Matie 23:39 - A SƐB-SÕW

³⁹ Mãa n'ʋ yere kʋ̀rɛ nyɩ, a na dɛ tɔ dɩ̃a a, nyɩ kʋ̃ lɛb nyɛ̃ m ɛ, ɛ́ gù a lɛn daar nyɩ nãà wa yere: “A Naaŋmɩn, ʋ maalɩ a sob nɛ na waar a Sore yúor ƴãw a!”»

Matie 23:39 Referans Kwoze

Sɛb-sõw yielu 118:26

— A sob nɛ na waar a, ʋ tɛr'ɩ puoru a Sore yúor ƴãw! Tɩ be n a Ŋmɩn-yir-kpɛ̃ɛ pʋɔ ɛ́ kʋ̀rɛ nyɩ a ʋ maalʋ.

Matie 21:9

A nɩbɛ na tɩ de a Yeezu niwn a, nɩ a bɛl na tɩ tuur a, tɩ cáarɛ na yere nɩ: «Ozaana a Daviir bidɛb! A Naaŋmɩn, ʋ maalɩ a sob nɛ na waar a Sore yúor ƴãw a! Ozaana a salom zu za!»

Ʋrɔm 11:25

Yɛbr i, ɩ̃ bɔbr'a k'ɩ̃ɩ ɩ nyɩ bãw a Naaŋmɩn yel-sɔwla ŋa, kɛ̀ nyɩ taa wa de nyɩ tʋɔra bʋɔlɛ yã-bãwnbɛ ɩ: a Ɩsɩrayɛl nɩbɛ ŋmãa na kpawl'a, ɛ́ gù a nɩ-bʋʋr-yoru za tɩ nyɛ̃ a faafʋ.

Zã 8:56

A nyɩ sãà Abraham tɩ cɩlɩ na, ʋ na tɩ tɩɛr k'ʋʋ na nyɛ̃ nɩ a ɩ̃ waa bibir a: ʋ nyɛ̃ ʋ na, ɛ́ nʋ̃ɔ̀ kpɛ ʋ bɛ dɩ vuo ɩ.»

Zã 8:24

Lɛ so ɩ̃ yel kʋ̀ nyɩ kɛ́ nyɩ na kpi n nɩ a nyɩ yel-bebe. Nyɩmɛ bɛ wa sɩrɩ sàw k'ɩ̃ɩ “ɩ n a sob nɛ ɩ̃ na ɩ a”, nyɩ na kpi n nɩ a nyɩ yel-bebe.»

Zã 8:21

A Yeezu tɩ cãà na lɛb yel bɛ: «Ɩ̃ cere na, ɛ́ nyɩ na bɔ m'a, ɛcɛ nyɩ na kpi n nɩ a nyɩ yel-bier. A be ɩ̃ na cere a, nyɩ kʋ̃ tʋ̃ɔ́ cen ɛ.»

Luka 17:22

Lɛ n'a ʋ tɩ yel a ʋ po-tuurbɛ: «Bibie waar'a na vɩɛ, ɛ̀ nyɩ na bɔbr kɛ́ nyɩ nyɛ̃ a Nɩsaal Bie daar mʋ̃tɔ̃-been yõ, ɛ́ kʋ̃ nyɛ̃ ʋ ɛ.

Zakari 12:10

Ɩ̃ na ƴãw nɩ a Daviir bʋʋrɛ nɩ a Zerizalɛm tẽw dem tɩɛrʋ na vɩɛl a, nɩ puoru tɩɛrʋ. Bɛ na jɩ́rɛ nɩ a ɩ̃ lowr, a sob nɛ bɛ na cɔ̀r col a ƴãw. Bɛ na kõ ʋ na, mɛ̃ bidɛb-been na kpi bɛ kone a, bɛ na kõ ʋ na mɛ̃ bi-dãw-dɔwra na bɛ cãà be a.

A naaŋmɩn-ƴèr-manɛ Oze sɛbɛ 3:4

À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli ɛ. Bɛ kʋ̃ tɛr efɔdɩ nɩ terafim ɛ.

Zã 14:19

Blã blã, ɛ́ a tẽ-daa kʋ̃ lɛb nyɛ̃ m ɛ. Ɛcɛ a nyɩɩm, nyɩ na nyɛ̃ m'a, ɩ̃ vʋʋrɛ, ɛ́ nyɩ mɩ̀ na vʋʋrɛ na.

Zã 14:9

A Yeezu yel ʋ: «Ɩ̃ be n a nyɩ zie tɩ cɛlɩ sɛw à ŋá za, ɛ́ fʋ cãà bɛ bãw mɛ̃ ɩ, Filib i? Ʋlɩ sob na nyɛ̃ m a, ʋ nyɛ̃ nɩ a Naaŋmɩn Sãà. Ŋmɩŋmɩn za n'a fʋ yel: “Wul tɩ a Naaŋmɩn Sãà?”