Mise 1:7 - A SƐB-SÕW

⁷ Bɛ na ŋmɛr'ɩ a ʋ ŋmɩmɛ dasuli za bɛr, ɛ́ a bʋ̃-kʋ̀rɩ́ ʋ na páw a, bɛ na lɔb a na ƴãw vũu-zɛlɛ pʋɔ. Ɩ̃ na ƴãw na bɛ ŋmɛr a ʋ tɩbɛ cʋmcʋm, bʋ̃ʋ n'ʋ vɛ̃, ʋ dà n a bome á ŋá za nɩ a ʋ pɔw-yɛm ɩ-ɩrɩ sã-ya libie. A mɩ̀ na lɩɛb'ɩ pɔw-yɛm ɩ-ɩrɩ a mɩnɛ sã-ya libie.»

Mise 1:7 Referans Kwoze

Wulu-ayi-sob 23:18

Ɩsɩrayɛl nɩr kãw za, dɛb bɩɩ pɔw, bɛ tɛr sɔ́r na tone dɛ-yɛm bɩɩ pɔw-yɛm tome, maalɛ nɩ ŋmɩn-yoru ɛ.

A naaŋmɩn-ƴèr-manɛ Oze sɛbɛ 2:12

Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ. Nɩr kʋ̃ piw mɛ̃ sɔ́r a lɛ ƴãw ɛ.

Yel-wula 18:3

Bʋ̃ʋ n'ʋ vɛ̃, a ten za nyũ n a ʋ pɩ̃ɔ ɩ-ɩrɩ na bɛ maal'ɩ wob a divɛ̃. A tẽw zu na-mɩnɛ lãw nɩ ʋ na maalɩ a pɩ̃ɔ-yele, ɛ́ a ʋ naalʋ na bɛ vʋʋr a ɩ na a tẽw zu yɛ-yɛrbɛ kpɛ naalʋ.»

A naaŋmɩn-ƴèr-manɛ Oze sɛbɛ 8:6

Ɩsɩrayɛl tẽw n'a ʋ yi, bʋ̃-maalɛ kãw n'ʋ maalɩ ʋ, ʋ bɛ ɩ Naaŋmɩn ɛ. Ʋ̃ʋ, a Samaari tẽw nadele na ŋmɛr'a yaarɩ pɩrɩsɩsɩ.

Yel-wula 18:9

A tẽw zu na-mɩnɛ na lãw nɩ ʋ maalɩ a pɩ̃ɔ-yele, ɛ́ lãw nɩ ʋ dɩ a dɛpaalʋ a na tuo nɩ nuru zũú kone nɩ a ʋ ƴãw, a lɛn daar bɛ nãà wa nyɛ̃ a ʋ vũu zʋ̀ʋ́r a.

Zowɛl 3:3

Ɩ̃ na maal'ɩ nɔ-ɓãa-yele a salom zu nɩ a tẽw zu: zɩ̃ɩ, vũu nɩ zʋ̀ʋ́r na ŋmɛlɛ dúor a.

A naaŋmɩn-ƴèr-manɛ Oze sɛbɛ 2:5

Alɛ bɛ ɩ lɛ, ɩ̃ na yàa nɩ a ʋ bʋ̃-suuri ɛ́ bɛr ʋ ƴã-gã-kpãkpol, ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a! Ɩ̃ na ɩ na ʋ ŋmɛ̃ taa nɩ a wɛja-kpalɛ, ɩ̃ na ɩ na ʋ lɩɛbɩ tẽsɔw-kõw, ɩ̃ na ɩ na ʋ kpi n kʋ̃ɔ-nyúur.»

Ɩzayi 27:9

Nyɛ̃ a lɛ a Zakɔb sãwna na na baarɩ a, nyɛ̃ a ʋlɩ bom nɛ a ʋ yel-bier suur páwfʋ na na wa n a: bɛ na ƴɛ́r'ɩ a bàwr-maal-kube kʋsɛbɛ za a ɩ mɛ̃ tã-zɔ̃ a. A dà-barɩ nɩ a parfɛ̃ bʋ̃-nyɩwrɩ kʋ̃ cãà bà àr ɛ.

2 Bibie za yel-manɩ 31:1

À á ŋá za na wa baarɩ a, a Ɩsɩrayɛl nɩbɛ za na tɩ be a be a tɩ cen nɩ a Zuda tẽ-bɛrɛ pʋɔ, tɩ ŋmɛr ŋmɛr a kʋsɛ-teli, cɛ cɛ a dà-barɩ lɔb, ɛ́ sãw sãw a maalʋ-ziir nɩ a bàwr-maal-kube bɛr, a Zuda naalʋ-tẽw za pʋɔ, a Bɛ̃zamɛ, a Efarayim nɩ a Manase dɔwlʋ pʋɔ. Al pùorí, ŋa za tɩ lɛb'a kul a ʋ tẽ-kpɛ̃ɛ pʋɔ a ʋ yir.

Wulu-ayi-sob 9:21

Ɩ̃ tɩ ɓáw nɩ a nále nyɩ na tɩ maalɩ a, a nyɩ yel-bier bom, lɔb ƴãw vũumí. Al pùorí, ɩ̃ ŋmɛ ŋmɛ ʋ ŋmɛr, ƴɛ́r ʋ bàalɛ ɩ̃ lɔb ƴãw a fʋɔla na yi a tãw zu siwr a pʋɔ.

Levitɩ mɩnɛ 26:30

Ɩ̃ na sãw nɩ a nyɩ maalʋ-ziir bɛr, ɩ̃ na ŋmɛr'ɩ a nyɩ bàwr-maal-kube al zu nyɩ na mɩ́ nyɩw a parfɛ̃ a bɛr, ɩ̃ na gbõ n a nyɩ kũuni taa a tɩbɛ na ŋmɛr ŋmɛr ɛ́ kar kar a zu. A ɩ̃ pʋɔ kʋ̃ nɔ̃w nyɩ towtow ɛ.

1 Samɩɛl 5:4

A bio daarɩ́ biɓaar-pipi, bɛ tɩ lɛb'a ìr nyɛ̃ a Dagon ʋ lɛb lo gã a tẽw, a Sore wõ-taa daga niŋé. A Dagon ƴã-gan yõ n'ʋ tɩ be be, a zu nɩ a nuru tɩ ŋma na gã a ʋ yir dɩ̃dɔr zu.

Ɩzayi 2:18

A tɩbɛ za na bɔr a.

Ɩzayi 23:17

A yome lɩz'a ata nɩ pie wa baar'a, a Sore na kaa nɩ a Tɩ́ɩ̀r zie. Ʋ na lɛb'a páwr libie. Ʋ na tone nɩ a pɔw-yɛm tome nɩ a naalʋ-ten za na pàw a tẽ-daa a.

Ezekɩɛl 6:6

Zie za nyɩ na kpɩɛr a, a ten na ɩ n zawlɛ ɛ́ bɛ jɛ a maalʋ-ziir bɛr. A nyɩ bàwr-maal-kube na ŋmɛr'a gã, ɛ́ kʋ̃ tɛr yel-ɩra kãw za ɩ. Bɛ na ŋmɛr'ɩ a nyɩ ŋmɩmɛ bɛr, ír a bɛr, ɛ́ sãw a nyɩ parfɛ̃ nyɩwfʋ ziir bɛr. Bom nɛ za nyɩ na maalɩ a na sãw na, a nʋɔr kʋ.

A naaŋmɩn-ƴèr-manɛ Oze sɛbɛ 2:14

Ɩ̃ na sãw nɩ a ʋ divɛ̃ tɩɩr púo nɩ a ʋ kãkã-tɩɩr bɛr, al ʋ na tɩ tɛr yere nɩ: “A sã-ya n'ɩ à á ŋá a ɩ̃ sɛnbɛ na kʋ̀ m a.” Ɩ̃ na ɩ na a lɩɛbɩ tuwr, a na lɩɛb'ɩ wɛ-dʋn bʋ̃-dɩrɩ.

A naaŋmɩn-ƴèr-manɛ Oze sɛbɛ 8:5

Samaari tẽw dem i, a nyɩ nadele ɩrɛ mɛ̃ nɩ kɔkɔrʋ. Nyɩ ɩ na a ɩ̃ suur ìr. Debor'a a na tɩ ta, nyɩ na kʋ̃ tʋ̃ɔ́ bɛ tɛr a sãwna a?