Mise 6:16 - A SƐB-SÕW

¹⁶ Nyɩ tuur'ɩ a nãà Omiri nɩ a ʋ bidɛb Akab yir ɩ-faar nɛ́ɛ. A bɛ wulu n'a nyɩ tuur. A lɛ n'a so ɩ̃ na ɩ a nyɩ tẽw ʋ lo, ɛ́ ɩ a nyɩɩm na kpɩɛr a ʋ pʋɔ a, nyɩ ɩ nɩ-ɩ-laarɩ. Ɛ́ nyɩ na nyɛ̃ nɩ a vĩ ʋl a ɩ̃ nɩ-bʋʋrɛ na nyɛ̃ a.»

Mise 6:16 Referans Kwoze

Zeremi 51:51

«Nʋ̃ɔ̀ bɛ mɩ́ tɩ ɩrɛ tɩ a zʋmɛ tɩ na mɩ́ tɩ wone a ƴãw ɛ. Vĩ tɩ nyɔw tɩ na a lɛn daar a nɩ-sãanbɛ na tɩ kpɛ a Sore zi-sõw pʋɔ a.»

Zeremi 7:24

Ɛcɛ bɛ bɛ bɛr wõ ɩ, bɛ bɛ cɛlɩ be ɩ, bɛ ɩ n lɛ bɛ na nɔnɛ a, a bɛ zu-kpɛ̃w-faa faa pʋɔ. Bɛ nãá lɩɛbɩ a bɛ niwn cɔw mɛ̃ a, bɛ bɛr'a ɛ́ lɩɛbɩ kpaar cɔw mɛ̃.

Zeremi 19:8

Ɩ̃ na ɩ na a Zerizalɛm tẽ-kpɛ̃ɛ lɩɛbɩ zie bɛ nãà mɩ́ wa nyɛ̃ ŋmɩɛr pʋl-vʋ̃ɔ cɛlsɩ a. Nɔ-ɓãan na mɩ́ nyɔw nɩ a bɛlɩ dem za na tɔlɛ a be a, ɛ́ bɛ na mɩ́ ŋmɩɛr'ɩ pʋl-vʋ̃ɔ cɛlsɩ a yel-sãwnɩ á ŋá za bɛ na nyɛ̃ a zũú.

Ɩzayi 25:8

Ʋ na ír'ɩ a kũu bɛr a nʋɔr kʋ. A Sore Naaŋmɩn na fɩɛl'ɩ a mʋta-kʋ̃ɔ bɛr a niŋe za ƴãw. Ʋ na ír'ɩ a ʋ nɩ-bʋʋrɛ vĩ bɛr a tẽw za pʋɔ. A Sore n'ʋ yel.

Sɛb-sõw yielu 44:13

Fʋ kʋɔr'ɩ a fʋ nɩbɛ lo, fʋ bɛ páw bom za a bɛ kʋɔrʋ pʋɔ ɩ.

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

A naaŋmɩn-ƴèr-manɛ Oze sɛbɛ 5:11

A Efarayim na tu a bʋ̃-zawlɛ pùor a, dɔwrʋ lo n a ʋ zu, bɛ na dɩ n a ƴɛ̀rʋ dĩ nɩ ʋ.

Ezekɩɛl 39:26

Lɛ n'a bɛ na yiiri a bɛ vĩ bɛr nɩ a yel-bebe al za bɛ na maalɩ caar'ɩ mɛ̃ a. Bɛ na kpɩɛr'ɩ nɩ ƴã-ɓaarʋ a bɛ tẽw ɛ́ nɩr kʋ̃ lɛb ɩ bɛ màwr dɛ̃bɩ̃-mawfʋ ɛ.

A Lãw-mʋɔlɛ 5:1

Sore e, ta yiiri a ʋlɩ bom nɛ na ta tɩ a ɩ. Jɩ́r nyɛ̃ a lɛ bɛ na tʋʋr tɩ a.

Zeremi 25:9

ɩ̃ na tõ na bɛ tɩ bʋɔlɩ a Saa-pɛrɩ́-gʋba-lowr nɩbɛ za, lãwnɩ a ɩ̃ tõ-tõ-bie, a Nabikodonozɔɔr, a Babɩlɔn tẽw nãà. Ɩ̃ na ɩ na bɛ wa a tẽw ŋa nɩ a ʋ nɩbɛ nɩ a tẽ-kpɔwlɩ za na viiri koli ʋ a ƴãw. Ɩ̃ na kʋ nyɩ na pàw pɛr, a bɛl nɩ a nyɩɩm, ɩ̃ɩ na ɩ n a tẽw ŋa yie lɩɛbɩ deboru gã kʋralɛ, bɛ mɩ́ nyɛ̃ ŋmɩɛr pʋl-vʋ̃ɔ cɛlsɩ.

Ɩzayi 9:16

Alɛ n'a so a Sore pʋɔ bɛ pɛlɩ a bɛ pɔlbili ƴãw ɛ, ʋ bɛ zɔrɛ a bɛ bi-kpebe nɩ a bɛ pɔw-kɔbɛ nɩbaalʋ ɛ. Bʋ̃ʋ n'ʋ vɛ̃, nɩ-faar'ɩ bɛ za na ɩrɛ ɩ-faar a. A alɩ bome nɛ bɛ na mɩ́ yere a faa tɔ. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Sɛb-sõw yielu 1:1

Zu-nʋ̃ɔ̀ sob'ɩ a nɩr ʋl na bɛ tuur a nɩ-faar wulu a, na bɛ cɔwrɛ a yel-bebe dem a, na bɛ zɩnɛ a Naaŋmɩn-ɩ-laarbɛ sɔgɔ a!

2 Bibie za yel-manɩ 34:25

A Zerizalɛm tẽw dem zawrɩ mɛ̃ na bɛr, bɛ nyɩw nɩ tɩ-suur-zɔ̃-na-nyùur-vla-vla-a kʋ̀ ŋmɩn-yoru. A lɛ za bɛ na ɩ a ɩ na a ɩ̃ suur ír. Alɛ so a ɩ̃ suur bɛrmɛ a tẽw ŋa ƴãw, ɛ́ kʋ̃ ɓãá ɩ.

2 Na-mɩnɛ 21:3

Ʋ tɩ lɛb'a mɛ a maalʋ-ziir a ʋ sãà Ezekɩasɩ na tɩ ŋmɛr bɛr a. Ʋ tɩ mɛ n bàwr-maal-kube a ŋmɩn Báàl ƴãw, ɛ́ bà dà-barɩ mɛ̃ a lɛ a Ɩsɩrayɛl tẽw nãà Akab na tɩ dãw ɩ a. Ʋ tɩ puor'ɩ a salom zu bʋ̃-nyɩwrɩ za, ɛ́ maalɩ a.

2 Na-mɩnɛ 16:3

Ʋ nɩ̃ɛ na tɩ cɔwrɩ a Ɩsɩrayɛl tẽw na-mɩnɛ ɩb, tɛr tɩ nyɩw a ʋ bidɛb maal'ɩ bàwr. A yel ŋa pʋɔ a, ʋ tɩ cɔwr'ɩ a nɩ-bʋʋr-yoru ɩ-faar na bɛ maal'ɩ wob a, a nɩ-bʋʋrɛ bɛl a Sore na tɩ diw a tẽw pʋɔ, ɛ́ ƴãw a Ɩsɩrayɛl nɩbɛ zɩ̃ a.

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 9:8

A nɩbɛ mɩ́ wa tɔlɛ pɩɛlɩ a Ŋmɩn-yir-kpɛ̃ɛ ŋa na lo a, bɛ na mɩ́ nyɔw nɩ nʋɔr, ɛ́ pʋ̀lá vʋ̃ɔ bɛ, bɛ yere: “Bʋ̃ʋ n'ʋ so a Sore ɩ a tẽw ŋa nɩ a Ŋmɩn-yir-kpɛ̃ɛ ŋa à à ŋa?”

Zeremi 25:18

Ɩ̃ tɩ tĩ nɩ nɩ a Zerizalɛm nɩ a Zuda tẽ-bɛrɛ, a na-mɩnɛ nɩ a bɛ tõ-tõ-bi-bɛrɛ. Ɩ̃ tɩ ɩ na a tẽ-bɛrɛ á ŋá lɩɛbɩ deboru, zie na kpɛ faa bɛ mɩ́ nyɛ̃ ŋmɛ pʋl-vʋ̃ɔ cɛlsɩ, ɛ́ a ŋmɛ-ƴãw pʋɔ bɛ mɩ́ de a man nɩ a. Alɛ n'a ɩrɛ a dɩ̃a.

Zeremi 29:18

Ɩ̃ na ta na tu bɛ nɩ a zɛbr-sɔ-kpɛ̃ɛ, a kɔ̃ nɩ a jɛ̀lmɛ̃ bàalʋ. A tẽ-daa naalʋ-ten za na mɩ́ mawr'ɩ dɛ̃bɩ̃-mawfʋ alɛ mɩ́ wa nyɛ̃ bɛ a. A ten al za pʋɔ ɩ̃ na diw bɛ yaarɩ a, nɩr wa bɔbr k'ʋʋ ŋmɛ ƴãw a, bɩɩ k'ʋʋ ƴɛ̀r bom na kpɛ faa bɛ maal'ɩ wob a ƴɛ̀rʋ a, bom na vʋ̃ɔnɛ pʋ̀lá bɩɩ ɩrɛ vĩ a, bɛlɛ nɛbɛ ʋ na mɩ́ de man nɩ.

A naaŋmɩn-ƴèr-manɛ Oze sɛbɛ 12:14

Ɛcɛ naaŋmɩn-ƴɛ̀r-manɛ n'ʋ a Sore tɩ ƴãw ʋ tɛr a Ɩsɩrayɛl yi n a Eziptɩ tẽw. Ɛ́ naaŋmɩn-ƴɛ̀r-manɛ n'ʋ a Sore tɩ ƴãw ʋ gù ʋ.

Mise 2:6

Bɛ mɩnɛ kãw ƴɛ̀rɛ nɩ à ŋá a ɩ̃ zie: «Ta cãà ƴɛ̀rɛ a ƴɛ̀rʋ á ŋá taabɛ ɩ, dãbolu n'a, fʋ na yere k'aa vĩ bɛ tɛr nɩɩr-bɛrʋ a.

Mise 6:13

A lɛ n'a so ɩ̃ tĩ ŋmɩɛr nyɩ, ŋmɩɛrʋ na na wa n a nyɩ loba, a nyɩ yel-bebe zũú a.

2 Bibie za yel-manɩ 22:4

Ʋ tɩ ɩ n a lɛ na bɛ pɛlɩ a Sore pʋɔ a, mɛ̃ a Akab yir nɩbɛ a, bʋ̃ʋ n'ʋ vɛ̃, a ʋ sãà kũu pùorí a, bɛlɛ nɛbɛ tɩ ɩ a ʋ yã-wulbɛ bɔr'ɩ ʋ.

Sɛb-sõw yielu 44:14

Fʋ bɛr'ɩ a tɩ sɩman dem bɛ tʋʋr tɩ, ɛ́ a nɩbɛ na kpɩɛr viiri koli tɩ a ɩrɛ tɩ laar.