Matie 9:8 - A SƐB-SÕW

⁸ A zu-sɛbla na tɩ nyɛ̃ à ŋá a, dɛ̃bɩ̃ɛ tɩ nyɔw bɛ na, ɛ̀ bɛ tɩ íre a Naaŋmɩn yúor-vɩɛlʋ-danʋ, ʋl na kʋ̀ a fãw ŋa tɔ a nɩsaalbɛ a.

Matie 9:8 Referans Kwoze

Luka 7:16

Dɛ̃bɩ̃ɛ tɩ nyɔw nɩ a nɩbɛ za. Bɛ tɩ danɛ nɩ a Naaŋmɩn yere nɩ: «naaŋmɩn-ƴɛ̀r-manɛ kpɛ̃ɛ kpɛ̃ɛ be n a tɩ sɔgɔ, ɛ́ a Naaŋmɩn jɩ́r'ɩ a ʋ nɩ-bʋʋrɛ kaa.»

Matie 15:31

A nɩbɛ na tɩ nyɛ̃ a wõw-takpalɛ bɛ ƴɛ̀rɛ a, a nɩ-kɔwr bɛ lɛb kpɛ̃w a, a wʋbr bɛ cere dẽdẽ a, ɛ́ a zɔn nyɛrɛ a, a tɩ ɩ n nɔ-ɓãa-yel a bɛ zie, bɛ íre a Ɩsɩrayɛl Naaŋmɩn yúor-vɩɛlʋ-danʋ.

Nɩ-toni 4:21

Bɛ tɩ lɛb'a kpãa bɛ ɛ́ bɛr bɛ: bɛ bɛ tɩ tʋ̃ɔ́ nyɛ̃ a lɛ bɛ na na ɩ ƴãw bɛ dɔwrʋ a ɩ, ɛ́ a ɩ a zu-sɛbla ƴãw. Bʋ̃ʋ n'ʋ vɛ̃, a nɩbɛ za tɩ danɛ nɩ a Naaŋmɩn a yel ŋa na tɩ maalɩ a ƴãw.

Luka 23:47

A sojarɩ kʋba nɩ-kpɛ̃ɛ na tɩ nyɛ̃ a yele á ŋá na ɩ a, ʋ danɩ nɩ a Naaŋmɩn yel: «Sɩza, a nɩr ŋa tɩ ɩ n Nɩ-mɩŋa!»

Luka 17:15

A bɛ kãw na tɩ nyɛ̃ ʋ sanɩ a, ʋ lɩɛb'ɩ pùor zɛw kɔkɔr danɛ nɩ a Naaŋmɩn waar'ɩ,

Markɩ 2:12

Ʋ tɩ ìr'a ɓáw a ʋ bʋ̃-gana daadaalɛ yi n a nɩbɛ za niŋé. A tɩ ɩ n nɔ-ɓãa-yel a bɛ zie, bɛ danɛ a Naaŋmɩn yere nɩ: «Tɩ bɛ dãw nyɛ̃ à á ŋá taabɛ ɩ.»

Galasi 1:24

Ɛ́ bɛ tɩ danɛ nɩ a Naaŋmɩn a ɩ̃ ƴãw.

Zã 15:8

À ŋá n'a a ɩ̃ Sãà yúor mɩ́ yi, nyɩ na mɩ́ wa wɔnɛ wɔmɛ yaga, ɛ́ wul à à ŋá kɛ́ nyɩ ɩ n a ɩ̃ po-tuurbɛ a.

Luka 13:13

Ʋ tɩ ír'ɩ nuru dɔwlɩ a pɔw zu, a daadaalɛ a pɔw dɔl ìr, nyɔw a Naaŋmɩn danʋ.

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 21:20

Bɛ na tɩ wõ a ʋ manʋ a, bɛ danɩ nɩ a Naaŋmɩn ɛ́ yel a Pol: «Yɛb i, nyɛ̃, Zifʋ mɩnɛ ta n túre túre na lɩɛbɩ a kɩrɩta-nɩbɛ a. Bɛ za tu n a Naaŋmɩn wulu pùor sɩza.

Markɩ 7:37

Nʋɔr tɩ ɓãá bɛ nɩ yaga bɛ yere: «Ʋ maal'ɩ a yele za vla. Ʋ ɩrɛ na a won wone, ɛ́ a wõw-takpalɛ ƴɛ̀rɛ.»

Matie 28:18

A Yeezu tɩ taw na pɩɛlɩ bɛ ɛ́ ƴɛ̀r a bɛ zie à ŋá: «Naaŋmɩn kʋ̀ m'ɩ fãw za a salom zu nɩ a tẽw zu.

Matie 12:23

A zu-sɛbla tɩ nyɔw nɩ nʋɔr ɛ́ yere: «A Daviir bidɛb taa n'ʋ ʋ?»

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Matie 9:7

A nɩr nɛ tɩ ìr'a kul a ʋ yir.

Luka 2:20

Al pùorí, a dʋ̃-cɩ̃ɩnbɛ tɩ lɛb'a danɛ a Naaŋmɩn kule nɩ, ɛ́ íre a ʋ yúor a yele á ŋá ƴãw, bɛ na tɩ wõ ɛ́ nyɛ̃ a tu mɛ̃ a lɛ bɛ na tɩ yel kʋ̀ bɛ a.

Luka 17:18

A bɛ kãw za bɛ yel k'ʋʋ lɛb wa danɩ a Naaŋmɩn, a bɛ ɩ a sãan ŋa yõ ɩ?»

Luka 18:43

A pɛr nɛ pʋɔ, ʋ tɩ lɛb'a nyɛrɛ ɛ́ tuur a Yeezu, danɛ nɩ a Naaŋmɩn. A zu-sɛbla za na tɩ nyɛ̃ à à ŋá a, bɛ mɩ̀ tɩ danɛ nɩ a Naaŋmɩn.

2 Korɛ̃tɩ 9:13

Nɩ-yaga na na nyɛ̃ a nyɩ ton ŋa vɩɛl sɛw à ŋá a, bɛ na íre nɩ a Naaŋmɩn yúor-vɩɛlʋ-danʋ, nyɩ na sàw a nʋɔr a ƴãw. A nyɩ nʋɔr-sàwfʋ ŋa wul'a kɛ́ nyɩ de nɩ a Kɩrɩta Yel-nʋ̃ɔ̀. Bɛ mɩ̀ na íre nɩ a Naaŋmɩn yúor-vɩɛlʋ-danʋ, nyɩ na sàw de a nyɩ bʋ̃-tɛrɩ tɩr bɛ põ kʋ̀ bɛ, lãwnɩ a ŋmaarɛ bɛl za na cɛ a.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.