Matie 26:28 - A SƐB-SÕW

²⁸ à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Matie 26:28 Referans Kwoze

Levitɩ mɩnɛ 17:11

Bʋ̃ʋ n'ʋ vɛ̃, a zɩ̃ɩ pʋɔ n'a a bʋ̃-íra nyɔ-vʋʋrʋ be. A Sore sàw na kɛ́ nyɩ mɩ́ de a zɩ̃ɩ tu n a yel-bebe suur-dɩ-kʋ̀b tub a nyɩ ƴãw a bàwr-maal-kuur zu. A zɩ̃ɩ mɩ́ sɩrɩ na ɩ a nɩr páw a yel-bebe suur-dɩ-kʋ̀b, a nyɔ-vʋʋrʋ na be a zɩ̃ɩ pʋɔ a ƴãw.

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.

1 Korɛ̃tɩ 11:25

A dɩb pùorí, ʋ mɩ̀ tɩ ɩ n a lɛ a koli-nyúura ƴãw yere nɩ: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ a, nyɩ mɩ́ maalɛ à á ŋá tɩɛrɛ nɩ a ɩ̃ yele, lɛn daar za nyɩ na mɩ́ wa nyúur a a.»

1 Zã 2:2

Bʋ̃ʋ n'ʋ vɛ̃, ʋ de nɩ ʋ tʋɔra maal'ɩ bàwr, kɛ́ Naaŋmɩn tʋ̃ɔ́ dɩ a tɩ yel-bebe suur kʋ̀ tɩ. Ɛcɛ tɩɩm yõ yel-bebe bɛ n'a ɩ, a nɩsaalbɛ za dem mɩ̀ n'a.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 9:28

lɛ n'a a Kɩrɩta, mɩ̀ na de ʋ tʋɔra maal'ɩ bàwr gb'a been daadaa k'ʋʋ ír nɩ-yaga yaga yel-bebe bɛr a, nãá wa sãá a gb'a ayi sob ƴãw, ɛ́ a kʋ̃ ɩ yel-bier ír-bɛrʋ ƴãw ɛ, ɛ́ ɩ a bɛlɩ dem na gùre ʋ a faafʋ ƴãw.

Efɛɛzɩ 1:7

A Kɩrɩta zɩ̃ɩ n'a cir yaarɩ faa tɩ, ɛ̀ tɩ páw a tɩ sãwna suur. À ŋá n'a a Naaŋmɩn wul k'aa ʋ maalʋ bɛ tɛr manʋ ɛ.

Zakari 9:11

A Sore yere na: «A wõ-taa ɩ̃ na maal'ɩ nyɩ, a bàwr-maal-zɩ̃ɩ wul kɛ́ sɩza n'a a zũú, ɩ̃ na ír'ɩ a nyɩ nɩbɛ bɛl na be a gaso pɛrɩ́ mɛ̃ sa-bie-kʋ̃ɔ-bɔw na bɛ tɛr kʋ̃ɔ a pʋɔ a.

Kɔlɔsɩ 1:14

Ʋl zũú n'a a Naaŋmɩn faa tɩ ɛ́ dɩ a tɩ yel-bebe suur kʋ̀ tɩ.

Luka 22:19

Al pùorí, ʋ tɩ de nɩ dipɛ̃, puori a Naaŋmɩn yãanɩ, nyɔw ŋma, ɛ́ kʋ̀ bɛ ɛ́ yel: «À ŋà ɩ n a ɩ̃ ƴã-gan ɩ̃ na tɩr a nyɩ ƴãw a. Nyɩ maalɛ à á ŋá lɛb tɩɛrɛ nɩ a ɩ̃ yele.»

Kɔlɔsɩ 1:20

k'aa ʋl zũú, Naaŋmɩn ɩ ʋlɛ nɩ bom za lɛb kpɛ taa, a tẽw zu nɩ a saa-zu. A ʋ Bie zɩ̃ɩ na cir a da-gara zu a ƴãw n'a, a Naaŋmɩn ɩ a ƴã-ɓaarʋ be.

Ʋrɔm 5:19

Mɛ̃ a lɛ nɩ-yaga yaga na lɩɛbɩ yel-bebe dem nɩ-been yõ na zawrɩ a nʋɔr a ƴãw a, lɛ mɩ̀ n'a nɩ-yaga yaga na lɩɛbɩ nɩ-mɩn nɩ-been yõ na sàw a nʋɔr a ƴãw.

Markɩ 14:24

Ɛ́ ʋ yel bɛ: «À á ŋá ɩ n a ɩ̃ zɩ̃ɩ, a Wõ-taa zɩ̃ɩ na cir a nɩ-yaga ƴãw a.

Zeremi 31:31

A Sore yere na: Ɩ̃ kʋ̃ yaa kɛ́ maal'ɩ a Ɩsɩrayɛl nɩbɛ nɩ a Zuda nɩbɛ wõ-ta-paala ɩ.

Yel-wula 7:9

À á ŋá pùorí, ɩ̃ tɩ jɩ́r'a nyɛ̃ zu-sɛbla nɩr na kʋ̃ tʋ̃ɔ́ sɔ́r bãw bɛ nʋɔr a. Ten za, dɔwlʋ za, nɩ-bʋʋrɛ za nɩ ƴɛ̀r-pɛ-bʋʋrɛ za nɩbɛ tɩ nɛbɛ. Bɛ tɩ àr'ɩ a naalʋ-dà-kɔw nɩ a Pele niŋé, su kpar-wowr pɛlɛ ɛ́ tɛr kpãkparmɛ wuli a nuru pʋɔ.

Ʋrɔm 5:15

Ɛcɛ a maalʋ a Naaŋmɩn na tɩrɛ zawla a, nɩ a Adama sãwna a, a bɛ zɛ̃ taa ɩ. Yel-mɩŋa n'a, nɩ-yaga kpi n nɩ-been yõ sãwna zũú. Ɛcɛ a Naaŋmɩn maalʋ, a maalʋ ʋ na tu nɩ-been yõ, a Yeezu Kɩrɩta, kʋ̀rɛ nɩ-yaga zawla a, ʋ ɩ n kpɛ̃ɛ tɩ zuo.

Markɩ 1:4

Zã-Bati n'ʋ tɩ be a wɛja-kpalɛ pʋɔ hiere yere: «Nyɩ lɩɛbɩ a nyɩ ɩb ɛ́ de a suob, a Naaŋmɩn tʋ̃ɔ́ dɩ a nyɩ yel-bebe suur kʋ̀ nyɩ.»

Matie 6:12

Dɩ a tɩ sãwna suur kʋ̀ tɩ, mɛ̃ a lɛ a tɩɩm tɛɛ za na mɩ́ dɩ suur kʋ̀ a bɛlɩ dem na sãw tɩ a.

Matie 26:27

Al pùorí, ʋ tɩ de nɩ koli-nyúura na ƴãw divɛ̃ a, ʋʋ na wa puori a Naaŋmɩn yãanɩ baar'a, ʋ de na kʋ̀ a ʋ po-tuurbɛ ɛ́ yel: «Nyɩ de a nyũ tɔ taa,

Matie 26:29

Ɩ̃ yere na kʋ̀rɛ nyɩ, dɩ̃a na ta a, ɩ̃ kʋ̃ lɛb nyũ a divɛ̃ á ŋá ɩ, ɛ́ gùre a ʋlɩ bibir nɛ ɩ̃ nãà lɛb wa lãwnɩ nyɩ nyũ divɛ̃-paala a ɩ̃ Sãà naalʋ pʋɔ a.»

Luka 22:20

Ʋ mɩ̀ tɩ ɩ n a lɛ a koli-nyúura ƴãw, a dɩb pùorí, ɛ́ yel: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ na cir a nyɩ ƴãw a.

Ebre 10:29

Nyɩ tɩɛr bãw kɛ́ sob nɛ na ɩ a Naaŋmɩn Bie la a, na nyɛ̃ a Wõ-taa zɩ̃ɩ na kʋ̀ ʋ a sonu a bɛ ɩ bom a, ɛ́ tʋ a Vʋʋrʋ na tɩrɛ a maalʋ a, nyɩ tɩɛr bãw k'aa sob nɛ kʋ̃ sɛwnɩ dɔwrʋ na kpɛ faa zuo lɛ a bɩɩ?