Mise 3:5 - A SƐB-SÕW

⁵ À ŋá n'a a Sore ƴɛ̀rɛ cáarɛ nɩ a naaŋmɩn-ƴɛ̀r-manbɛ bɛl na tule a ɩ̃ nɩ-bʋʋrɛ a: «A nʋɔr wa pɩ̃ɛ a, ƴã-ɓaarʋ ƴɛ̀rʋ n'a bɛ mɩ́ ƴɛ̀rɛ, ɛcɛ nɩr bɛ wa ƴãw bɛ bom nʋɔrɩ́ a, zɛbr mɩ́ n'a.

Mise 3:5 Referans Kwoze

Zeremi 6:14

Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw, mɩ́ yel kɛ́ a yele za cere nɩ vla, a yele za cere nɩ vla! Ɛ́ bom za bɛ cere ɩ.

Zeremi 23:32

Ɩ̃ na ìr'ɩ a bɛ ƴãw. A bɛ zánʋ ɩ n ziri tɛwr. Bɛlɛ wa manɛ a a, bɛ mɩ́ bɛlɛ nɩ a nɩbɛ nɩ a bɛ ƴɛ̀r-ziri nɩ a bɛ ƴɛ̀r-zawlɛ. Mãa a, ɩ̃ bɛ yel kɛ́ bɛ ɩ bom ɛ. Bɛ bɛ tɛr yel-ɩra kãw za a ɩ̃ nɩbɛ zie ɩ.» A Sore n'ʋ yel.

Ʋrɔm 16:18

bʋ̃ʋ n'ʋ vɛ̃, a nɩbɛ bɛ ŋa taabɛ bɛ kaarɛ a Kɩrɩta tɩ Sore yele zie ɩ, bɛl nyagɛ zie n'a bɛ kaarɛ. Ƴɛ̀r-vɩɛlɩ nɩ nɔ-kãá n'a bɛ mɩ́ tɛr bɛ̀lɛ nɩ a nɩbɛ bɛl na bɛ tɛr a mɩnɛ kãw a.

Matie 15:14

Nyɩ bɛr bɛ: zɔn nɛbɛ tawr zɔn. Ɛcɛ zɔ̃w wa tawr zɔ̃w a, bɛ za ayi na lo n bɔw pʋɔ.»

Matie 7:15

«Nyɩ gùre nyɩ tʋɔra a naaŋmɩn-ƴɛ̀r-man-bɛlɛbɛlɛ mɩnɛ ƴãw. Bɛ mɩ́ sɔwl'ɩ bɛ tʋɔra ɩ mɛ̃ pi-nyan a, waar a nyɩ zie, ɛcɛ a bɛ pʋ̃ɔmɩ bɛ ɩ wɛ-bà-karɩ.

Malasɩ 2:8

Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Mise 3:11

Nʋɔr'ʋ bɛ mɩ́ ŋmɛ a ƴɛ̀r-dɩrbɛ bɛ dɩ a ƴɛ̀rʋ, tɔnɛ ƴãw n'a a bàwr-maalbɛ wule, libie ƴãw n'a a naaŋmɩn-ƴɛ̀r-manbɛ bãwnɛ a nɩdaar yele. Ɛcɛ à á ŋá za a, a Sore ƴãw n'a bɛ mɩ́ ɩrɛ ƴãwn yere nɩ: «A Sore be n a tɩ sɔgɔ, yel-faa za bɛ páwr tɩ ɛ.»

Mise 2:11

Nɩr'ɩ ŋa ta, ƴɛ̀rɛ ƴɛ̀r-zawlɛ, ɛ́ ŋmarɛ ziri yere nɩ: «Ɩ̃ yere na kʋ̀rɛ nyɩ, nyɩ na páw nɩ divɛ̃ nɩ dã-kpɛn!» A lɛn daar a, ʋ na ɩ n a nɩbɛ bɛ ŋa kã-kanɛ.

Zeremi 23:27

Bɛ mɩ́ tɩɛr'a kɛ́ bɛ ɩ a ɩ̃ nɩbɛ yiiri a ɩ̃ yúor, a bɛ zánʋ bɛ na mɩ́ manɛ kʋ̀rɛ taa a zũú, mɛ̃ a lɛ a bɛ sãàkʋm-kore na tɩ tu a bɛ Báàl yiiri a ɩ̃ yúor bɛr a.

Ɩzayi 3:12

A Sore yere na: “Ɩ̃ nɩ-bʋʋrɛ ɛ, a bɛlɩ dem na dɔwrɛ nyɩ a, bibili nɛbɛ, ɛ́ pɔwbɛ nɛbɛ dɩrɛ a naalʋ a nyɩ zu. Ɩ̃ nɩ-bʋʋrɛ ɛ, a bɛlɩ dem na tɛr nyɩ cere nɩ a, tule nyɩ na, bɛ tuli nɩ a nyɩ sɔ́r.”

Zʋkpaɩ 28:21

A owru bɛ vɩɛl ɛ. Ɛcɛ nɩbɛ bɛ mɩnɛ na tʋ̃ɔ́ na bɛ mɩ́ tu a yel-mɩnʋ ɛ, bʋ̃-dɩ-cãpile kãw ƴãw.

Zeremi 6:4

Bɛ cɩɩrɛ na yere: «Nyɩ ír! Nyɩ cɔbrɩ a zɛbr! Nyɩ ɩ tɩ zɛb'ɩ a Zerizalɛm mʋ̃tɔ̃-tuo! We ãi! A mʋ̃tɔ̃w gɔ̃wnɛ na, a zaanʋɔra ɓaarʋ lɩɛbɛ na.

A Lãw-mʋɔlɛ 2:14

Yel-ziri nɩ yele na bɛ tɛr pɛr a n'a a fʋ naaŋmɩn-ƴɛ̀r-manbɛ nyɛ̃ a fʋ ƴãw. Bɛ bɛ ɩ a fʋ sãwna ʋ sãá, kɛ́ bɛ tʋ̃ɔ́ ɩ a fʋ yele lɩɛbɩ ɛ. Ziri nɩ ƴɛ̀r-ziri n'a bɛ ƴɛ̀r kʋ̀ b.

Ezekɩɛl 13:9

Ɩ̃ na wul'ɩ a ɩ̃ fãw a naaŋmɩn-ƴɛ̀r-manbɛ bɛl na mɩ́ tɩɛrɩ a bɛ bʋ̃-nyɛrɩ yel, ɛ́ mɩ́ yel bome na bɛ ɩ sɩza a. Bɛ kʋ̃ pʋɔ a ɩ̃ nɩ-bʋʋrɛ lãw pʋɔ ɩ. A bɛ yée kʋ̃ be a Ɩsɩrayɛl bʋʋrɛ yée sɛbɛ pʋɔ ɩ, ɛ́ bɛ kʋ̃ lɛb wa a bɛ tẽw pʋɔ ɩ. À ŋá n'a bɛ na bãw kɛ́ mãa n'ɩ a Sore Naaŋmɩn.

A naaŋmɩn-ƴèr-manɛ Oze sɛbɛ 4:5

Fʋ na ŋmɩɛr'ɩ gbɛ́ɛ mʋ̃tɔ̃-tuo, ɛ́ a ƴɛ̀r-manɛ mɩ̀ lãwnɩ fʋ ŋmɩɛr a gbɛ́ɛ a tɩ̃ɩsɔw. Ɩ̃ na pàw nɩ a fʋ mã Ɩsɩrayɛl nʋɔr.