Neemi 9:29 - A SƐB-SÕW

²⁹ Fʋ zɛlɩ bɛ na kɛ́ bɛ lɛb tuur a fʋ wulu, ɛcɛ a bɛ pɔ̀lʋ zũú a, bɛ bɛ bɛr wõ a fʋ nɛ-ƴãwnɩ ɛ. Bɛ zawr'ɩ a tub fʋ na ƴãw kʋ̀ bɛ a bɛr, ɛcɛ alɛ n'a kʋ̀rɛ a nyɔ-vʋʋrʋ a bɛlɩ dem na tuur a a. Bɛ kpãa nɩ tobr ɛ́ gaarɩ, bɛ bɛ bɛr wõ b towtow ɛ.

Neemi 9:29 Referans Kwoze

Neemi 9:16

Ɛcɛ a tɩ sãàkʋm-kore dɩ n pɔ̀lʋ, bɛ ɩ n bɛ-won ɩb, bɛ bɛ bɛr wõ a fʋ nɛ-ƴãwnɩ ɛ.

Levitɩ mɩnɛ 18:5

«A na ɩ à ŋá a, nyɩ tɛr a ɩ̃ nɛ́ɛ nɩ a ɩ̃ tub. Sob nɛ na sàwr a a, a na ɩ na ʋ vʋʋrɛ. Mãa n'ɩ a Sore.»

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Neemi 9:10

Fʋ maal'ɩ nɔ-ɓãa-yele nɩ yel-bãw-guuri càar'ɩ a Eziptɩ tẽw nãà, a nɩbɛ na lãw kpɩɛr'ɩ ʋ a, nɩ a ʋ tẽw nɩbɛ za, bʋ̃ʋ n'ʋ vɛ̃, fʋ tɩ bãw nɩ a Eziptɩ tẽw dem pɔ̀l-ɩb bɛ na ɩ a tɩ sãàkʋm-kore zie a. Fʋ ɩ n a fʋ yúor yi cãà wa tɩ tɔ a dɩ̃a.

A naaŋmɩn-ƴèr-manɛ Oze sɛbɛ 6:5

Alɛ so ɩ̃ ƴãw a ɩ̃ ƴɛ̀r-manbɛ zɛb'ɩ nyɩ, a ɩ̃ nʋɔr ƴɛ̀r'ɩ kũu ƴɛ̀rʋ càar'ɩ nyɩ. Ɛ́ a ɩ̃ ƴɛ̀rʋ-dɩb yel-mɩŋa pur sãá mɛ̃ cãà a.

Zeremi 43:2

Lɛ n'a Hosaya bidɛb, Azarɩa, Karea bidɛb, Yohanan nɩ a nɩbɛ bɛl za na ɩrɛ pɔ̀lʋ a, tɩ yel a Zeremi: «Zir-ŋmarɛ nɛ b! A Sore tɩ Naaŋmɩn bɛ tõ fʋ a tɩ zie, kɛ́ fʋ wa yel tɩ à ŋá ɩ: “Nyɩ taa wa cere a Eziptɩ tẽw tɩ kpɩɛr naayir ɛ.”

Galasi 3:12

Ɛcɛ a Naaŋmɩn wulu bɛ yi a naaŋmɩn-sàw-deb pʋɔ ɩ, bɛ nɩ̃ɛ na mɩ̀ cãà sɛb: «Sob nɛ na tuur a Wulu nɛ-ƴãwnɩ a, a na ɩ na ʋ vʋʋrɛ.»

Ʋrɔm 10:5

À ŋá n'a a Moyiir sɛb càar'ɩ a mɩnʋ na na tʋ̃ɔ́ yi a Wulu pʋɔ a: «Sob nɛ na sàw a Wulu nɛ-ƴãwnɩ a, a na ɩ na k'ʋ vʋʋrɛ.»

Luka 10:28

A lɛ n'a a Yeezu yel ʋ: «Fʋ sɔw nɩ vla! Ɩrɛ a lɛ ɛ́ fʋ na tɛr'ɩ a nyɔ-vʋʋrʋ.»

Ezekɩɛl 20:11

Ɩ̃ tɩ kʋ̀ bɛ nɩ a ɩ̃ wulu, ɩ̃ tɩ wul bɛ nɩ a ɩ̃ nɛ́ɛ, ɛ́ a kʋ̀rɛ nɩ nyɔ-vʋʋrʋ a bɛlɩ dem na sàwr a a.

Zeremi 44:10

Wa tɩ tɔ a dɩ̃a a, a bɛ ɩ kpɩɛrʋ nɩr kãw za zie ɩ. Nɩr kãw za bɛ tɛr a ɩ̃ ƴãwfʋ ɛ, nɩr za bɛ tu a wulu nɩ a nɛ-ƴãwnɩ ɩ̃ na kʋ̀ a nyɩɩm nɩ a nyɩ sãàkʋm-kore a ɩ.”»

Zeremi 19:15

«À ŋá n'a a Sore, a kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ na a dɔwrʋ al ɩ̃ na tɩ yel a tẽ-kpɛ̃ɛ ŋa ƴãw a, a wa a ʋl nɩ a ʋ tẽli-kpɔwlɩ ƴãw. Bʋ̃ʋ n'ʋ vɛ̃, a tẽw dem ɩ n zu-kpɛn dem, bɛ zawr'ɩ a ɩ̃ ƴɛ̀rʋ bɛr-wob.”»

Zeremi 17:23

Bɛl a, bɛ bɛ tɩ bɛr wõ ɩ, bɛ bɛ tɩ ƴãw tobr ɛ, bɛ tɩ tãa nɩ kpaar, bɛ bɛ tɩ bɔbr kɛ́ bɛ bɛr wõ ɛ́ de a wulu ɛ.

Zeremi 7:26

Ɛcɛ nyɩ bɛ bɛr wõ m ɛ, nyɩ bɛ cɛlɩ be ɩ, nyɩ ɩ n zu-kpɛ̃w ɩb. Nyɩ kpɛ n faa zuo a nyɩ sãàkʋm-kore.

2 Bibie za yel-manɩ 36:15

A Sore, a bɛ sãà mɩnɛ Naaŋmɩn, na tɩ nɔnɛ a ʋ nɩ-bʋʋrɛ nɩ a ʋ zi-sõw a, tɩ tõ n nɩbɛ gb'aa ŋmɩn za a bɛ zie a ʋ yúor ƴãw,

2 Bibie za yel-manɩ 24:19

A Sore tɩ tõ n naaŋmɩn-ƴɛ̀r-manbɛ a bɛ zie, kɛ́ bɛ tɩ tɛr bɛ lɛb wa n a ʋ zie, ɛcɛ nɩr za bɛ tɩ bɛr wõ a bɛ ƴɛ̀rʋ ɛ.

2 Na-mɩnɛ 17:13

A Sore tɩ ƴãw na a naaŋmɩn-ƴɛ̀r-manbɛ za, nɩ a yel-nyɛrbɛ za kpaalɩ a Ɩsɩrayɛl nɩbɛ nɩ a Zuda nɩbɛ à ŋá: «Nyɩ bɛr a nyɩ ɩ-faar, nyɩ sàwr a ɩ̃ nɛ-ƴãwnɩ nɩ a lɛ ɩ̃ na yel a, mɛ̃ a lɛ a na be a wulu ɩ̃ na wul a nyɩ sãàkʋm-kore a pʋɔ a, ɛ́ ƴãw a ɩ̃ ƴɛ̀r-manbɛ, a ɩ̃ tõ-tõ-biir, ɩ nyɩ bãw a a.»

Wulu-ayi-sob 31:21

A kpɩɛrʋ nɩ a wʋ̀ʋr wa páw bɛ a lɛn daar a, a yielu ŋa na dɩ n a bɛ sãwna dãsɩɛ, bʋ̃ʋ n'ʋ vɛ̃, a bɛ bʋʋrɛ tɛɛ za kʋ̃ bɛr a ʋ yielu towtow ɛ. A dɩ̃a a, ɩ̃ bɛ tɛr bɛ kpɛ n a tẽw ɩ̃ na pɔ yel k'ɩ̃ɩ na kʋ̀ bɛ na a pʋɔ sɛr ɛ, ɛ́ bãw a lɛ bɛ na tɩɛrɛ a.»

Wulu-ayi-sob 4:26

Alɛ bɛ ɩ lɛ, ɩ̃ yere na kʋ̀rɛ nyɩ a dɩ̃a, ɛ́ a salom nɩ a tẽw ɩ a ɩ̃ dãsɩɛ dem, nyɩ na bɔr'ɩ fɔ̃w fɔ̃wlɛ a tẽw nyɩ na na so a Zurdɛ̃ gãwn a pʋɔ. Nyɩ bɛ kpɩɛr a be cɛlɛ ɩ, bɛ na na kʋ nyɩ za pàw pɛr a ƴãw.

Eziptɩ tẽw yib 10:3

A Moyiir nɩ a Aarɔ̃ tɩ cen na tɩ páw a Faarawɔ̃ yel ʋ: «À ŋá n'a a Sore, a Ebre mɩnɛ Naaŋmɩn, ƴɛ̀rɛ a fʋ zie: “Debor daar'a fʋ na zawrɩ a fʋ tʋɔra-siwru a ɩ̃ niŋé tɩ ta? Bɛr a ɩ̃ nɩbɛ bɛ cen tɩ maalɩ mɛ̃.

Matie 19:17

A Yeezu tɩ sɔw ʋ na: «Bʋ̃ʋ n'ʋ so fʋ sowre mɛ̃ a yel-vla yele? A sob nɛ na vɩɛl a, ɩ n been yõ tẽtẽ. Fʋ̃ʋ wa bɔbr kɛ́ fʋ páw a nyɔ-vʋʋrʋ a, sàwr a Naaŋmɩn nɛ-ƴãwnɩ.»

2 Bibie za yel-manɩ 33:10

A Sore tɩ ƴɛ̀r'ɩ a Manase nɩ a ʋ nɩ-bʋʋrɛ zie, ɛcɛ nɩr za bɛ tɩ cɛlɩ be ɩ.

Neemi 9:30

Fʋ nyɔw nɩ fʋ tʋɔra a bɛ ƴãw, yome yaga ƴãw. A fʋ ƴɛ̀r-manbɛ na tɩ tɛr a fʋ vʋʋrʋ a, tɩ zɛlɛ bɛ nɩ a fʋ yúor ƴãw, ɛcɛ bɛ bɛ bɛr wõ ɩ. Lɛ n'a fʋ tɩ bɛr bɛ kʋ̀ nɩ-bʋʋr-yoru bɛ so bɛ.

Neemi 13:15

A lɛn daar, ɩ̃ tɩ nyɛ̃ nɩ a Zuda tẽw pʋɔ nɩbɛ bɛ nɛbr divɛ̃ tɩɩr wɔmɛ ŋmɛrɛ a nɛbrʋ ziir a pɩ̃ɛnʋ-bibir. Bɛ mɩnɛ tɩ tuore nɩ ble, ɛ́ tuore divɛ̃, divɛ̃ tɩɩr wɔmɛ, kãkamɛ nɩ bʋ̃-yaga yaga a mɩnɛ a bɛ bòn kɛ́ bɛ kpɛ n a Zerizalɛm. A ʋlɩ bibir bɛ na tɩ kʋɔrɛ a bɛ yɛ̀rʋ́ bome a, ɩ̃ tɩ yel'a kɛ́ bɛ gùre bɛ tʋɔra.

Zeremi 42:19

A Zeremi tɩ yel'a ƴãw pʋɔ: «Nyɩɩm Zuda nɩbɛ na cãà cɛ vʋʋrɛ a, a Sore yere na kʋ̀rɛ nyɩ: Nyɩ taa cere a Eziptɩ tẽw ɛ! Nyɩ bãwnɩ a vla ɩ̃ na bɛ yere a yel ŋa kʋ̀rɛ nyɩ lãwnɩ dɩ̃ɛnʋ a.

Wulu-ayi-sob 31:27

Bʋ̃ʋ n'ʋ vɛ̃, ɩ̃ bãwnɩ a na bɛ na ɩ nɩ-gaarɩ a, ɩ̃ bãw nɩ a bɛ zu-kpɛnʋ. Bɛlɛ wa gaarɛ a Sore zie, a dɩ̃a ɩ̃ na cãà vʋʋrɛ be a bɛ sɔgɔ a, a ɩ̃ kũu pùorí a, a na ɩ n towtow.

Ƴɛ̀r-dɩrbɛ 6:10

Ɩ̃ yel nyɩ na: “Mãa n'ɩ a Sore, a nyɩ Naaŋmɩn. Nyɩ ta puore a Amoritɩ mɩnɛ tẽw nyɩ na kpɩɛr a ŋmɩmɛ ɩ!” Ɛcɛ nyɩ bɛ bɛr wõ a ɩ̃ ƴɛ̀rʋ ɛ!»

2 Na-mɩnɛ 17:14

Ɛcɛ a nɩbɛ bɛ ŋa bɛ tɩ bɛr wõ ɩ. Bɛ tɩ kpãa nɩ tobr mɛ̃ a bɛ sãàkʋm-kore na bɛ tɩ sàw de a Sore bɛ Naaŋmɩn a.