Sɔr-nɛ́ɛ 21:29 - A SƐB-SÕW

²⁹ Baw-bio wɛ, Mowab i! Nyɩ wɛ na, nyɩɩm Kemɔsɩ puor-puorbɛ ɛ! A dɛbr na bɛ tʋ̃ɔ́ kpi a, nɩ a pɔwbɛ a, gaso nɩbɛ n'ɩ bɛ za, bɛ nyɔw tɩ kʋ̀ a Amoritɩ mɩnɛ nãà Sihon.

Sɔr-nɛ́ɛ 21:29 Referans Kwoze

Zeremi 48:46

Nyɛ̃ kpɩɛrʋ na páw fʋ a, Mowab i! Ŋmɩn Kemɔsɩ nɩbɛ ɛ, nyɩ wɛ na! Bʋ̃ʋ n'ʋ vɛ̃, bɛ nyɔw nɩ a nyɩ bidɛbr nɩ a nyɩ pɔwyaar cen nɩ, bɛ ɩ nɩ-pàwrɩ.»

2 Na-mɩnɛ 23:13

Ʋ tɩ sãw nɩ a maalʋ-ziir, a nãà Salomɔ̃ na tɩ mɛ a Olivʋ tɩɩr tãw saa-pɛrɩ́-dʋrʋ-lowr a, bɛr, a tãw ʋl na àr tori a Zerizalɛm a. A maalʋ-ziir á ŋá tɩ mɛ n a Sɩdɔ̃ tẽw dem ŋmɩn-pɔw-faa faa, Asɩtarte, ƴãwfʋ ƴãw, Mowab tẽw dem ŋmɩn-faa faa, Kemɔsɩ, nɩ a Amɔ̃ tẽw dem ŋmɩn-faa na bɛ tɛr yúor póru a, Mɩlkɔm, ƴãwfʋ ƴãw.

Ƴɛ̀r-dɩrbɛ 11:24

Mɛ̃ fʋ taa so a tẽw a fʋ ŋmɩn Kemɔsɩ na kʋ̀ b a? Ɛ́ tɩɩm kʋ̃ so bom nɛ za a Sore tɩ Naaŋmɩn na ɩ tɩ zɛb de a ɩ?

Zeremi 48:7

Mowab tẽw i, fʋ tɩ ɩrɛ na ƴãwn a fʋ tome nɩ a fʋ na-bome ƴãw. Ɛcɛ, bɛ mɩ̀ na zɛb'a de b. A fʋ ŋmɩn Kemɔsɩ na cen nɩ tẽ-yũo lãwnɩ a fʋ bàwr-maalbɛ nɩ a fʋ nɩ-bɛrɛ, bɛ za.

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 11:7

A lɛn daar a, a Salomɔ̃ tɩ cɔbrɩ maalʋ-zie, a tãw na àr tori a Zerizalɛm a zu, a Mowab tẽw dem ŋmɩn-faa faa Kemɔsɩ ƴãw. Ʋ mɩ̀ tɩ ƴãw na bɛ cɔbrɩ a kãw, a Amɔ̃ tẽw dem ŋmɩn-faa faa Mɩlkɔm ƴãw.

Zeremi 48:13

A Mowab na nyɛ̃ nɩ vĩ a ʋ ŋmɩn Kemɔsɩ ƴãw, mɛ̃ a lɛ a Ɩsɩrayɛl nɩbɛ na tɩ ƴãw a bɛ tɩɛrʋ a Betɛl ŋmɩn ƴãw, wa nyɛ̃ vĩ a.

Ɩzayi 16:2

A Arnon bàa gãwfʋ ziir a, a Mowab tẽw pɔwbɛ ɩ na mɛ̃ lili bɛ na diw a cowr pʋɔ a ƴawrɩ yi cere a.

Ɩzayi 15:5

Ɩ̃ kone nɩ a Mowab ƴãw. A ʋ nɩbɛ na zɔrɛ a zɔ na tɩ sãá Sowaar, tɩ sãá Egilatɩ-Selisiya. A nɩbɛ dúor'ɩ a Luhitɩ dob zie kone nɩ, bɛ ŋmɩɛr'ɩ cɛlsɩ na ɩrɛ nɩbaalʋ a, a Horonayim sɔ́r zu.

Sɔr-nɛ́ɛ 24:17

Ɩ̃ nyɛ̃ nɩ a bom ʋl na na ɩ a, ɛcɛ ƴɛrɛŋa bɛ n'a ɩ, ɩ̃ nyɛ̃ nɩ yel kãw, ɛcɛ nɩdaar'a a yel ʋl na ɩ: Ŋmar-bir'ʋ pur a Zakɔb bʋʋrɛ pʋɔ, nãà ìr'ɩ a Ɩsɩrayɛl bʋʋrɛ sɔgɔ. Ʋ ŋmɩɛr'ɩ a Mowab tẽw dem tacɩlɛ nɩ a ʋ nãà dàa, ʋ kʋrɛ nɩ a tẽw nɩ-yʋɔrɩ.

Zeremi 48:45

A bɛlɩ dem na zɔrɛ a, bɛ bàl'a. Bɛ tɛw na àr a Hɛsɩbon tẽw. Ɛcɛ vũu yi n a Hɛsɩbon tẽw pʋɔ, vũu-zɛlɛ yi n a Sihon nãà yir pʋɔ. A dɩ n a Mowab tacɩlɛ, nɩ a po-to-fãw dem zuŋmamɛ.