Sɔr-nɛ́ɛ 29:12 - A SƐB-SÕW

¹² «A cuwr ayopõi sob bibie pie nɩ anũu sob a, nyɩ na ɓã n taa puori a mãa Sore, nɩ nyɩ tʋɔra-siwru. Nyɩ kʋ̃ mɩ́ tõ a tome nyɩ na mɩ́ tone a bibie za a ɩ. Nyɩ na mɩ́ maal'ɩ cuw a ɩ̃ ƴãwfʋ ƴãw, bibie ayopõi.

Sɔr-nɛ́ɛ 29:12 Referans Kwoze

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Ezekɩɛl 45:25

A Sɛwr cuw na mɩ́ tĩ a cuwr ayopõi sob bibie pie nɩ anũu sob a ƴãw a, a nãà na mɩ́ tu n a tub-been nɛ mɛ̃ a Tɔl-gãw cuw daar a: a yel-bebe suur-dɩ-kʋ̀b bàwr-been nɛ, a nyɩw-a-za-bàwr-been nɛ, a de-kʋ̀b-been nɛ, a ble nɩ a kãá de-kʋ̀b-been nɛ.»

Neemi 8:18

A cuw bibir za, a dãw-niwn sob tɩ tɔ a pɛ-baara, bɛ mɩ́ tɩ kanɩ nɩ a Naaŋmɩn wulu sɛbɛ zie kãw. Bɛ tɩ dɩ n a cuw bibie ayopõi, ɛ́ kʋ a nʋɔr a bibie ani sob nɩ lãw kpɛ̃ɛ, mɛ̃ a lɛ a tub na ƴãw a.

Neemi 8:14

A wulu ŋa a Naaŋmɩn na tɩ ƴãw a Moyiir kʋ̀ bɛ a pʋɔ a, bɛ tɩ nyɛ̃ na bɛ sɛb k'aa fɛr'a k'aa Ɩsɩrayɛl nɩbɛ kpɩɛr sɛwr pʋɔ a sɛwr cuw maalʋ daar, a cuwr ayopõi sob daar:

Eziptɩ tẽw yib 34:22

Nyɩ na mɩ́ maal'ɩ a Dàrʋ cuw cuw, a lɛn daar nyɩ na ŋmarɛ a ble zu-dan a, ɛ́ maalɩ a Bʋ̃-dieri-deb cuw a yũon baarʋ daar.

Eziptɩ tẽw yib 23:16

Al pùorí, nyɩ na maal'ɩ a Dàrʋ cuw, a lɛn daar nyɩ nãà wa dier a nyɩ póru nyɩ na kʋ́ɔr a bʋ̃-dan a. Ɛ́ a zie wa yi a, a ũo-yi-paala, nyɩ na maal'ɩ a Bʋ̃-dieri-deb cuw, nyɩmɛ wa de a nyɩ póru tome bome za baarɩ a.

Sɔr-nɛ́ɛ 29:1

«A cuwr ayopõi sob bibi-dãw-niwn sob a, nyɩ na mɩ́ ɓã n taa kɛ́ nyɩ puori a mãa Sore nɩ nyɩ tʋɔra-siwru. Nyɩ kʋ̃ mɩ́ tõ a tome nyɩ na mɩ́ tone a bibie za a ɩ, ʋ na ɩ a Nʋ̃ɔ̀ cɛlsɩ bibir a ƴãw.

Sɔr-nɛ́ɛ 29:13

A bibi-dãw-niwn sob a, nyɩ na mɩ́ maal'ɩ nyɩw-a-za-bàwr kʋ̀ m nɩ nadɛɛ pie nɩ ata, pʋ́rɩ ayi nɩ yũon-been peli pie nɩ anaar, dʋn a ƴã-gan zie kãw za na bɛ sãw a. A bàwr zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ.

1 Na-mɩnɛ 12:32

Ʋ tɩ ƴãw nɩ cuw ʋ be a cuwr ani sob bibie pie nɩ anũu daar, cuw na ŋmɛ̃ taa nɩ a ʋl na mɩ́ tɩ maalɩ a Zuda tẽw a, ɛ́ a ʋl mɩŋa tɩ maalɩ bagɛ a bàwr-maal-kuur zu. À ŋá n'a ʋ tɩ ɩ a Betɛl, maalɩ bagɛ kʋ̀ a nadɛli ʋ na tɩ maalɩ a. Ʋ mɩ̀ tɩ ƴãw nɩ a bàwr-maalbɛ ʋ na kaa ír a maalʋ-ziir ƴãw a, a be.

Ɛsɩdɩrasɩ 3:4

Al pùorí, a Ɩsɩrayɛl nɩbɛ tɩ maal'ɩ a Sɛwr cuw mɛ̃ a lɛ na sɛb a. Bibir za, bɛ mɩ́ tɩ maal'ɩ a nyɩw-a-za-bagɛ lɛ nʋɔr na ƴãw a.

Levitɩ mɩnɛ 23:7

Nyɩ na mɩ́ ɓã n taa a dàa ŋa bibi-dãw-niwn sob a ɩ̃ ƴãwfʋ ƴãw. Nyɩ bɛ tone tõ-kpɛ̃w a ʋlɩ bibir nɛ ɩ.

Sɔr-nɛ́ɛ 29:35

«A cuw bibie ani sob na ɩ a ɓã-taa pɛ-baara sob a, nyɩ kʋ̃ tõ a tome nyɩ na mɩ́ tone a bibie za ɩ.