Mise 7:14 - A SƐB-SÕW

¹⁴ Sore e, cɩ̃ɩnɛ a nɩbɛ fʋ na so a, nɩ a fʋ na-cɩ̃ɩn-da-kʋra. Bɛ àr'ɩ bɛ yõ zie wɛ-kar pʋɔ tɩ-wɔnɩ zaadɛ̃ na jil koli a. Cɩ̃ɩnɩ bɛ mɛ̃ a dãwdãw a, cen nɩ a Basan tẽw nɩ a Galaadɩ tẽw dʋn mʋ̃ɔ 'wɔbrʋ zie.

Mise 7:14 Referans Kwoze

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Ɩzayi 49:10

Kɔ̃ nɩ kʋ̃ɔ-nyúur kʋ̃ lɛb kpɛ bɛ ɩ. A wɛja-kpalɛ sɛsɛb-tʋlʋ nɩ a mʋ̃tɔ̃w kʋ̃ lɛb dɩ bɛ ɩ. Bʋ̃ʋ n'ʋ vɛ̃, ɩ̃ na tɛr bɛ na nɩ nɔ̃wfʋ cen nɩ bul-nɛ́ɛ na ɩ ɓaar ɓaar a pɛr.

Amɔsɩ 9:11

«A ʋlɩ bibir nɛ a, ɩ̃ na lɛb'a mɛ a Daviir gùr na lo a, ɩ̃ na fɔb'ɩ a vɛɛ, ɩ̃ na lɛb'a libri a ʋ deboru, ɩ̃ na ɩ na ʋ ìr àr mɛ̃ a dãwdãw a.

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 37:24

Fʋ ƴãw na a fʋ nɩbɛ fʋ na tõ a, bɛ tʋ m, a mãa Sore. Fʋ yel'a: “A mãa, Senakerib a, ɩ̃ do n tan saa-zu za nɩ a ɩ̃ zɛbr-torko-yaga, do tɩ ta a Libã tãw nyʋɔrɩ́, k'ɩ̃ɩ tɩ cɛ a ʋ sɛɛdɩr tɩ-vɩɛlɩ zie, nɩ a ʋ sɩpɩrɛ tɩ-kɛrɩ zie. Ɩ̃ do na tɩ ta a ʋ nyɔ-ɓɩɩla nɩ a ʋ tuw-zũgulu.

Sɛb-sõw yielu 100:3

Nyɩ bãwnɩ a a Sore na ɩ Naaŋmɩn a, ʋlɛ n'ʋ maalɩ tɩ, ɛ́ só tɩ. Tɩ ɩ n a ʋ nɩ-bʋʋrɛ, a ʋ zaw dʋn.

Sɛb-sõw yielu 95:7

Ʋlɛ sɩrɩ n'ɩ a tɩ Naaŋmɩn, ɛ́ tɩ ɩ a nɩbɛ ʋ na kaarɛ a, a píir ʋ na cɩ̃ɩnɛ a. A dɩ̃a bibir a, nyɩ bɛrɛ wone a lɛ ʋ na yere a:

Sɛb-sõw yielu 28:9

Sore e, faa a fʋ nɩbɛ, maalɩ a fʋ nɩ-sori, ɩ a bɛ cɩ̃ɩnɛ, ɛ́ kaarɛ a bɛ zie kʋralɛ!

Zã 17:16

Bɛ bɛ ɩ a tẽ-daa nɩbɛ ɩ, mɛ̃ a mãa na bɛ ɩ a tẽ-daa nɩr a.

Matie 2:6

“Fʋ̃ʋ Bɛtɩlɛm na be a Zude tẽw pʋɔ a, fʋ̃ʋ bɛ n'ɩ a pʋrɩ za a Zuda tẽw loge za pʋɔ ɩ. A fʋ pʋɔ sɩrɩ n'a a nãà na yi, a ʋl na na cɩ̃ɩnɛ a ɩ̃ nɩ-bʋʋrɛ Ɩsɩrayɛl a.”»

Malasɩ 3:4

Lɛ n'a a Zuda nɩ a Zerizalɛm tẽw dem de-kʋ̀b bome na mɩ́ pɛlɩ a Sore pʋɔ mɛ̃ a koro za a, a yome al na tɔl a.

Sofoni 3:13

A Ɩsɩrayɛl nɩbɛ na cɛ a kʋ̃ cãà ɩrɛ ɩ-faar ɛ, bɛ kʋ̃ cãà ŋmarɛ ziri ɛ. Bɛlʋ ƴɛ̀rʋ kʋ̃ lɛb yi a bɛ nɛ̃ɛ́ ɩ. Bɛ na mɩ́ ɓãá nɩ ƴãw dɩrɛ ɛ́ gúre, ɛ́ nɩr bɛ damnɛ bɛ ɩ.»

A Lãw-mʋɔlɛ 5:21

Sore e, ɩ tɩ lɛb wa a fʋ zie, ɛ́ tɩ na sɩrɩ na lɛb wa. Ɩ a tɩ nyɔ-vʋʋrʋ ʋ lɛb ɩ paala ŋmɛ̃ mɛ̃ a koro kãw za dem a.

Ɩzayi 65:10

A Saron tɩ̃tal na lɩɛb'ɩ píir àrʋ zie, ɛ́ a Akɔɔr fʋɔla lɩɛbɩ nadʋʋra a ɩ̃ nɩbɛ na na bɔ m a ƴãw.

Ɩzayi 35:2

A póru pʋɔ mɔ̃-puuru, a pu pàw ʋ, ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ! A Sore kʋ̀ ʋ nɩ a Libã tan vɩɛlʋ, a Karmɛl tãw nɩ a Saron tɩ̃tal dɛpaalʋ. Lɛ n'a bɛ na nyɛ̃ a Sore yúor-vɩɛlʋ-danʋ, a tɩ Naaŋmɩn dɛpaalʋ.

Sɛb-sõw yielu 143:5

Ɩ̃ lɛb'a bãwnɩ a koro za, ɩ̃ tɩɛrɛ nɩ a ɩb za fʋ na ɩ a, ɩ̃ tɛr'ɩ a fʋ nuru tome za tɩɛrɛ.

Wulu-ayi-sob 33:28

A Ɩsɩrayɛl nɩbɛ kpɩɛr'ɩ a tẽw, bom bɛ damnɛ bɛ ɩ. A Zakɔb bidɛbr sɔwl'ɩ tẽw pʋɔ, ble nɩ divɛ̃ tɩɩr na búle a, ɓɩɛlʋ na lore a be a zũú.

Sɔr-nɛ́ɛ 23:9

Ɩ̃ àr'ɩ a pie zu ɛ́ bɛlɛ a nɩ-bʋʋrɛ bɛ ŋa, ɩ̃ be n a tãli zu ɛ́ jɩ́rɛ bɛ. Nɩ-bʋʋrɛ na kpɩɛr bɛ yõ zie a nɛbɛ, bɛ bãwnɩ a na bɛ na ɩ bɛ tʋɔra a nɩ-bʋʋr-yoru za pʋɔ a.

Eziptɩ tẽw yib 33:16

Bʋ̃ʋ n'ʋ vɛ̃, fʋ̃ʋ bɛ wa bɩɛlɛ tɩ a, ŋmɩŋmɩn n'a a nɩbɛ na bãw k'aa fʋ pʋɔ pɛlɩ nɩ a mãa nɩ a fʋ nɩ-bʋʋrɛ ƴãw? A ʋlɩ bom nɛ na na ɩ kɛ̀ tɩɩm nɩ a tẽw zu nɩ-bʋʋrɛ za bɛ ɩ been a, ʋlɛ n'ɩ fʋ na na bɩɛlɛ a mãa nɩ a fʋ nɩ-bʋʋrɛ a.»

A Lãw-mʋɔlɛ 1:7

A ʋ bibie al ʋ na tɩ bɔrɛ gʋɔr ɛ́ nyɛrɛ vĩ a, a Zerizalɛm tɩ lɛb'a tɩɛrɛ a ʋ bʋ̃-vɩɛlɩ za ʋ na tɩ tɛr a koro za a. A lɛn daar a ʋ nɩbɛ na tɩ lo a bɛ dɔ̃ dem nuru pʋɔ a, nɩr kãw za bɛ tɩ wa sõw ʋ ɛ. A ʋ dɔ̃ dem tɩ nyɛ̃ ʋ na ɛ́ ɩ ʋ la ʋ na tɩ lo a ƴãw.

Levitɩ mɩnɛ 27:32

A nĩi, a píir nɩ a bʋʋr ƴãw a, dʋ̃-been n'ʋ bɛ na mɩ́ ƴãw bãwfʋ dʋn pie pʋɔ, de ʋ kʋ̀ a Sore.

A Yielu za pʋɔ yiel-vla vla 4:1

Nyɛ̃ fʋ na pɔl a, ɩ̃ sɛn ɩ, nyɛ̃ fʋ na pɔl a! A pɛn na pàw a fʋ niwn a pùorí a, a fʋ mimie vɩɛl'a mɛ̃ naŋmamɛ a. A fʋ zukɔbr-vɔlavɔla ɩ na mɛ̃ bʋʋr na darɛ taa siwr Galaadɩ tãw a.

Zeremi 49:31

A Sore yere na: «Nyɩ ìr! Nyɩ cen tɩ zɛb'ɩ a nɩ-bʋʋrɛ bɛ ŋa na bɛ tɩɛrɛ bom za a. Bɛ tɩ tɩɛr'a kɛ́ bom bɛ damnɛ bɛ ɩ, bɛ bɛ tɛr pamɛ nɩ dà-jɩ̀rɩ́ ɛ, ɛ́ vʋʋrɛ bɛ yõ zie.

Ezekɩɛl 36:11

A ziir za a, a nɩbɛ nɩ a dʋn na lɛb'a yãwmɛ. Nyɩ na tɛr'ɩ bibiir, nyɩ na yãwmɛ na. A tẽw na lɛb'a tɛr nɩbɛ mɛ̃ a koro za a, ɛ́ a nyɩ tɛra na zuo nɩ a dãwdãw dem. Lɛ n'a nyɩ na bãw kɛ́ mãa n'ɩ a Sore.

Sɔr-nɛ́ɛ 32:1

Urubɛn nɩ Gadɩ bʋʋrɛ tɩ tɛr'ɩ dʋn na yãwmɛ ɛ́ ta dʋn a. Bɛ tɩ nyɛ̃ nɩ a Yazɛɛr vuo nɩ a Galaadɩ tẽw a vɩɛl a dʋn guolu ƴãw.

Sɔr-nɛ́ɛ 32:4

a Sore na sõw a Ɩsɩrayɛl nɩbɛ zɛb de a pʋɔ. A vuo maal'ɩ nɩ dʋn guolu, ɛ́ tɩ tɛr dʋn.»

Ɩzayi 27:13

A ʋlɩ bibir nɛ a, a ɩɩl-kpɛ̃ɛ na pɛbl'a. Lɛ n'a a bɛlɩ dem na tɩ bɔr be a Asiiri tẽw a, nɩ a bɛl bɛ na tɩ diw cen nɩ a Eziptɩ tẽw a, na lɛb wa. Bɛ na wa gbĩ n dume gũu tɩ tɔ tẽw a Sore niŋé, a tãw-sõw zu, a Zerizalɛm.

Abɩdɩasɩ 1:19

A Negɛɛvʋ tẽw dem na so nɩ a Ezawu tãw, ɛ́ a Ba-Peyi tẽw dem so a Filisɩtɛ̃ mɩnɛ tẽw. Bɛ na so nɩ a Efarayim bʋʋrɛ tẽw nɩ a Samaari tẽw. Ɛ́ Bɛ̃zamɛ bʋʋrɛ na so nɩ a Galaadɩ tẽw.

Zakari 10:10

Ɩ̃ na tɛr bɛ nɩ a Eziptɩ tẽw lɛb wa n, ɩ̃ na tɛr bɛ nɩ a Asiiri tẽw lɛb wa ɓã bɛ taa, ɩ̃ mɩ̀ na tɛr bɛ na cen nɩ Galaadɩ tẽw nɩ Libã tẽw, ɛcɛ a be mɩ̀ a, a vuo kʋ̃ saalɩ bɛ ɩ.

Zakari 11:7

Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.