Sɔr-nɛ́ɛ 31:23 - A SƐB-SÕW

²³ a pɛr lɛ k'aa bome al na bɛ dɩrɛ vũu a, a vũu n'a nyɩ na ír'ɩ a dɛwr bɛr, al pùorí nyɩ tõ a a dɛwr-so-bɛrʋ kʋ̃ɔ pʋɔ. A bome al na na tʋ̃ɔ́ dɩ vũu a, nyɩ na tõ a nɩ a dɛwr-so-bɛrʋ kʋ̃ɔ pʋɔ.

Sɔr-nɛ́ɛ 31:23 Referans Kwoze

Sɔr-nɛ́ɛ 19:9

Nɩr na bɛ tɛr dɛwr a na wob'ɩ a náab tãpɛlʋ tɩ bin zie na vɩɛl, ɛ́ a bɛ ɩ a laɩ pʋɔ a. A Ɩsɩrayɛl nɩbɛ lãw na maal'a bin a tãpɛlʋ á ŋá, a dɛwr-so-bɛrʋ kʋ̃ɔ cɔbrʋ ƴãw. A tub ŋa za ɩ na mɛ̃ yel-bier ír-bɛrʋ bàwr'ʋ a.

Sɔr-nɛ́ɛ 19:17

A dɛwr sob ŋa dɛwr-so-bɛrʋ ƴãw a, bɛ na ɩ n a náab bɛ na maal'ɩ a yel-bier-ír-bɛrʋ bàwr a tãpɛlʋ ƴãw bom pʋɔ, ɛ́ ɩ bule kʋ̃ɔ ƴãw.

1 Korɛ̃tɩ 3:13

ŋa za tome nãà sãá nɩ cãàmɩlɛ. A ƴɛ̀rʋ-maalʋ bibir na ɩ na bɛ bãw à ŋà za tome, vũu na n'a mɩ́ ɩ a bibir ŋa ʋ sãá a ƴãw, ɛ́ a vũu na ɩ n ŋa za tome kaa, bãw a ŋmɛ̃a.

Matie 3:11

Kʋ̃ɔ n'a mãa kʋ̀rɛ nɩ nyɩ a suob, kɛ́ nyɩ tʋ̃ɔ́ lɩɛbɩ a nyɩ ɩb, ɛcɛ a sob nɛ na waar a ɩ̃ pùorí a, ʋ kpɛmɛ na zuo mɛ̃, ɩ̃ bɛ sɛwnɩ na yaa a ʋ nafawr bɛr ʋ ɛ. Ʋl a, Vʋʋrʋ Sõw nɩ vũu n'a ʋ na kʋ̀ n nyɩ a suob.

Ɩzayi 43:2

Fʋ̃ʋ wa gãwnɛ a kʋ̃ɔnɩ a, ɩ̃ na be n a fʋ zie, fʋ̃ʋ wa gãwnɛ a mamɛ a, fʋ bɛ tuur kʋ̃ɔ ɩ. Fʋ̃ʋ wa cere a vũu sɔgɔ a, a bɛ dɩrɛ fʋ ɛ, a vũu-zɛlɛ bɛ tʋɔr fʋ ɛ.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.

1 Pɩɛr 4:12

Ɩ̃ nɩ-nɔnɩ za a, nyɩmɛ wa be a kpɩɛrʋ vũu pʋɔ a, a ta ùr nyɩ mɛ̃ yel-bʋ̃-bom kãw n'ʋ tarɛ nyɩ ɛ.

1 Pɩɛr 3:21

A kʋ̃ɔ á ŋá tɩ ɩ n a suob na faarɛ nyɩ a ƴɛrɛŋa a bãwfʋ: ɛcɛ ƴã-gan dɛwr-so-bɛrʋ bɛ n'ɩ a suob ɛ, a suob ɩ n socir vɩɛlʋ bɛ mɩ́ zɛlɩ a Naaŋmɩn zie. A suob faarɛ nyɩ nɩ a Yeezu Kɩrɩta kũu-pʋɔ-lɛb-yibu zũú,

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

Efɛɛzɩ 5:26

Ʋ ɩ n à ŋá bɔbr k'ʋʋ pɛ́w ʋ nɩ a kʋ̃ɔ nɩ a Naaŋmɩn ƴɛ̀rʋ, ʋ ɩ sõw.

Zakari 13:9

Ɩ̃ na ɩ n a bɛl na na cãà vʋʋrɛ a, bɛ tu yi a vũumí, ɩ̃ na ɩ na bɛ vɩɛl, mɛ̃ a lɛ bɛ na mɩ́ ɩ a salm-pla ʋ vɩɛl a. Ɩ̃ na ɩ bɛ na kaa bãw a bɛ ŋmɛ̃a, mɛ̃ a lɛ bɛ na mɩ́ ɩ salm-zɩɛ kaa a. Lɛ n'a bɛ na puore mɛ̃, ɩ̃ɩ na mɩ́ sàw nɩ a bɛ puoru. Ɩ̃ na mɩ́ yel bɛ na: “Ɩ̃ nɩ-bʋʋrɛ n'ɩ nyɩ”, ɛ́ a bɛl yel mɛ̃: “Sore e, fʋ̃ʋ n'ɩ a tɩ Naaŋmɩn.”»

Sɔr-nɛ́ɛ 8:7

Nyɛ̃ a lɛ a bɛ dɛwr-so-bɛrʋ na na tu a: fʋ na mɩr bɛ na nɩ dɛwr-so-bɛrʋ kʋ̃ɔ, al pùorí bɛ põ a bɛ ƴã-gamɛ kɔblʋ za bɛr, ɛ́ pɛ́w a bɛ kparɩ. Bɛ na lɛb'a vɩɛl a pùorí.

Levitɩ mɩnɛ 15:17

Bʋ̃-suura za bɩɩ gán bom za a yɔ-kʋ̃ɔ na tɔ a, a fɛr'a kɛ́ bɛ pɛ́w a, ɛ́ a na tɛr'ɩ dɛwr tɩ ta a zaanʋɔra.»

Levitɩ mɩnɛ 11:32

A dʋn á ŋá kãw wa lo kpi bom za zu a, bome bʋ̃-ƴãwna bɛ na maal'ɩ dàa a, bʋ̃-suura, gán bɩɩ vʋɔra a, bom za na tɛr yel-ɩra a, a fɛr'a kɛ́ bɛ pɛ́w a ʋlɩ bom nɛ. Ʋ na ɩ n bʋ̃-dɛwr tɩ ta a zaanʋɔra, a al pùorí, ʋ na lɛb'a vɩɛl.

Sɔr-nɛ́ɛ 31:22

“A salm-zɩɛ, a salm-pla, a kur-zɩɛ, a kure, a kur-pla mɔrmɔr bɩɩ a kur-mɔrmɔr bome a,

Sɔr-nɛ́ɛ 31:24

Nyɩ na pɛ́w nɩ a nyɩ bʋ̃-suuri a bibie ayopõi, ɛ́ nyɩ na lɛb'a vɩɛl. Al pùorí, nyɩ na tʋ̃ɔ́ na lɛb kpɛ a laɩ pʋɔ.”»

Eziptɩ tẽw yib 19:10

A Sore tɩ cãà na lɛb yel a Moyiir: «Lɛb cen a nɩbɛ zie tɩ yel bɛ kɛ́ bɛ so a bɛ dɛwr bɛr, a dɩ̃a nɩ a bio. Bɛ mɩ̀ pɛ́w a bɛ kparɩ.

Eziptɩ tẽw yib 19:14

A Moyiir tɩ yi n a tãw zu lɛb siw a nɩbɛ zie, tɩ ƴãw bɛ so a bɛ dɛwr bɛr, ɛ́ pɛ́w a bɛ kparɩ.