korɛ̃tɩ 10:31

A na ɩ à ŋá a, dɩb'a nyɩ dɩrɛ bɩɩ nyub'a nyɩ nyúur a, bom nɛ za nyɩ na ɩrɛ a, nyɩ ɩrɛ a za a Naaŋmɩn yúor-vɩɛlʋ-danʋ ƴãw.

Zowɛl 2:14

Ãa bãw? Kapaw ʋ nãà lɛb'a bɛr a lɛ ʋ na tɩ tɩɛrɛ k'ʋʋ ɩ a, ɛ́ maalɩ nyɩ yaga za. Lɛ n'a nyɩ na wa n kukur de-kʋ̀b nɩ divɛ̃ de-kʋ̀b bome wa kʋ̀ ʋ.

Zowɛl 1:13

Nyɩ su ko-tuolu bome ɛ́ tuo nuru zũú kone nɩ, nyɩɩm bàwr-maalbɛ na so a bàwr-maal-kuur tome a. Nyɩ tɛr pʋ-sãwna tɩ vɩɛ nɩ zie, nyɩɩm tɩ Naaŋmɩn tõ-tõ-biir i, bʋ̃ʋ n'ʋ vɛ̃, bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ.

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Ɩzayi 62:9

Ɛcɛ a bɛlɩ dem na na ŋma a ble a, bɛlɛ nɛbɛ na dɩrɛ a danɛ nɩ a Sore. A bɛlɩ dem na na pɔr a divɛ̃ tɩɩr wɔmɛ a, bɛlɛ nɛbɛ na nyũ a divɛ̃ a ɩ̃ zi-sõw pʋɔ.»

Levitɩ mɩnɛ 9:4

Nyɩ mɩ̀ nyɔw nadɛr nɩ pʋ́ra maal'ɩ lãw-taa bàwr kʋ̀ a Sore, lãwnɩ kukur bom de-kʋ̀b na naw nɩ kãá a. Bʋ̃ʋ n'ʋ vɛ̃, a dɩ̃a tɔr za a, a Sore na ɩ na nyɩ nyɛ̃ ʋ.”»

Levitɩ mɩnɛ 8:2

«Bʋɔlɩ a Aarɔ̃ nɩ a ʋ bidɛbr wa n a tuor-taa pɛn-sɛw dɩ̃dɔr nʋɔr. Ƴãw bɛ wa n kpar-son nɩ a kãá-cir-ƴãwfʋ kãá, cãà ƴãw bɛ wa n a yel-bier-ír-bɛrʋ bàwr nadɛr, a pʋ́rɩ ayi nɩ a zãkpa na ƴãw a dipɛ̃ na bɛ ƴãw dãbɩl a.

Levitɩ mɩnɛ 7:12

Nɩr wa maalɛ lãw-taa bàwr k'ʋʋ lãwnɩ danʋ yielu a, ʋ na wa n nɩ gato na maal'ɩ kãá ɛ́ bɛ ƴãw dãbɩl a, nɩ sɛ̃sɛ̃ na bɛ ƴãw dãbɩl ɛ́ bɛ waarɩ kãá a, nɩ gato bɛ na maal'ɩ zɔ̃ na naw nɩ kãá a, ƴãw pʋɔ a bàwr-maal dʋ̃w ƴãw.

Sɔr-nɛ́ɛ 6:16

A bàwr-maalɛ na wa na wa de a kʋ̀ a Sore, al pùorí, ʋ maalɩ a yel-bier ír-bɛrʋ bàwr nɩ a nyɩw-a-za-bàwr.