Matie 26:29 - A SƐB-SÕW

²⁹ Ɩ̃ yere na kʋ̀rɛ nyɩ, dɩ̃a na ta a, ɩ̃ kʋ̃ lɛb nyũ a divɛ̃ á ŋá ɩ, ɛ́ gùre a ʋlɩ bibir nɛ ɩ̃ nãà lɛb wa lãwnɩ nyɩ nyũ divɛ̃-paala a ɩ̃ Sãà naalʋ pʋɔ a.»

Matie 26:29 Referans Kwoze

Yel-wula 7:17

Bʋ̃ʋ n'ʋ vɛ̃, a Pele na be a naalʋ-dà-kɔw sɔwlɩsɔw a na ɩ n a bɛ cɩ̃ɩnɛ, ʋ na tɛr bɛ na cen nɩ a be a kʋ̃ɔ-walwal na bùle yire a. Ɛ́ Naaŋmɩn na fɩɛl'ɩ mʋta-kʋ̃ɔ za bɛr a bɛ mimié.»

Ebre 12:2

Tɩ tori niwn jɩ́rɛ a Yeezu na ɩ a tɩ sàw-deb tib zie nɩ a nʋɔr kʋb zie a. Ʋ bɛr'ɩ a nʋ̃ɔ̀ ʋ na tɩ so a, ɛ́ bɛ zɔ vĩ ɛ, ɛ́ sàw kpi a da-gara zu. Ƴɛrɛŋa a, ʋ zɩ̃ n a Naaŋmɩn naalʋ-dà-kɔw dʋrʋ lowr.

Markɩ 14:25

Yel-mɩŋa sɩza, ɩ̃ yere na kʋ̀rɛ nyɩ, ɩ̃ kʋ̃ lɛb nyũ a divɛ̃ towtow ɛ, ɛ́ gùre a ʋlɩ bibir nɛ ɩ̃ na na lɛb nyũ a, a ɩ dã-paala a Naaŋmɩn Naalʋ pʋɔ a.»

Sɛb-sõw yielu 40:3

Ʋ ír mɛ̃ nɩ a kũu bɔw pʋɔ bɛr, a mɛ̃mɛrɛ bɔw pʋɔ. Ʋ nyɔw mɛ̃ na ɩ̃ ìr àr, a gbɛ́ɛ a za ayi be pìir zu, ʋ ɩ n a ɩ̃ gbɛ́ɛ a kpɛmɛ.

Nɩ-toni 10:41

Ɛcɛ ʋ bɛ wul ʋ tʋɔra a Ɩsɩrayɛl nɩbɛ za ɩ, ʋ wul'ɩ ʋ tʋɔra a dãsɩɛ dem bɛl a Naaŋmɩn na tɩ dãw kaa ír a, a tɩɩm na lãw nɩ ʋ dɩ ɛ́ nyũ a ʋ kũu-pʋɔ-lɛb-yibu pùorí a.

Zã 17:13

Ɛcɛ ƴɛrɛŋa a, ɩ̃ waar'ɩ a fʋ zie, ɛ́ yere a yele á ŋá a tẽ-daa zu ka ɩ̃ na cãà a, kɛ́ bɛ tɛr a ɩ̃ nʋ̃ɔ̀ ʋ paalɩ bɛ tɩ tɔ a ʋ tɔb zie.

Matie 13:43

Lɛ n'a a nɩ-mɩn na nyɩwrɛ mɛ̃ mʋ̃tɔ̃w a, a bɛ Sãà Naaŋmɩn Naalʋ pʋɔ. Sob nɛ na tɛr tobe a, ʋ bɛrɛ wone.»

Yel-wula 14:3

A nɩ-yaga bɛ ŋa za tɩ yiele nɩ yiel-paala a naalʋ-dà-kɔw niŋé, a dʋn anaar nɩ a nɩ-kore niŋé. Nɩr za bɛ tɩ tʋɔr zanɛ a yielu ŋa, a bɛ ɩ a nɩbɛ tùr-lɩz'a ayopõi dɔwlɩ túr anaar (144 000) bɛl bɛ na ya de a tẽw zu a ɩ.

Luka 15:32

Ɛcɛ a tɩ fɛr'a kɛ́ tɩ maalɩ cuw wõ n nʋ̃ɔ̀, a fʋ yɛb ŋa na tɩ kpi ɛ́ lɛb wa vʋʋrɛ a ƴãw, ʋ na tɩ bɔr ɩ̃ɩ lɛb wa nyɛ̃ ʋ a ƴãw.”»

Luka 12:32

«Nyɩ ta zɔrɛ dɛ̃bɩ̃ɛ ɩ, nyɩɩm na ɩ mɛ̃ zaw-pʋrɩ dʋn a. A pɛlɩ nɩ a nyɩ Sãà pʋɔ ʋ kʋ̀ nyɩ a tẽ-vla Naalʋ.

Ɩzayi 53:11

A Sore yere na: «A tuo a ɩ̃ tõ-tõ-bie na wõ a zũú, ʋ na nyɛ̃ nɩ a cãà, nʋ̃ɔ̀ na paalɩ ʋ na. A ɩ̃ tõ-tõ-bie na ɩ a nɩ-mɩŋa tɔr za a na ɩ na nɩ-yaga yaga lɩɛbɩ nɩ-mɩn, ʋ na de a bɛ yel-bebe tuo a ƴãw.

Zã 15:11

«Ɩ̃ yel'ɩ à à ŋá kʋ̀ nyɩ kɛ́ a nʋ̃ɔ̀ na kpɩɛr mɛ̃ a, ʋ mɩ́ kpɩɛr nyɩ, ɛ́ a nyɩ nʋ̃ɔ̀ tʋ̃ɔ́ vɩɛl ʋ za.

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Matie 18:20

Zie nɛ za nɩbɛ ayi bɩɩ nɩbɛ ata na ɓã taa a ɩ̃ yúor ƴãw a, ɩ̃ be n a bɛ sɔgɔ.»

Matie 16:28

Yel-mɩŋa sɩza, ɩ̃ yere na kʋ̀rɛ nyɩ, a nɩbɛ na be a ka a, a bɛ pʋɔ a, bɛ mɩnɛ na nyɛ̃ nɩ a Nɩsaal Bie ʋ waar mɛ̃ nãà a, ɛ́ bɛ bãw kpi.»

Zakari 9:17

Nyɛ̃ nʋ̃ɔ̀ na na ɩrɛ bɛ a! Nyɛ̃ bɛ na na vɩɛl a! A ble na mɩ́ kʋ̀ n fãw a pɔlbili ɛ́ a divɛ̃-paala kʋ̀ fãw a pɔwsɩrali.

Sofoni 3:17

A Sore fʋ Naaŋmɩn be n a fʋ zie: ʋlɛ n'ɩ a gãdaa na zɛb tʋ̃ɔ́ a, nʋ̃ɔ̀ ɩrɛ ʋ nɩ yaga a fʋ ƴãw, a ʋ nɔ̃wfʋ kʋ̀rɛ fʋ nɩ nyɔ-vʋʋr-paala, ʋ ŋmɩɛr'ɩ nʋ̃ɔ̀ cɛlsɩ a fʋ ƴãw,

Sɛb-sõw yielu 104:15

a divɛ̃ na mɩ́ cɩrɛ bɛ ƴãw a, a kãá na mɩ́ ɩ a bɛ niwn nyɩlɛ a, nɩ a dipɛ̃ na mɩ́ lɛb kʋ̀ bɛ fãw a.

Sɛb-sõw yielu 4:7

Nɩbɛ yaga yere na: «Ãa n'ʋ na ɩ tɩ nyɛ̃ a nʋ̃ɔ̀? Sore e, tɛr niw-vla a tɩ ƴãw.»

Zã 16:22

À ŋá n'a nyɩ mɩ̀ wone tuo a ƴɛrɛŋa, ɛcɛ ɩ̃ na lɛb'a nyɛ̃ nyɩ, ɛ́ a lɛn daar a, nʋ̃ɔ̀ na paalɩ nyɩ na, ɛ́ nɩr za kʋ̃ tʋ̃ɔ́ faa a nʋ̃ɔ̀ ŋa a nyɩ zie ɩ.»

Matie 25:34

Lɛ n'a a nãà na yel a ʋ dʋrʋ lowr dem: “Nyɩ wa, nyɩɩm a ɩ̃ Sãà na maalɩ a, nyɩ wa pʋɔ a tẽ-vla Naalʋ pʋɔ ʋ na cɔbrɩ a nyɩ ƴãw a tẽ-daa íru daar za a.

Ɩzayi 25:6

A Sore, a kpɛnʋ-za-sob, cɔbrɛ nɩ cuw dɩb a nɩ-bʋʋrɛ za ƴãw a Sɩyɔ̃ tãw zu, nɛn-kãánɩ nɩ divɛ̃-kore cuw dɩb, — nɛn-kãánɩ nɩ nɛn-buge, divɛ̃-kore na bɩ tɔ a —.

A Yielu za pʋɔ yiel-vla vla 5:1

Ɩ̃ yeepuule e, ɩ̃ ƴãw-nɩ-yúor i, ɩ̃ waar'ɩ a ɩ̃ zaadɛ̃ pʋɔ. Ɩ̃ 'lawrɛ nɩ a ɩ̃ mɩ́ɩ̀r súur, kárɛ nɩ a ɩ̃ va-nyùure a mɩnɛ. Ɩ̃ dɩrɛ nɩ a ɩ̃ sɩw-gamɛ kãá, ɛ́ nyúur a ɩ̃ divɛ̃ nɩ a ɩ̃ bʋ̀rʋ. Nyɩ dɩrɛ, ɩ̃ bá mɩnɛ ɛ, nyɩ nyúur, nyɩ nɔ̃w taa tɩ kuoli!

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Matie 26:30

Bɛ na wa yieli a Sɛb-sõw yielu baar'a, bɛ yi na cere a Olivʋ tɩɩr tãw zu.