Matie 5:8 - A SƐB-SÕW

⁸ Zu-nʋ̃ɔ̀ dem'ɩ a soci-parpar dem, bɛ na nyɛ̃ nɩ a Naaŋmɩn.

Matie 5:8 Referans Kwoze

Sɛb-sõw yielu 24:4

— Sob nɛ nuru na bɛ tõ tõ-faar ɛ́ a pʋɔ ɩ parpar a n'ʋ, sob nɛ na bɛ tu bʋ̃-zawlɛ pùor ɛ́ bɛ pɔ pɔ-ziri a n'ʋ.

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Ebre 10:22

A na ɩ lɛ a, nyɩ ɩ tɩ taw pɩɛlɩ a Naaŋmɩn nɩ soci-dẽdẽ nɩ a tɩ sàw-deb za, ɛ́ tɛr socie na vɩɛl bɛ cãà tɛr sãwna za tɩɛrʋ a, nɩ ƴã-gamɛ bɛ na pɛ́w nɩ kʋ̃ɔ vla walwal a.

Ebre 12:14

Nyɩ ƴãw fãw a ƴã-ɓaarʋ be nyɩmɛ nɩ a nɩbɛ za cara pʋɔ, ɛ́ nyɩ bɔbr a sonu, bʋ̃ʋ n'ʋ vɛ̃, ʋlɛ bɛ wa ka be a, nɩr za kʋ̃ tʋ̃ɔ́ nyɛ̃ a Sore ɩ.

Zʋkpaɩ 22:11

Sob nɛ na nɔnɛ a soci-parpar sob ɛ́ mɩ́ ƴɛ̀rɛ nɩ nɔ̃wfʋ a, a ʋ bá mɩ́ n'ɩ a nãà.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

Zakɩ 3:17

Ɛcɛ a yã-bãwfʋ na yi a Naaŋmɩn zie a, ʋ mɩ́ de nɩ niwn ɩ vɩɛlʋ tɛwr, al pùorí ʋ ɩ ƴã-ɓaarʋ, su-nʋ̃ɔ̀, nʋɔr-sàwfʋ. Ʋ mɩ́ ɩ n nɩbaal-zɔba nɩ ɩ-vɩɛlɩ tɛwr. Ʋ bɛ mɩ́ owre ɩ, ɛ́ bɛ sɔwlɛ a ʋ pʋ-tɩɛrʋ ɛ.

Títɩ̀ 1:15

Bom za vɩɛl'ɩ parpar bɛlɩ dem na vɩɛl parpar a zie. Ɛcɛ bɛlɩ dem dɛwr na mar, ɛ́ bɛ bɛ tɛr sàw-deb a, bom za bɛ vɩɛl parpar a bɛ zie ɩ, a bɛ yã nɩ a bɛ tɩɛrʋ nɩ̃ɛ na mar dɛwr.

Sɛb-sõw yielu 15:2

— Sob nɛ na bɛ tɛr sãwna bɛ yere a n'ʋ, ʋ tuur'ɩ yel-mɩnʋ, ɛ́ yere a ʋ pʋɔ yel-mɩŋa.

Nɩ-toni 15:9

A Naaŋmɩn bɛ owri owru kãw za tɩɩm nɩ a bɛl ɛ, a bɛ naaŋmɩn-sàw-deb zũú n'a ʋ pɛ́w a bɛ socie a vɩɛl.

Sɛb-sõw yielu 73:1

Sɛb-sõw yielu Asafʋ na maalɩ a. A Naaŋmɩn sɩrɩ na ɩ nɩ-vla a Ɩsɩrayɛl zie, a bɛlɩ dem pʋʋr na pɛlɩ a zie.

Ebre 9:14

a Kɩrɩta zɩ̃ɩ na ɩ n ŋmɩn bɛ ɩ gãw lɛ? Ʋl a Vʋʋrʋ na be kʋralɛ a na ƴãw ʋ de ʋ tʋɔra kʋ̀ a Naaŋmɩn mɛ̃ bàwr-maal-bom na bɛ tɛr dɛwr a, a ʋ zɩ̃ɩ na pɛ́w nɩ a tɩ pʋɔ dɛwr bɛr a ɩ-ɩrɩ na waar'ɩ kũu a na ƴãw tɩ a, kɛ́ tɩ tʋ̃ɔ́ tone a Naaŋmɩn na vʋʋrɛ a tome.

2 Korɛ̃tɩ 7:1

Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

Sɛb-sõw yielu 18:26

Sore e, fʋ ŋmɛ̃ n fʋ ŋmɛ̃a a sob nɛ na bɛ lɛbr pùor a zie, fʋ bɛ tɛr sãwna, nɩr na bɛ tɛr sãwna a zie ɩ.

1 Korɛ̃tɩ 13:12

Ƴɛrɛŋa a, caala pʋɔ n'a tɩ jɩ́rɛ mɩ́ nyɛ̃ a bom ʋ bɛ maal sãá ɩ, ɛcɛ a nɩdaar a, tɩ na mɩ́ càar'a nyɛ̃. A ƴɛrɛŋa a, a ɩ̃ bãwfʋ tɛr'ɩ tɛwfʋ zie, nɩdaar a, ɩ̃ na bãw nɩ a Naaŋmɩn vla mɛ̃ a lɛ ʋ na bãw mɛ̃ a.

Yel-wula 22:4

Bɛ na nyɛ̃ nɩ a ʋ niwn, ɛ́ a ʋ yúor sɛb a bɛ gbẽé.

Yele-za-pɛr-tib 32:30

A Zakɔb tɩ yel ʋ na: «Yãayãa, yel a fʋ yúor kʋ̀ m.» Ʋ sɔw: «Bʋnʋ ƴãw n'a fʋ sowre mɛ̃ a ɩ̃ yúor?» Ɛ́ tɩ maal'ʋ a be.

Sɛb-sõw yielu 51:6

Fʋ̃ʋ yõ, fʋ̃ʋ yõ tẽtẽ n'ʋ ɩ̃ sãw, ʋlɩ bom nɛ na bɛ vɩɛl a fʋ zie a, ʋlɛ n'ʋ ɩ̃ maalɩ. Lɛ so, fʋ̃ʋ wa ƴɛ̀rɛ a, fʋ mɩ́ tɛr'ɩ yel-mɩŋa, fʋ bɛ tɛrɛ sãwna bɛ yere a fʋ ƴɛ̀rʋ-dɩb pʋɔ ɩ.

2 Samɩɛl 22:27

Fʋ vɩɛl'ɩ parpar nɩr na vɩɛl parpar a zie, ɛ́ wul kɛ́ fʋ cɩ n a yã-faa sob zie.