Mise 1:6 - A SƐB-SÕW

⁶ À ŋá n'a a Sore yere: «Ɩ̃ na ɩ na a Samaari tẽw lɩɛbɩ deboru, ʋ lɩɛbɩ divɛ̃ tɩɩr tẽsɔw-kʋ́ɔra. Ɩ̃ na ɩ n a ʋ kʋsɛbɛ bili siw a fʋɔla pʋɔ, ɩ̃ na ɩ n a ʋ dacine pɛ́ɛ a sãá.

Mise 1:6 Referans Kwoze

Ezekɩɛl 13:14

Ɩ̃ na dáa nɩ a dacin nyɩ na fɔl a lɔb. Ɩ̃ na sãw ʋ na bɛr tɩ ta n a sɩɛmɩ́ ɛ́ bɛ na nyɛ̃ nɩ a ʋ pɛr na bin a. A dacin na lo na, ɛ́ a kʋsɛbɛ lo dĩ nyɩ ŋmɛr. Lɛ n'a nyɩ na bãw kɛ́ mãa n'ɩ a Sore.

Mise 3:12

Alɛ n'a so, a nyɩɩm zũú a, a Sɩyɔ̃ na lɩɛb'ɩ púo bɛ na kɔ a, a Zerizalɛm tẽw yie na lo na gbõ taa, ɛ́ a Ŋmɩn-yir-kpɛ̃ɛ tãw ɩ tuw gã.

A Lãw-mʋɔlɛ 4:1

'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son yàar'a pàw a ziir za!

2 Na-mɩnɛ 19:25

Alɛ, Senakerib i, fʋ bɛ bãwnɩ a ɩ? Mãa n'ʋ cɔbrɩ a yele á ŋá, koro kãw za, daar na bɛ gbʋ́r a n'a ɩ̃ tɩɛrɩ a bin, ƴɛrɛŋa a, ɩ̃ maalɛ nɩ a yele á ŋá. Fʋ̃ʋ n'ʋ ɩ̃ tɩ bãwnɩ, kɛ́ fʋ wa ɩ a tẽ-bɛrɛ, bɛ na cɔbrɩ a kpɛmɛ a zɛbr ƴãw a, a lɩɛbɩ deboru.

Matie 24:2

Ʋ tɩ de nɩ a ƴɛ̀rʋ yel bɛ: «Mɛ̃ nyɩ taa nyɛ̃ à á ŋá za? Yel-mɩŋa sɩza, ɩ̃ yere na kʋ̀rɛ nyɩ, kʋsɩɛr kʋ̃ cãà dɔwlɩ kʋsɩɛr zu a ka ɩ: bɛ na ŋmɛr'ɩ a za bɛr.»

Habakukɩ 3:13

Fʋ mɩ́ yi n a fʋ nɩ-bʋʋrɛ faafʋ ƴãw, a fʋ nɩ-kabra faafʋ ƴãw. Fʋ ŋmɛ n a nɩ-faar dɔwlʋ nɩ-kpɛ̃ɛ lɔb, fʋ kʋ n a ʋ nɩbɛ za.

Amɔsɩ 5:11

«Nyɩ na nɛbr a nɩbaal mɩ́ de a ʋ ble a, a kʋsɛbɛ yir-bɛrɛ á ŋá nyɩ na ŋma a, nyɩ kʋ̃ kpɛ a pʋɔ ɩ. A divɛ̃ tɩ-nʋʋr á ŋá nyɩ na sɛl a, nyɩ kʋ̃ nyũ a divɛ̃ ɩ.

Zeremi 51:37

A Babɩlɔn na lɩɛb'ɩ kʋsɛbɛ na gbõ taa a, gbõgbo-cili kpɛb zie, zi-faa bɛ na mɩ́ nyɛ̃ ŋmɩɛr pʋl-vʋ̃ɔ cɛlsɩ a. Nɩr za kʋ̃ cãà kpɩɛr ʋ ɛ.

Zeremi 51:25

Mãa nɩ fʋ̃ʋ nɛbɛ, Babɩlɔn i, a Sore n'ʋ yel. A sãw-bɛrʋ ƴãw a, fʋ kpɛmɛ na mɛ̃ tãw a, ɛ́ fʋ sãwnɛ nɩ a tẽ-daa za! Ɩ̃ na zɛw nɩ nũu a fʋ ƴãw, ɩ̃ na ɩ na fʋ yi a pìe nyʋɔrɩ́ za bili siw, ɩ̃ na ɩ na fʋ lɩɛb'ɩ tãw na ɩ vũu a.

Zeremi 9:11

Nɩr ɩ n yã-bãwnɛ a sɛw ʋ na bãw a yele á ŋá pɛr ɩ? A Sore wa ƴɛ̀r a ʋ zie a, ʋ̃ʋ ɩ bɛ bãw bʋ̃ʋ n'ʋ so a tẽw sãw, bʋ̃ʋ n'ʋ so ʋ dɩ a vũu mɛ̃ wɛja-kpalɛ a, ɛ́ ɩ zie nɩr za na bɛ tuur tɔlɛ a?

Ɩzayi 25:12

A fʋ dacine ziir al bɛ na cɔbrɩ a kpɛmɛ a zɛbr ƴãw bɛ tɛr tab a, Mowab i, a Sore lɔb a na, ʋ da a na lɔb, ʋ ɩ na a siw gã tẽw, a uuru pʋɔ.

Ɩzayi 25:2

Fʋ ɩ na a tẽ-kpɛ̃ɛ lɩɛbɩ kʋsɛbɛ na gbõ taa a, a tẽ-kpɛ̃ɛ na cɔbrɩ kpɛmɛ a zɛbr ƴãw a, ʋ lo. A nɩ-sãanbɛ zɛbr-yir-kpɛ̃w bɛ cãà ɩ tẽ-kpɛ̃ɛ ɩ, bɛ kʋ̃ lɛb mɛ ʋ towtow ɛ.

2 Samɩɛl 17:13

Bɛlɛ wa zɔ kpɛ tẽw kãw pʋɔ, kɛ́ bɛ sɔwlɩ a, a tɩ sojarɩ za na wa n nɩ míe. Tɩ na vu n a tẽw tɩ ta n a fʋɔla na pɩɛl'a pʋɔ. Lɛ n'a bɛ kʋ̃ lɛb nyɛ̃ kʋsɩɛr kãw a be ɩ.»

Ɩzayi 17:1

Ƴɛ̀rʋ na ƴɛ̀r a Damasɩ tẽw ƴãw a. A Damasɩ tẽw kʋ̃ yaa kɛ́ bɛ cãà ɩ tẽ-kpɛ̃ɛ ɩ, ʋ na lɩɛb'ɩ tãdɛgɛ na gbõ taa a.

Zeremi 31:5

Fʋ na lɛb'a sɛl divɛ̃ tɩɩr a Samaari tan zu, ɛ́ a divɛ̃ tɩ-wɔmɛ pɔrbɛ na pãa tʋ̃ɔ́ na mɩ́ ír a divɛ̃ tɩɩr bɛ na sɛl a tɔnɛ.

2 Na-mɩnɛ 18:9

A Ezekɩasɩ naalʋ-dɩb yome anaar sob, na tɩ ɩ a Ɩsɩrayɛl tẽw nãà, Ela bidɛb, Oze, naalʋ-dɩb yome ayopõi sob a, a Asiiri tẽw nãà, Salmanasaar, tɩ wa na wa piw a Samaari tẽw.

2 Na-mɩnɛ 18:10

A tɩ maal'ɩ yome ata, ʋʋ zɛb de a tẽw. A Zuda tẽw nãà, Ezekɩasɩ, naalʋ-dɩb yome ayʋɔb sob, nɩ a Ɩsɩrayɛl tẽw nãà, Oze, naalʋ-dɩb yome piwaɩ sob tɩ n'a.

Amɔsɩ 6:8

A Sore, a Naaŋmɩn kpɛnʋ-za-sob pɔ na yel à ŋá: «Mãa wa sɩrɩ n'ɩ a Naaŋmɩn a, ɩ̃ bɛ nɔnɛ a Zakɔb yir pɔ̀lʋ towtow ɛ, ɩ̃ bɛ nɔnɛ a ʋ yir-vɩɛlɩ vɩɛlɩ ɛ. Ɩ̃ na ƴãw na a Samaari tẽw dɔ̃ dem so a Samaari tẽw.»