Matie 28:20 - A SƐB-SÕW

²⁰ ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 28:20 Referans Kwoze

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Zozue 1:5

A fʋ cãafʋ daar za a, nɩr za kʋ̃ tʋ̃ɔ́ bà gbɛ́r a fʋ niŋé ɩ, bʋ̃ʋ n'ʋ vɛ̃, ɩ̃ na be n a fʋ zie mɛ̃ a lɛ ɩ̃ na tɩ be a Moyiir zie a. Ɩ̃ kʋ̃ tɩɛ fʋ bɛr towtow ɛ, ɩ̃ kʋ̃ zawrɩ fʋ bɛr towtow ɛ́ bɛ sõw fʋ ɛ.

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Yele-za-pɛr-tib 39:21

Ɛcɛ a be mɩ̀ a, a Sore tɩ be n a ʋ zie, ɛ́ wul ʋ a ʋ nɔ̃wfʋ. Ʋ tɩ ɩ na a gaso-gùrbɛ nɩ-kpɛ̃ɛ nɔ̃w a ʋ yele.

Matie 1:23

«A pɔwsɩrale n'ɩ ŋan na tɛr pʋɔ dɔw dɛble bɛ por a yúor kɛ́ Ɩmanɩɛl, a pɛr lɛ kɛ́: “Ŋmɩn-be-n-tɩ-zie.”»

Matie 18:20

Zie nɛ za nɩbɛ ayi bɩɩ nɩbɛ ata na ɓã taa a ɩ̃ yúor ƴãw a, ɩ̃ be n a bɛ sɔgɔ.»

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Markɩ 16:20

A ʋ Nɩ-toni tɩ cen na tɩ hiere a Yel-nʋ̃ɔ̀ a ziir za. A Sore tɩ lãwnɩ bɛ na tone, ɛ́ mɩ́ wul kɛ́ a Yel-nʋ̃ɔ̀ ƴɛ̀rʋ ɩ n sɩza, a nɔ-ɓãa-yele na tɩ maalɛ pʋɔ a ƴãw.]

Eziptɩ tẽw yib 3:12

A Naaŋmɩn yel: «Ɩ̃ na be n a fʋ zie. Ɛ́ a bãwfʋ n'ɩ ŋa kɛ́ mãa n'ʋ tone fʋ: fʋ̃ʋ wa tɛr a nɩbɛ yi n a Eziptɩ tẽw pʋɔ a, nyɩ na maalɩ mɛ̃ nɩ a tãw ŋa zu.»

Kɔlɔsɩ 1:28

A Kɩrɩta ŋa yele n'a tɩ manɛ, kpaalɛ nɩ nɩr za, wule nɩ nɩr za nɩ yã-bãwfʋ, kɛ́ tɩ tʋ̃ɔ́ ɩ nɩr za vɩɛl ʋ za lãwnɩ a Kɩrɩta.

1 Korɛ̃tɩ 14:37

Nɩr wa tɩɛr k'ʋʋ ɩ n naaŋmɩn-ƴɛ̀r-manɛ bɩɩ k'ʋʋ tɛr'ɩ Vʋʋrʋ Sõw maalʋ kãw a, a fɛr'a k'ʋʋ nyɛ̃ Sore nɔ-ƴãwna a sɛbrʋ á ŋá ɩ̃ na kʋ̀rɛ nyɩ a pʋɔ.

2 Timote 4:17

A Sore ʋl sõw mɛ̃ na. Ʋ kʋ̀ m'ɩ fãw yaga k'ɩ̃ɩ tʋ̃ɔ́ hieri yel a Yel-nʋ̃ɔ̀, ɛ́ ɩ a nɩ-bʋʋr-yoru za wõ ʋ. Ʋ faa mɛ̃ nɩ a gbẽw nʋɔrɩ́.

Nɩ-toni 2:42

Bɛ za tɩ ƴãw nɩ fãw tuur a nɩ-toni wulu kʋralɛ, ɛ́ lãw pone a dipɛ̃, ɛ́ lãw puore mɩ̀.

Matie 6:13

Ta sàw a bɛlʋ ta tɩ ɛ, ɛ́ faa tɩ a Faalʋ sob nuru pʋɔ. [Fʋ̃ʋ sɩrɩ so naalʋ nɩ kpɛnʋ nɩ danʋ, a yome yome za. Amɛn.]”

1 Korɛ̃tɩ 11:2

Ɩ̃ mʋʋrɛ nyɩ na nyɩ na tɛr a ɩ̃ tɩɛrʋ a yele za pʋɔ a, ɛ́ maal tuur a wulu ɩ̃ na lʋɔrɩ kʋ̀ nyɩ a.

Matie 13:49

À ŋá n'a a mɩ̀ na ŋmɛ̃ a tẽw baarʋ daar: a malkɩ mɩnɛ na wa na wa bʋ́r a nɩ-vɩɛlɩ nɩ a nɩ-faar,

Sɛb-sõw yielu 72:19

A ʋ yúor-vɩɛlʋ-danʋ, ʋ paalɩ a tẽw za! Amɛn! Lɛb maal Amɛn!

1 Na-mɩnɛ 1:36

A Yehoyada bidɛb Benaya tɩ sɔw nɩ a nãà: «Ɩ̃ nãà a, fʋ ƴɛ̀r'ɩ vla! A Sore fʋ Naaŋmɩn mɩŋa n'ʋ ƴɛ̀r'ɩ a fʋ nʋɔr.

Yel-wula 22:14

Zu-nʋ̃ɔ̀ dem'ɩ a bɛlɩ dem na pɛ́wr a bɛ kparɩ, kɛ́ bɛ tʋ̃ɔ́ tɛr sɔ́r dɩ a nyɔ-vʋʋrʋ tɩɛ wɔmɛ, ɛ́ tu a dɩ̃dɛɛ ƴãw kpɛ a tẽw pʋɔ a.

1 Bibie za yel-manɩ 16:36

A Sore, a Ɩsɩrayɛl Naaŋmɩn, ʋ tɛr'ɩ puoru yome yome za. A lãw nɩbɛ za tɩ sɔw na: «Amɛn! Aleluya!»

Wulu-ayi-sob 5:32

A Moyiir tɩ cãà na yel a Ɩsɩrayɛl nɩbɛ à ŋá: Nyɩ ƴãw fãw ɩrɛ mɛ̃ a lɛ a Sore nyɩ Naaŋmɩn na yel kʋ̀ nyɩ a, ɛ́ taa gãwnɛ a ʋ nɔ-ƴãwna kãw za bɛrɛ ɩ.

2 Pɩɛr 3:2

Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

Nɩ-toni 20:27

A lɛ a Naaŋmɩn na cɔbrɩ a yele bin a, ɩ̃ manɩ nɩ a za kʋ̀ nyɩ, ɩ̃ bɛ sɔwlɩ bom za a nyɩ zie ɩ.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

1 Korɛ̃tɩ 11:23

Bʋ̃ʋ n'ʋ vɛ̃, yel ŋa n'ʋ ɩ̃ páw a Sore zie ɛ́ mɩ̀ lʋɔrɩ kʋ̀ nyɩ: a ʋlɩ tɩ̃ɩsɔw nɛ bɛ na tɩ nyɔw a Sore Yeezu tɩr a, ʋ tɩ de nɩ dipɛ̃,

Matie 24:3

A Yeezu na tɩ zɩ̃ a Olivʋ tɩɩr tãw zu a, a ʋ po-tuurbɛ tɩ taw na pɩɛl ʋ bɛ tɛwr zie ɛ́ sowr'ʋ: «Yel kʋ̀ tɩ a lɛn daar a yele á ŋá na na ta a, nɩ a ʋlɩ bom nɛ na na ɩ a fʋ lɛb-waa nɩ a tẽw baarʋ bãwfʋ a.»

Zeremi 26:2

«À ŋá n'a a mãa, a Sore, yere: Cen tɩ àr a Ŋmɩn-yir-kpɛ̃ɛ davʋra pʋɔ. Ƴɛ̀r a ƴɛ̀rʋ ŋa kʋ̀ a bɛlɩ dem za na mɩ́ yi a Zuda tẽ-bɛrɛ za pʋɔ wa puori a Sore yir ŋa pʋɔ a. Ƴɛ̀r a ƴɛ̀rʋ al za ɩ̃ na na yel kɛ́ fʋ ƴɛ̀r kʋ̀ bɛ a. Taa íre ƴɛ̀r-bir-been bɛrɛ ɩ.

Eziptɩ tẽw yib 8:27

A Sore tɩ ɩ n a lɛ a Moyiir na zɛlɛ ʋ a: ʋ tɩ diw nɩ a nakpon za bɛr a Faarawɔ̃ nɩ a ʋ tõ-tõ-nɩ-bɛrɛ nɩ a ʋ nɩbɛ. Nakpõw been za bɛ tɩ cãà be ɩ.

Ezekɩɛl 46:10

A nãà na mɩ́ lãw na kpɛ n a nɩbɛ ɛ́ lɛb lãw yi n bɛ.»