Neemi 12:39 - A SƐB-SÕW

³⁹ Tɩ tɩ cãà na cen tɔl a Efarayim dɩ̃dɔr zu-sɔw, a Yesana nɩ a Zʋ́mɛ́ dɩ̃dɛɛ zu-sɔw. A Hananeyɛl yir-cõcowla nɩ a Kɔbr yir-cõcowla pùorí a, tɩ zuo nɩ a Píir dɩ̃dɔr bɛr ɛ́ ta a Zi-gùrbɛ dɩ̃dɔr.

Neemi 12:39 Referans Kwoze

Neemi 3:1

A bàwr-maal-kara Ɛlyasivʋ tɩ nyɔw nɩ a tome, ʋlɛ nɩ a ʋ bàwr-maal-taabɛ. Bɛ tɩ lãw na mɛ a Píir dɩ̃dɔr. Bɛ na wa maalɩ ʋ k'ʋ ɩ sõw baar'a, bɛ ƴãw nɩ a pamɛ. Bɛ mɩ̀ tɩ maal'ɩ a dacĩ-kpɛ̃ɛ ƴãw tɩ tɔ a Kɔ̀br yir-cõcowla, ɛ́ bɛ na wa maalɩ ʋ k'ʋ ɩ sõw baar'a, bɛ cow na tɩ ta a Hananeyɛl yir-cõcowla.

Neemi 8:16

Lɛ n'a a Ɩsɩrayɛl nɩbɛ tɩ cen tɩ kar a wuli wa maal'ɩ a sɛwr a bɛ garɛ zu, bɩɩ a bɛ davʋrɩ pʋɔ, bɩɩ a Ŋmɩn-yir-kpɛ̃ɛ davʋrɩ pʋɔ, nɩ a ziir al na tori a Kʋ̃ɔnɩ dɩ̃dɔr nɩ a Efarayim dɩ̃dɔr a.

Neemi 3:6

Pasea bidɛb Yehoyada nɩ Besodɩa bidɛb Mesulam nɛbɛ tɩ lɛb mɛ a Yesana dɩ̃dɔr. Bɛ na tɩ bɛ a dɩ̃dɔr zawle baar'a, bɛ ƴãw nɩ a ʋ pamɛ, a ʋ dà-jɩ̀rɩ́ nɩ a ʋ bʋ̃-kparɩ.

Neemi 3:3

Ha-Senaa tẽw dem nɛbɛ tɩ lɛb mɛ a Zʋ́mɛ́ dɩ̃dɔr. Bɛ na tɩ bɛ a dɩ̃dɔr zawle baar'a, bɛ ƴãw nɩ a dɩ̃dɔr pamɛ, nɩ a ʋ dà-jɩ̀rɩ́ nɩ a ʋ bʋ̃-kparɩ.

Neemi 3:25

Uzaɩ bidɛb Palal tɩ tone na tori a dacĩ-kpɛ̃ɛ gõgon ŋa nɩ a yir-cõcowla kpɛ̃ɛ na be a nãà yir nidaa, ɛ́ pɩɛlɩ a soja-zi-gùrbɛ davʋra a. Pareɔsɩ bidɛb Pedaya,

2 Na-mɩnɛ 14:13

A Bɛtɩ-Semɛsɩ be a, a Ɩsɩrayɛl tẽw nãà, Zowasɩ, tɩ nyɔw nɩ a Zuda tẽw nãà, Amazɩasɩ, na ɩ a Zowasɩ bidɛb, ɛ́ ɩ a Akazɩasɩ yãw a, ʋ ɩ gaso-nɩr. Ʋ tɩ yi n a be cen a Zerizalɛm, tɩ tĩ a Efarayim dɩ̃dɔr ƴãw ɛ́ ŋmɛ a dacĩ-kpɛ̃ɛ ŋmɛr bɛr tɩ sãá nɩ a Dacĩ-gõgon dɩ̃dɔr ƴãw, a wogo za ta mɛtɩr kɔbr ayi (200).

Zã 5:2

A Zerizalɛm a, kʋ̃ɔ-puulu zie kãw be n be pɩɛlɩ a Píir-Dɩdɔr. Bɛ bʋɔlɛ nɩ a zie nɛ kɛ́ Bezata a Zifʋ mɩnɛ kɔkɔr pʋɔ. Bɛ-caar anũu tɩ jil'a koli a kʋ̃ɔ-puulu zie ŋa.

Sofoni 1:10

A Sore yere na, a ʋlɩ bibir nɛ, a Zerizalɛm a, bɛ na wõ n cɛlsɩ a Zʋ́mɛ́ dɩ̃dɔrɩ́, ùoru na ùore nɩ a Tẽ-kpɛ̃ɛ-paala pʋɔ ɛ́ a tãli ɩ gɔmɛ tɛwr.

Zeremi 32:2

A lɛn daar a, a Babɩlɔn tẽw nãà zɛbr-nɩbɛ tɩ piw nɩ a Zerizalɛm. A naaŋmɩn-ƴɛ̀r-manɛ Zeremi ʋl a, bɛ tɩ ƴãw ʋ nɩ gaso pʋɔ a Zuda tẽw nãà yir, a soja-zi-gùrbɛ davʋra pʋɔ.

Zeremi 31:38

A Sore yere na: «Bɛ kʋ̃ yaa kɛ́ lɛb mɛ a Zerizalɛm tẽ-kpɛ̃ɛ a ɩ̃ ƴãw ɛ. Bɛ na yi n ʋ nɩ a Hananeyɛl yir-cõcowla ƴãw tɩ sãá nɩ a Gõgon dɩ̃dɔr ƴãw.

Neemi 12:40

A yiel-yielbɛ lãw a za ayi tɩ tɛw na àr a Ŋmɩn-yir-kpɛ̃ɛ pɛr. Ɩ̃ mɩ̀ tɩ tɛw na àr, mãa nɩ a nɩ-bɛrɛ na tɩ bɩɛlɛ mɛ̃ a.