Matie 25:44 - A SƐB-SÕW

⁴⁴ Lɛ n'a bɛ mɩ̀ na sɔw ʋ yel: “Sore e, debor'a tɩ tɩ nyɛ̃ b kɔ̃ nɩ kʋ̃ɔ-nyúur kpɩɛr fʋ, bɩɩ fʋ ɩ sãan, fʋ ɩ ƴã-gã-zawla, fʋ ɩ bàal bɩɩ fʋ be gaso pʋɔ, ɛ́ tɩ bɛ sõw fʋ?”

Matie 25:44 Referans Kwoze

Luka 10:29

Ɛcɛ a Naaŋmɩn wulu bãw-bãw-kara nɛ na tɩ bɔbr k'ʋʋ wul a ʋ yel-mɩŋa a, ʋ tɩ lɛb'a sowri a Yeezu: «Ãa n'ɩ a ɩ̃ tɔ sob?»

Matie 7:22

A ƴɛ̀rʋ-maalʋ bibir a, nɩ-yaga na yere nɩ a ɩ̃ zie: “Sore e, a fʋ yúor ƴãw bɛ tʋ̃ɔ́ n'a tɩ tɩ ƴɛ̀r naaŋmɩn-ƴɛ̀r-manbɛ ƴɛ̀rʋ ɛ? A fʋ yúor ƴãw bɛ tʋ̃ɔ́ n'a tɩ tɩ diw kɔ̃tɔmɛ ɩ? A fʋ yúor ƴãw bɛ tʋ̃ɔ́ n'a tɩ tɩ maalɩ nɔ-ɓãa-yele yaga ɩ?”

Malasɩ 3:13

A Sore yere na: «A nyɩ ƴɛ̀rʋ nyɩ na càarɛ nɩ mɛ̃ a, a kpɛ̃w tɔ. Ɛ́ nyɩ mɩ́ sowre: “Bʋ̃ʋ ƴɛ̀rʋ n'a tɩ ƴɛ̀r càar'ɩ fʋ?”

Malasɩ 2:17

«Nyɩ bàlɛ nɩ a Sore nɩ a nyɩ ƴɛ̀rʋ. Ɛcɛ nyɩ sowre na: “Nyɩn lowr'a tɩ bàlɛ ʋ?” Nyɩ na mɩ́ yere: “Yel-fa-maalɛ za ɩ n nɩ-vla a Sore zie, a nɩ-bɛ-ŋa-taabɛ yele n'a ʋ nɔnɛ.” Bɩɩ nyɩ na mɩ́ yere: “Nyɩnɛ n'a a Naaŋmɩn na mɩ́ dɩ a ƴɛ̀rʋ nɩ mɩnʋ a be?”»

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”

Zeremi 2:35

fʋ yel'a: “Ɩ̃ ɩ n nɩr na bɛ tɛr sãwna a. A bɛ tɛr à ŋá ɩ, a Sore kʋ̃ cãà nyɛ̃ nɩ mɛ̃ suur ɛ!” Ɛcɛ mãa a, ɩ̃ na maal'ɩ fʋ nɩ ƴɛ̀rʋ, bʋ̃ʋ n'ʋ vɛ̃, fʋ yel'a: “Ɩ̃ bɛ maalɩ faa ɩ.”

Zeremi 2:23

Ŋmɩŋmɩn za n'a fʋ sʋ̃ɔmɩ yere: “Ɩ̃ bɛ dɛw ɩ̃ tʋɔra ɩ, ɩ̃ bɛ tu a Báàl mɩnɛ ɩ”! Jɩ́r a lɛ fʋ na ɩrɛ a bà-fʋɔla pʋɔ a. Sàw a lɛ fʋ na ɩ a. Fʋ ŋmɛ̃ na mɛ̃ nyɔ̃wmɛ-nyãw-pɔl na mɩ́ zɔ tɩ sãá ka, zɔ tɩ sãá ka a.

Matie 5:6

Zu-nʋ̃ɔ̀ dem'ɩ a bɛlɩ dem yel-mɩŋa kɔ̃ nɩ kʋ̃ɔ-nyúur na kpɩɛr a, bɛ na tɩw na.

Matie 10:41

Nɩr na sàw de naaŋmɩn-ƴɛ̀r-manɛ, ʋ na ɩ naaŋmɩn-ƴɛ̀r-manɛ a ƴãw a, ʋ na páw nɩ naaŋmɩn-ƴɛ̀r-manɛ maalʋ, ɛ́ nɩr na sàw de nɩ-mɩŋa, ʋ na ɩ nɩ-mɩŋa a ƴãw a, ʋ na páw nɩ nɩ-mɩŋa maalʋ.

Matie 25:43

ɩ̃ tɩ ɩ n sãan nyɩ bɛ de m a sãanʋ ɛ, ɩ̃ tɩ ɩ n ƴã-gã-zawla, nyɩ bɛ kʋ̀ m bʋ̃-suuri ɛ, ɩ̃ tɩ ɩ n bàal, ɩ̃ tɩ be n gaso pʋɔ, ɛ́ nyɩ bɛ wa wa nyɛ̃ m ɛ.”

Matie 25:45

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na bɛ ɩ à à ŋá a pʋrmɛ bɛ ŋa kãw zie a, mãa zie mɩ̀ n'a nyɩ bɛ ɩ a lɛ ɩ.”