Matie 8:20 - A SƐB-SÕW

²⁰ A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Matie 8:20 Referans Kwoze

Sɛb-sõw yielu 84:3

Ɩ̃ kpiir'a lore ɛ́ zɩnɛ guur a fʋ yir davʋrɩ ƴãw. A ɩ̃ socir nɩ a ɩ̃ ƴã-gan lɔbr'ɩ nʋ̃ɔ̀ cɛlsɩ cɔwr a Naaŋmɩn na vʋʋrɛ a.

Luka 2:7

A Marya tɩ dɔw nɩ a ʋ pɔwsɩ-bie, dɛble, de pɛnɛ pili nɩ ʋ gaalɩ dʋ̃-laa pʋɔ, bɛ na tɩ bɔ gaa zie gù a sãanbɛ dĩó a ƴãw.

2 Korɛ̃tɩ 8:9

Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

Luka 2:16

Bɛ tɩ paw na cen tɩ nyɛ̃ a Marya nɩ a Zuzɛb nɩ a bi-pɩɩla na gã a dʋ̃-laa pʋɔ a.

Luka 2:12

A ʋ bãwfʋ n'ɩ ŋa: nyɩ na tɩ nyɛ̃ nɩ bi-pɩɩla na pili pɛnɛ gã nɩ dʋ̃-laa pʋɔ a.

Sɛb-sõw yielu 109:22

Bãbàal nɩ nã́w sob nɛ m, ɛ́ a ɩ̃ socir sãw ʋ za.

Sɛb-sõw yielu 69:29

Sãw a bɛ yée bɛr a nɩ-vʋʋrɩ sɛbɛ pʋɔ, taa sɔrɛ bɛ ƴãwn a nɩ-mɩn pʋɔ ɩ.

Luka 8:3

Zan, a Kuza na ɩ a Erɔdɩ bʋ̃-kaarɛ a pɔw, Sizan nɩ pɔw-yaga bɛ mɩnɛ na tɩ kaarɛ a Yeezu nɩ a ʋ po-tuurbɛ zie nɩ a bɛ bʋ̃-tɛrɩ a.

Matie 12:32

Nɩr wa ƴɛ̀r ƴɛ̀r-faa càar'ɩ a Nɩsaal Bie a, bɛ na dɩ n suur kʋ̀ ʋ, ɛcɛ nɩr wa ƴɛ̀r ƴɛ̀r-faa càar'ɩ a Vʋʋrʋ Sõw a, bɛ kʋ̃ dɩ suur kʋ̀ ʋ a dɩ̃a zie ŋa pʋɔ nɩ a nɩdaar zie na waar a pʋɔ ɩ.»

Sɛb-sõw yielu 104:17

Be n'a a lili wóbr a cowr, ɛ́ a gʋ̃ɔnagʋ̃ɔna ganɛ a sɩpɩrɛ tɩɛ zu.

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Matie 17:9

Bɛ na tɩ yi a tãw zu lɛb siwr a, a Yeezu kpãa nɩ a ʋ po-tuurbɛ à ŋá: «A yel ŋa nyɩ na nyɛ̃ a, nyɩ taa pore a yúor kʋ̀rɛ nɩr ɛ, ɛ́ gù a Nɩsaal Bie tɩ lɛb yi a kũuni pʋɔ.»

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Matie 16:13

A Yeezu na wa ta a Filib tẽw Sezaare a, ʋ sowr'ɩ a ʋ po-tuurbɛ: «A nɩbɛ zie a, ãa n'ɩ a Nɩsaal Bie?»

Matie 12:40

Mɛ̃ a lɛ a Zonasɩ na tɩ gã a zʋm-kpɛ̃ɛ púorí bibie ata nɩ tɩ̃ɩsɔwr ata a, lɛ n'a a Nɩsaal Bie mɩ̀ na gã a tẽsɔw pʋ̃ɔmɩ bibie ata nɩ tɩ̃ɩsɔwr ata.

Matie 12:8

Bʋ̃ʋ n'ʋ vɛ̃, a Nɩsaal Bie ɩ n a pɩ̃ɛnʋ-bibir sob.»

Sɛb-sõw yielu 40:17

Bɛlɩ dem za na bɔbr fʋ a, nʋ̃ɔ̀ nɩ cɩlʋ, a tɛr bɛ a fʋ ƴãw, ɛ́ a bɛlɩ dem za na nɔnɛ fʋ, fʋ̃ʋ na ɩ a Faarɛ a, bɛ yere kʋralɛ: «A Sore ɩ n kpɛ̃ɛ!»

Sɛb-sõw yielu 104:12

A mʋ̃ɔ pʋɔ lili kpɩɛr'ɩ a kʋ̃ɔ nʋɔr, ɛ́ mɩ́ ɩrɛ gɔmɛ a tɩɩr váar pʋɔ.

Matie 13:37

Ʋ tɩ sɔw bɛ na: «A sob nɛ na bʋ̀rɛ a ka-bʋʋr-vla a, ʋlɛ n'ɩ a Nɩsaal Bie,

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Luka 9:58

A Yeezu tɩ yel ʋ na: «A tʋrbaar tɛr'ɩ bɔwrɩ, a mʋ̃ɔ pʋɔ lili tɛr cowr, ɛcɛ a Nɩsaal Bie bɛ tɛr pɩ̃ɛnʋ zie na mɩ́ gã pɩ̃ɛnɩ ɛ.»

Luka 12:8

«Ɩ̃ yere na kʋ̀rɛ nyɩ: sob nɛ za na sàw a nɩbɛ za niŋé k'ʋʋ ɩ n a ɩ̃ po-tuure a, a Nɩsaal Bie mɩ̀ na sàw nɩ a Naaŋmɩn malkɩ mɩnɛ niŋé k'ʋʋ só ʋ na.

Luka 18:8

Mãa n'ʋ yere kʋ̀rɛ nyɩ: ʋ na wul'ɩ a bɛ yel-mɩŋa fɔ̃wlɛ. Ɛcɛ a Nɩsaal Bie wa wa a, ʋ na nɩ̃ɛ na nyɛ̃ a naaŋmɩn-sàw-deb a tẽw zu u?»

Luka 21:36

Nyɩ bɛr gʋ̃ɔ ɛ́ puore kʋralɛ: lɛ n'a bɛ na nyɛ̃ nyɩ bɛ sɛwnɩ a yel-tuor á ŋá za na waar a ɩ, ɛ́ nyɛ̃ nyɩ sɛwnɩ saaƴẽwn àrʋ a Nɩsaal Bie niŋé.»

Zã 1:51

A Yeezu tɩ cãà na yel ƴãw pʋɔ: «Yel-mɩŋa sɩza sɩza n'a ɩ̃ yere kʋ̀rɛ nyɩ, nyɩ na nyɛ̃ nɩ a salom ʋ yuo, ɛ́ a Naaŋmɩn malkɩ mɩnɛ be a Nɩsaal Bie zu-sɔw siwr ɛ́ dúor.»

Zã 3:13

Nɩr za bɛ do a tẽ-vla pʋɔ ɩ, a bɛ ɩ a ʋlɩ nɩr nɛ yõ na yi a tẽ-vla pʋɔ siw wa a, a Nɩsaal Bie.

Zã 3:14

Mɛ̃ a lɛ a Moyiir na tɩ bà a dàa a wɛja-kpalɛ pʋɔ yawlɩ a kure waab, ʋ zɛw a, lɛ n'a a fɛr kɛ́ bɛ mɩ̀ bà a Nɩsaal Bie k'ʋ zɛw,

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Zã 6:53

A Yeezu tɩ yel bɛ na: «Yel-mɩŋa sɩza sɩza n'a ɩ̃ yere kʋ̀rɛ nyɩ: nyɩmɛ bɛ wa 'wɔbr a Nɩsaal Bie ƴã-gã-nɛn, ɛ́ nyúur a ʋ zɩ̃ɩ a, a nyɔ-vʋʋrʋ kʋ̃ be a nyɩ zie ɩ.

Zã 6:62

Ɛ́ nyɩmɛ pãa wa nyɛ̃ a Nɩsaal Bie ʋ dúor a be ʋ na tɩ dãw be a?

Zã 12:34

A zu-sɛbla tɩ sɔw ʋ na: «A tɩ Naaŋmɩn wulu sɛbɛ pʋɔ, tɩ wõ na kɛ́ a Kɩrɩta na be n kʋralɛ. Ŋmɩŋmɩn n'a fʋ na tʋ̃ɔ́ yel kɛ́ a fɛr'a bɛ bà a Nɩsaal Bie ʋ zɛw do? Ãa n'ɩ a Nɩsaal Bie ŋa?»

Zã 13:31

A Zuda na wa yi baar'a, a Yeezu yel'a: «Ƴɛrɛŋa a, a Nɩsaal Bie pãa nyɛ̃ nɩ yúor-vɩɛlʋ-danʋ, ɛ́ Naaŋmɩn nyɛ̃ yúor-vɩɛlʋ-danʋ a ʋ pʋɔ.

Nɩ-toni 7:56

Ʋ tɩ yel'a: «Ɩ̃ nyɛ̃ nɩ a salom k'ʋ yuo, ɛ́ a Nɩsaal Bie àr a Naaŋmɩn dʋrʋ lowr.»