Neemi 13:25 - A SƐB-SÕW

²⁵ Ɩ̃ tɩ yere bɛ na, ɛ́ ŋmɛ ƴãw bɛ. Ɩ̃ mɔ̃ mɩ̀ tɩ pɔb'ɩ a dɛbr bɛ mɩnɛ ɛ́ taw a bɛ zukɔbɛ vɔ̃. Al pùorí, ɩ̃ ƴãw bɛ pɔ n a Naaŋmɩn yúor kɛ́ bɛ kʋ̃ lɛb kʋ̀ a bɛ pɔwyaar nɩ-bʋʋr-yoru nɩbɛ bɛ kul ɛ, ɛ́ mɩ̀ kʋ̃ lɛb de nɩ-bʋʋr-yoru pɔwyaar a bɛ bidɛbr ƴãw bɩɩ a bɛl mɩŋa ƴãw ɛ.

Neemi 13:25 Referans Kwoze

Neemi 13:17

Ɩ̃ tɩ nyɔw nɩ a Zuda tẽw nɩ-bɛrɛ yere à ŋá: «Nyɩ maal'a bãw a yel-faa nyɩ na maalɩ a? Nyɩ bɛ de a pɩ̃ɛnʋ-bibir ʋ ɩ bibi-sõw ɛ.

Ɛsɩdɩrasɩ 10:5

Lɛ n'a a Ɛsɩdɩrasɩ tɩ ìr, ɛ́ ƴãw a levitɩ mɩnɛ bɛl na ɩ bàwr-maalbɛ a nɩ-bɛrɛ nɩ a Ɩsɩrayɛl nɩbɛ nɩ-bɛrɛ za pɔ yel kɛ́ bɛ na tu n a lɛ a Sekanɩa na yel a. Bɛ za tɩ pɔ na.

Wulu-ayi-sob 7:3

Nyɩ ta ɩ kul-taa be nyɩɩm nɩ a bɛl cara pʋɔ ɩ: nyɩ taa kʋ̀rɛ a nyɩ pɔwyaar a bɛ bidɛbr ɛ, ɛ́ taa dier pɔwbɛ a bɛ pʋɔ kʋ̀rɛ a nyɩ bidɛbr ɛ.

Neemi 13:11

Ɩ̃ tɩ nyɔw nɩ a nɩ-bɛrɛ yere ɛ́ sowri bɛ: «Bʋ̃ʋ n'ʋ so bɛ zawrɩ a Naaŋmɩn yir bɛr ʋ gã?» Al pùorí, ɩ̃ bʋɔlɩ a levitɩ mɩnɛ nɩ a yiel-yielbɛ wa ƴãw bɛ lɛb de a bɛ tome.

Ɩzayi 50:6

Ɩ̃ lɩɛb'ɩ a ɩ̃ zikur kʋ̀ a bɛlɩ dem na pɔbr mɛ̃ a, ɛ́ lɩɛbɩ a kɔrɛ cɔw a bɛlɩ dem na tawr a ɩ̃ tɩɛm kɔblʋ vɔnɛ a. Ɩ̃ bɛ pàw a ɩ̃ niwn tɛr a kaar-bie nɩ a zʋmɛ ƴãw ɛ.

Zʋkpaɩ 28:4

Bɛlɩ dem na bɛ tuur a wulu a mɩ́ mʋʋrɛ nɩ a nɩ-faar. Ɛcɛ a bɛlɩ dem na tuur ʋ a mɩ́ zɛbr'ɩ bɛ na.

Sɛb-sõw yielu 15:4

Ʋ bɛ ŋmɛlɛ kaar bɛlɩ dem Naaŋmɩn na bɛ de a bɛ yele a ɩ, ɛcɛ ʋ mɩ́ ƴãwnɛ nɩ a bɛlɩ dem na ƴãwnɛ a Sore a. Ʋlɛ wa pɔ, a lɛb wa fɛrɛ ʋ a, ʋ bɛ mɩ́ lɩɛbɩ a nʋɔr bɛr ɛ.

Neemi 5:13

Al pùorí, ɩ̃ tɩ pĩ pĩ n a ɩ̃ kpar-kpɛ̃ɛ, ɛ́ yel à ŋá: «A Naaŋmɩn, ʋ mɩ̀ pĩ à à ŋá a bɛlɩ dem za nãà bɛ wa tu a bɛ ƴɛ̀rʋ a! Ʋ ɩ bɛ ta cãà tɛr yie dem nɩ bome ɩ, bɛ zɩ̃ nũ-zawlɛ!» A lãw nɩbɛ tɩ sɔw na: «Amɛn! A ɩ a lɛ!» Bɛ za tɩ danɩ nɩ a Sore, ɛ́ a pùorí bɛ tu a lɛ bɛ na yel a.

Ɛsɩdɩrasɩ 7:26

Nɩr bɛ wa sàwr a Naaŋmɩn nʋɔr nɩ a nãà nʋɔr a, bɛ ƴãw ʋ a dɔwrʋ ʋ na sɛw taa nɩ a: a kũu, a ʋ diwfʋ a tẽw pʋɔ, a ʋ bʋ̃-tɛrɩ za fáb, bɩɩ a gaso.»

Wulu-ayi-sob 6:13

Nyɩ na zɔrɛ nɩ a Sore nyɩ Naaŋmɩn, ʋl yõ n'ʋ nyɩ na mɩ́ lo gbĩ dume puori, ʋl yõ yúor'ʋ nyɩ na mɩ́ pɔ n.

Eziptɩ tẽw yib 34:16

Nyɩ nãà mab'a de pɔwbɛ a bɛ pʋɔ kʋ̀ a nyɩ bibiir, a pɔwbɛ bɛ ŋa mɩ̀ taw bɛ tu n a tɩbɛ maalʋ pùor.

Zozue 23:12

Ɛcɛ nyɩmɛ wa zawr'ʋ bɛr, ɛ́ tu a nɩ-bʋʋrɛ bɛ ŋa na cãà be a nyɩ sɔgɔ a pùor a, nyɩmɛ wa kule a bɛ pɔwyaar, nyɩmɛ wa cere a bɛ zie, ɛ́ bɛ waar a nyɩ zie a,

2 Na-mɩnɛ 2:24

Ʋ tɩ lɩɛb'a jɩ́r bɛ kaa, ɛ́ ŋmɛ ƴãw bɛ a Sore yúor ƴãw. Lɛ n'a wɛ-dʋ̃-faar ayi kãw bɛ na bʋɔlɛ ursɩ, ɛ́ a ɩ bʋ̃-nyan a, tɩ yi a tuw pʋɔ taw a bibiir lɩz'a ayi nɩ ayi bɛ ŋa cɩɛrɩ.

Neemi 13:24

A bɛ bibiir põ-zɛ̃-taa tɩ ƴɛ̀rɛ nɩ a Asɩdɔdɩ tẽw dem ƴɛ̀rʋ, bɛ mɩnɛ ƴɛ̀rɛ nɩ-bʋʋrɛ bɛ ŋa bɩɩ nɩ-bʋʋrɛ bɛ ŋa ƴɛ̀rʋ, ɛcɛ a bɛ been kãw za bɛ tɩ cãà wone a Zifʋ mɩnɛ ƴɛ̀rʋ ɛ.

Sɛb-sõw yielu 119:53

Suur za mɩ́ kʋrɛ mɛ̃ nɩ a nɩ-faar ƴãw, na mɩ́ zawrɩ a fʋ wulu bɛr a.

Neemi 5:6

Ɩ̃ na tɩ wõ a ƴɛ̀rʋ á ŋá nɩ a kon á ŋá a, ɩ̃ nyɛ̃ nɩ suur yaga za.