Neemi 9:37 - A SƐB-SÕW

³⁷ A tẽw ŋa bʋ̃-vɩɛlɩ yaga yaga a, a na-mɩnɛ bɛl fʋ na bɛr bɛ so tɩ a tɩ yel-bebe zũú a, bɛlɛ so a. Bɛ ɩrɛ nɩ tɩɩm nɩ a tɩ dʋn lɛ za bɛ na bɔbr a. Kpɩɛrʋ na ta kpɩɛrʋ a pʋɔ n'a tɩ be!»

Neemi 9:37 Referans Kwoze

Wulu-ayi-sob 28:33

Nɩ-bʋʋrɛ nyɩ na bɛ bãw a nɛbɛ na dɩrɛ a nyɩ bʋ̃-kʋ́ɔrɩ nɩ a nyɩ nuru tome bome za. Bɛ na nɛbr nyɩ na ɛ́ dɔwrɛ nyɩ kʋralɛ.

Wulu-ayi-sob 28:48

nyɩ na lɩɛb'ɩ a dɔ̃ dem a Sore na na ɩ bɛ wa a nyɩ ƴãw a gbãgbaar, nyɩ na ɩ n kɔ̃ nɩ kʋ̃ɔ-nyúur dem, nyɩ kʋ̃ tɛr bʋ̃-suuri ɛ, nyɩ kʋ̃ tɛr bom za ɩ. Kure dàa n'ʋ a Sore na dĩ nɩ a nyɩ nyuru, ɛ́ gù ʋ tɩ kʋ nyɩ pàw pɛr.

Ɛsɩdɩrasɩ 7:24

Lɛb waar mɩ̀, tɩ yere na kʋ̀rɛ a libi-binbɛ kɛ́ bɛ bɛ tɛr sɔ́r na de a bàwr-maalbɛ zie, a levitɩ mɩnɛ zie, a yiel-yielbɛ zie, a dɩ̃dɔ-gùrbɛ zie, a tõ-tõ-biir bɩɩ nɩr kãw za na tone a Ŋmɩn-yir-kpɛ̃ɛ pʋɔ a zie, zuru-yar bɩɩ sɔr-yar ɛ.

Zã 8:33

Bɛ tɩ sɔw ʋ na yel: «Abraham bʋʋrɛ n'ɩ tɩ, ɛ́ bɛ dãw ɩ nɩr za gbãgbaar ɛ: ŋmɩŋmɩn n'a fʋ yere kɛ́ tɩ na ɩ n nɩbɛ na so bɛ tʋɔra a?»

Neemi 5:8

Ɩ̃ tɩ yel bɛ na: «Mɛ̃ a lɛ a tɩ fãw na ta a, tɩ ya na de a tɩ bʋʋrɛ nɩbɛ na tɩ kʋɔrɩ bɛ tʋɔra kʋ̀ nɩ-bʋʋr-yoru a. Ɛcɛ nyɩɩm kʋɔrɛ nɩ a nyɩ yɛbr nɩ a nyɩ yeepuuli, ɛ́ a ɩ Zifʋ yoru zie n'a nyɩ kʋɔrɛ bɛ!» Bɛ bɛ tɩ nyɛ̃ ƴɛ̀rʋ za na ƴɛ̀r a ka ɩ, ɛ́ ɩ gbili.

Ɛsɩdɩrasɩ 6:8

A na ɩ à ŋá a, ɩ̃ yere na kʋ̀rɛ nyɩ kɛ́ nyɩ sõwne a Zifʋ mɩnɛ nɩ-bɛrɛ a Ŋmɩn-yir-kpɛ̃ɛ lɛb-mɛb ƴãw. A samɛ bɛ na kpɩɛr a, nyɩ na mɩ́ ya n a za daadaalɛ nɩ a nãà libie na yire a tẽ-ŋmãa-kʋ̀ra zuru-yar pʋɔ a.

Ɛsɩdɩrasɩ 4:13

A fɛr'a k'aa nãà bãwnɩ a, a tẽ-kpɛ̃ɛ ŋa nɩ a ʋ dacine wa lɛb mɛ a, a tẽw dem kʋ̃ cãà yarɛ a yar-bʋʋrɛ bʋʋrɛ nɩ a zuru-yar nɩ a tu-tɔlʋ yar ɛ, ɛ́ a nãà libie daga n'ʋ a na mal.

Wulu-ayi-sob 28:51

Bɛ na de nɩ a nyɩ dʋn nɩ a nyɩ bʋ̃-kʋ́ɔrɩ, ɛ́ a nyɩɩm kpi kɔ̃. Bɛ bɛ bɛrɛ ble, divɛ̃, kãá nɩ a nyɩ nĩi, píir nɩ bʋʋr bili kʋ̀rɛ nyɩ ɛ, ɛ́ nyɩ na tɛr'ɩ lɛɛɛ tɩ kpi baarɩ.

Wulu-ayi-sob 28:39

Nyɩ na mɩ́ sɛl'ɩ divɛ̃ tɩɩr, kaa a vla, ɛ́ kʋ̃ nyũ divɛ̃ ɩ. Nyɩ kʋ̃ mɩ́ pɔr a wɔmɛ mɩ̀ ɛ, bʋ̃ʋ n'ʋ vɛ̃, a zãzule na mɩ́ dɩ n a za.

Levitɩ mɩnɛ 26:17

Ɩ̃ na ìr'ɩ a nyɩ ƴãw, ɛ́ a nyɩ dɔ̃ dem na tʋ̃ɔ́ nyɩ na. A bɛlɩ dem na hɩ̃ɛn nyɩ a na so nyɩ na, ɛ́ nyɩ na mɩ́ lɩɛb'a zɔrɛ nɩr saa bɛ diwr nyɩ a.

A Lãw-mʋɔlɛ 5:5

A bɛlɩ dem na dɔwrɛ tɩ a bɛ bɛrɛ tɩ ɛ, tɩ bàl'a, ɛ́ pɩ̃ɛnʋ bɛ ka be a tɩ zie ɩ.