Neemi 9:28 - A SƐB-SÕW

²⁸ Ɛcɛ, bɛ na mɩ́ tɩ tɛr a ƴã-ɓaarʋ wa báarɛ a, bɛ mɩ́ lɛb'a tĩ ɩrɛ a faa a fʋ niŋé. Fʋ mɩ́ lɛb'a bɛr a bɛ dɔ̃ dem so bɛ. Lɛ n'a bɛ mɩ́ lɛb kone bʋɔlɛ nɩ fʋ, ɛ́ a fʋ̃ʋ a, fʋ mɩ́ lɛb'a wõ a, a salom zu fʋ na be a. A fʋ nɔ̃wfʋ pʋɔ a, fʋ faa bɛ nɩ a gb'aa yaga za.

Neemi 9:28 Referans Kwoze

Ƴɛ̀r-dɩrbɛ 5:31

Sore e, a fʋ dɔ̃ dem za, bɛ kpi, mɛ̃ a lɛ a Sɩsera na kpi a! Ɛcɛ a fʋ nɩ-nɔnɩ ɩ mɛ̃ a mʋ̃tɔ̃w na mɩ́ wa pur nyɩwrɛ ʋ za a!» Ɛ́ a tẽw tɩ tɛr'ɩ ƴã-ɓaarʋ yome lɩz'a ayi.

1 Na-mɩnɛ 8:39

a fʋ̃ʋ a, Sore e, a salom zu be fʋ na kpɩɛr a, bɛr wõ, dɩ suur kʋ̀ bɛ, ɛ́ ɩ ɩb kãw. Mɩ́ ɩ ŋa za tu n a lɛ a ʋ ɩb na ŋmɛ̃ a, fʋ na faa bãw ŋa za socir a. Bʋ̃ʋ n'ʋ vɛ̃, fʋ̃ʋ n'ʋ bãw nɩsaal za socir.

Ƴɛ̀r-dɩrbɛ 4:1

A Ehudɩ kũu pùorí a, a Ɩsɩrayɛl nɩbɛ tɩ lɛb'a maal ɩrɛ a bɛ pɛlɛ a Sore pʋɔ ɩ.

Ƴɛ̀r-dɩrbɛ 3:30

A na tɩ tĩ a lɛn daar a n'a a Ɩsɩrayɛl nɩbɛ dɩ a naalʋ a Mowab tẽw dem zu, ɛ́ a tẽw tɛr ƴã-ɓaarʋ yome lɩz'a anaar.

Ɩzayi 63:15

Sore e, be a salom zu, a zi-sõw-vla vla fʋ na kpɩɛr a, ɛ́ jɩ́r a ʋlɩ bom nɛ na ɩrɛ tɩ a nyɛ̃. Nyɩnɛ n'a a fʋ nɔ̃wfʋ na dɩrɛ a tɩ ƴãw mɛ̃ vũu a cen? Nyɩnɛ n'a a fʋ kpɛnʋ be? Tɩ bɛ mɩ́ cãà nyɛ̃ a fʋ ƴã-cɩrʋ nɩ a fʋ nɔ̃wfʋ a tɩ ƴãw ɛ.

Sɛb-sõw yielu 136:24

ʋ faa tɩ nɩ a tɩ dɔ̃ dem nuru pʋɔ, a ʋ nɔ̃wfʋ na be kʋralɛ a ƴãw.

Ƴɛ̀r-dɩrbɛ 2:19

Ɛcɛ a ƴɛ̀r-dɩrɛ wa kpi a, bɛ mɩ́ lɛb'a tĩ ɩrɛ a ɩ-faar, a nɩ̃ɛ zuo a bɛ sãàkʋm-kore dem. Bɛ mɩ́ tɩ puore nɩ ŋmɩn yoru, ɛ́ gbine dume a niŋé. Bɛ bɛ mɩ́ tɩ zawrɩ a bɛ ɩ-faar ɛ, ɛ́ cãà zawrɛ a Naaŋmɩn nʋɔr cere nɩ.

Sɛb-sõw yielu 106:42

A bɛ dɔ̃ dem tɩ dɔwrɩ bɛ na, ɛ́ ɩ kɛ̀ bɛ nyɛ̃ vĩ.