Matie 5:19 - A SƐB-SÕW

¹⁹ A lɛ so, sob nɛ na zawrɛ a nɛ-ƴãwnɩ pʋɔ nɔ-pʋrɩ woro sàwfʋ a, ɛ́ wule a ʋ taabɛ bɛ mɩ̀ ɩrɛ a lɛ a, ʋ na ɩ n a pʋrɩ za a tẽ-vla Naalʋ pʋɔ. Ɛcɛ sob nɛ za na sàwr a a, ɛ́ wule a ʋ taabɛ bɛ mɩ̀ sàwr a, ʋ na ɩ n kpɛ̃ɛ a tẽ-vla Naalʋ pʋɔ.

Matie 5:19 Referans Kwoze

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 11:11

Yel-mɩŋa sɩza, ɩ̃ yere na kʋ̀rɛ nyɩ, a pɔwbɛ bʋ̃-dɔwrɩ za pʋɔ a, kãw za bɛ be be ɩ kpɛ̃ɛ zuo a Zã-Bati ɛ, ɛcɛ a tẽ-vla Naalʋ pʋɔ nɩ-pʋrɩ pʋrɩ ɩ n kpɛ̃ɛ zuo ʋ.

Sɛb-sõw yielu 119:6

Lɛ n'a vĩ kʋ̃ ɩrɛ mɛ̃, mãa wa jɛlɛ a fʋ nɛ-ƴãwnɩ za a ɩ.

Títɩ̀ 3:8

A ƴɛ̀rʋ ŋa ɩ n sɩza. Ɩ̃ bɔbr'a kɛ́ fʋ ƴɛ̀r gb'a a yaga a yele á ŋá ƴãw, k'aa bɛlɩ dem za na sàw de a Naaŋmɩn a, bɛ ƴãw fãw ɩrɛ vla dɔwlɛ a bɛ ɩ-vɩɛlɩ pʋɔ. À ŋá n'a vɩɛl ɛ́ tɛr yel-ɩra a nɩsaalbɛ zie.

Sɛb-sõw yielu 119:128

A fʋ tub a na fɛr kɛ́ bɛ tuur a, ɩ̃ nyɛ̃ nɩ a za a ɩ yel-mɩŋa, yel za na ɩ ziri a, ɩ̃ bɛ nɔnɛ ʋ towtow ɛ.

Yel-wula 2:20

Ɛcɛ, yel ŋa ƴãw n'a ɩ̃ yere fʋ: fʋ bɛr'ɩ a Zezabɛl, a pɔw ŋa na yel k'ʋʋ ɩ n naaŋmɩn-ƴɛ̀r-manɛ ɛ́ tule a ɩ̃ tõ-tõ-biir, ɛ́ wule bɛ bɛ maalɛ a pɩ̃ɔ-yele ɛ́ 'wɔbr a tɩbɛ bàwr-maal-nɛnɛ a.

Ʋrɔm 6:15

Ɛ́ bʋnʋ? Tɩ na maalɛ nɩ a yel-bier, a Naaŋmɩn wulu na bɛ cãà so tɩ ɛ́ Naaŋmɩn maalʋ so tɩ a bɩɩ? Lɛ bɛ n'a towtow ɛ!

Wulu-ayi-sob 27:26

«Ŋmɛ-ƴãw, a páw sob nɛ na bɛ ŋmɛlɛ kaar a Naaŋmɩn wulu nɛ-ƴãwnɩ, ɛ́ bɛ sàwr a a.» Ɛ́ a nɩbɛ za na sɔw na: «Amɛn!»

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

Ʋrɔm 6:1

A na ɩ à ŋá a, tɩ na yel'a kɛ́ bo? Kɛ́ tɩ cãà be a yel-bier pʋɔ a Naaŋmɩn maalʋ tʋ̃ɔ́ ʋr bɩɩ?

1 Pɩɛr 5:4

A Pi-cɩ̃ɩn-kara wa sãá a lɛn daar a, nyɩ na páw nɩ a yúor-vɩɛlʋ-danʋ dɛpaal-kpawʋɔ na bɛ tɛr sãwfʋ a.

Luka 11:42

Baw-bio dem n'ɩ nyɩ Faarizɩ̃ɛ mɩnɛ ɛ! A zɛ-va-foli al na mɩ́ bul a tʋɔra, bɛ bʋɔlɛ mãtɩ nɩ uru a, lãwnɩ zɛ-va-nyuure nɩ zɛ-va-bʋʋrɛ za nyɩ na mɩ́ kɔ a, nyɩ mɩ́ põ a nɩ ziir pie ír a zi-been sob kʋ̀ a Naaŋmɩn, ɛ́ nɩ̃ɛ bɛ mɩ́ cɛlɛ a yel-mɩnʋ nɩ a Naaŋmɩn nɔ̃wfʋ zie ɩ. Ɛcɛ al pùor'a a mɩ́ fɛr kɛ́ nyɩ tu, ɛ́ ta bɛr a ŋmãa á ŋá ɩ.

Matie 19:28

A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

Ʋrɔm 3:8

Alɛ wa ɩ à ŋá a, bʋnʋ ƴãw n'a tɩ kʋ̃ maalɛ a faa k'aa vla wa tʋ̃ɔ́ yi a be, mɛ̃ a lɛ bɛ mɩnɛ kãw na ŋmarɛ ziri ƴãwn tɩ kɛ́ lɛ n'a tɩ yere a? A nɩbɛ bɛ ŋa sɛwnɩ nɩ a dɔwrʋ bɛ na na páw a.

Nɩ-toni 1:1

Teofil i, a ɩ̃ sɛb dãw-niwn sob pʋɔ a, ɩ̃ manɩ nɩ a ɩ-ɩrɩ al za a Yeezu na ɩ a, nɩ a wulu al za ʋ na wul a pɛr-tib daar za

Luka 9:48

ʋʋ yel bɛ: «Sob nɛ za na de a bie ŋa tɔ sob vla a ɩ̃ yúor ƴãw a, mãa mɩŋa n'ʋ ʋ de. Ɛ́ sob nɛ za na de mɛ̃ vla a, de nɩ a sob nɛ na tõ m a. Ʋlɩ sob na ɩ bile za a nyɩ za pʋɔ a, ʋlɛ n'ʋ ɩ kpɛ̃ɛ zuo a nyɩ za.»

Luka 1:15

Ʋ na ɩ n kpɛ̃ɛ a Sore niŋé, ʋ kʋ̃ nyúur divɛ̃ nɩ dã-bɩ̃ɩ kãw za ɩ. Ʋ na cãà nɩ a ʋ mã púorí ɛ́ a Vʋʋrʋ Sõw paalɩ ʋ.

Matie 20:26

A ta ɩ a lɛ a nyɩ zie ɩ. Sob nɛ nɩ̃ɛ wa bɔbr k'ʋʋ ɩ kpɛ̃ɛ a nyɩ pʋɔ a, ʋ ɩ a nyɩ tõ-tõ-bie,

1 Zã 3:4

Nɩr za na maalɛ yel-bier a mɩ́ zawr'ɩ Naaŋmɩn nʋɔr, bʋ̃ʋ n'ʋ vɛ̃, a yel-bier ɩ n Naaŋmɩn nʋɔr zawrʋ.