Matie 24:9 - A SƐB-SÕW

⁹ A lɛn daar, bɛ na nyɔw nyɩ na tɩr kɛ́ bɛ dɔwrɩ nyɩ, bɛ na kʋ nyɩ na. A nɩ-bʋʋr-yoru na hɩ̃ɛn nyɩ nɩ a ɩ̃ yúor ƴãw.

Matie 24:9 Referans Kwoze

Zã 16:2

Bɛ na diw nyɩ na bɛr a Zifʋ mɩnɛ puoru-dirú. Mɔ̃ mɩ̀, bio waar'a na vɩɛ, bɛ na mɩ́ nyɔw nyɩ kʋ ɛ́ tɩɛrɛ kɛ́ bàwr'ʋ bɛ maalɩ kʋ̀ a Naaŋmɩn.

Yel-wula 2:10

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Luka 21:12

Ɛcɛ bɛ na dãw na nyɔw nyɩ, dɔwrɩ nyɩ, ɛ́ à á ŋá za bãw ta. Bɛ na nyɔw nyɩ na kʋ̀ a Zifʋ mɩnɛ puoru-diru nɩ-bɛrɛ. Bɛ na ƴãw nyɩ nɩ gaso pʋɔ, bɛ na tɛr nyɩ na cen nɩ ƴɛ̀rʋ zie, na-mɩnɛ nɩ a na-kpɛ̃ɛ-lɩɛrbɛ niŋé a ɩ̃ yúor ƴãw:

Yel-wula 7:14

Ɩ̃ tɩ sɔw ʋ na: «Ɩ̃ Zu-sob i, fʋ̃ʋ n'ʋ bãw.» Lɛ n'a ʋ tɩ yel mɛ̃: «Bɛlɛ n'ɩ a bɛl na yi a kpɩɛrʋ kpɛ̃ɛ pʋɔ wa a. Bɛ pɛ́w nɩ a bɛ kpar-wowr ɛ́ ɩ a pɛlɩ a Pele zɩ̃ɩ pʋɔ.

1 Pɩɛr 4:16

Ɛcɛ alɛ wa ɩ ʋ na ɩ kɩrɩta-nɩr a ƴãw n'a a, a ta ɩrɛ ʋ vĩ ɛ, ʋ nɩ̃ɛ danɛ a Naaŋmɩn, a kɩrɩta-nɩr yúor ŋa ʋ na tɛr a ƴãw.

Yel-wula 2:13

ɩ̃ bãw nɩ a be fʋ na kpɩɛr a: a be a Sɩtaana naalʋ-dà-kɔw na be a n'a. Ɛcɛ, fʋ ƴãw nɩ fãw tu a ɩ̃ pùor. A bibie al pʋɔ bɛ mɩ̀ na saa tɩ kʋ a ɩ̃ dãsɩ-dɩrɛ Ãtɩpasɩ na bɛ lɛbr pùor a nyɩ zie be a, a be a Sɩtaana na kpɩɛr a, fʋ bɛ sàw de m ɛ́ lɛb wa zawrɩ bɛr ɛ.

Nɩ-toni 7:59

Bɛ na tɩ lɔbr'ɩ ʋ a kʋsɛbɛ a, a Ɩtɩɛn tɩ puore nɩ à ŋá: «Sore Yeezu u, de a ɩ̃ vʋʋrʋ!»

Luka 11:49

Alɛ n'a so, a Naaŋmɩn na bãw bom za a, tɩ yel a nyɩ ƴãw: “Ɩ̃ na tõ n a ɩ̃ ƴɛ̀r-manbɛ nɩ a ɩ̃ nɩ-toni a bɛ zie. Bɛ na kʋ n bɛ mɩnɛ, ɛ́ dɔwrɩ bɛ mɩnɛ.”

Matie 23:34

Lɛ so, nyɩ nyɛ̃, ɩ̃ tone nɩ naaŋmɩn-ƴɛ̀r-manbɛ, nɩ yã-bãwnbɛ, nɩ Naaŋmɩn wulu sɛ-sɛbrbɛ a nyɩ zie. Nyɩ na kʋ n bɛ mɩnɛ, ɛ́ kpa bɛ mɩnɛ da-gara zu, nyɩ na fɔb'ɩ bɛ mɩnɛ a nyɩ puoru-diru pʋɔ, ɛ́ diw bɛ tẽw ŋa tɩ sãá nɩ tẽw ŋa,

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»

Matie 22:6

ɛ́ bɛ mɩnɛ nyɔw a tõ-tõ-biir dɔwrɩ ɛ́ kʋ.

Zʋkpaɩ 29:27

A nɩ-mɩn bɛ mɩ́ nɔnɛ a yel-fa-maalbɛ ɩ, a nɩ-faar bɛ mɩ́ nɔnɛ a bɛlɩ dem na ɩrɛ vla a ɩ.

Zã 15:18

«A tẽ-daa wa hɩ̃ɛn nyɩ a, nyɩ bãw kɛ́ mãa n'ʋ ʋ tɩ dãw de niwn hɩ̃ɛn.

Zã 15:21

Bɛ na ɩ nyɩ nɩ à á ŋá za a mãa yúor ƴãw, bɛ na bɛ bãw a sob nɛ na tõ m a ƴãw.