Matie 23:35 - A SƐB-SÕW

³⁵ k'aa nɩ-mɩn za zɩ̃ɩ na cir a tẽw zu a, tʋ̃ɔ́ lɛb lo a nyɩ zu, a na tĩ a nɩ-mɩŋa Abɛl nyɩ na kʋ a, tɩ ta n a Barakɩ bidɛb Zakari nyɩ na kʋ a zi-sõw nɩ a bàwr-maal-kuur cara pʋɔ a.

Matie 23:35 Referans Kwoze

Zakari 1:1

A Daarisɩ naalʋ-dɩb yome ayi sob, a cuwr ani sob, a Sore tɩ ƴɛ̀r'ɩ a naaŋmɩn-ƴɛ̀r-manɛ Zakari na ɩ Berekɩa bidɛb nɩ Ido yãw a zie.

Ebre 11:4

A sàw-deb zũú n'a Abɛl tɩ maalɩ bàwr na vɩɛl zuo Kayɛ̃ dem a kʋ̀ a Naaŋmɩn. A sàw-deb ƴãw n'a a Naaŋmɩn tɩ yel k'ʋʋ ɩ n nɩ-mɩŋa, a Naaŋmɩn mɩŋa na tɩ sàw de a bome a Abɛl na kʋ̀ ʋ a ƴãw. A ʋ sàw-deb zũú, a Abɛl na saa kpi a cãà na ƴɛ̀rɛ.

Yele-za-pɛr-tib 4:8

Ɛcɛ a Kayɛ̃ tɩ yel'ɩ a ʋ yɛb Abɛl: «Ɩ tɩ yi yẽw.» Bɛ na tɩ ta a wɩ̀ɛ pʋɔ a, a Kayɛ̃ tɩ lo na nyɔw a ʋ yɛb Abɛl kʋ.

Yel-wula 18:24

A fʋ pʋɔ n'a a naaŋmɩn-ƴɛ̀r-manbɛ nɩ a Naaŋmɩn nɩ-bʋʋrɛ zɩ̃ɩ cir, lãwnɩ a bɛlɩ dem za bɛ na tɩ kʋ a tẽw zu a zɩ̃ɩ.

Zeremi 26:15

Ɛcɛ, nyɩ bãwnɩ a vla, nyɩmɛ wa kʋ m a, a nyɩɩm, a tẽ-kpɛ̃ɛ ŋa nɩ a ʋ nɩbɛ za a, nyɩ na ɩ n sãwna dem, nyɩ na kʋ nɩr na bɛ tɛr sãwna a zũú. Bʋ̃ʋ n'ʋ vɛ̃, a Sore n'ʋ sɩrɩ tõ m k'ɩ̃ɩ wa ɩ nyɩ wõ a ƴɛ̀rʋ á ŋá za.»

2 Na-mɩnɛ 24:4

Ʋ tɩ ɩ na nɩ-yaga na bɛ sãw a kpi, a Zerizalɛm tẽ-kpɛ̃ɛ ɩ zɩ̃ɩ tɛwr, a Sore bɛ sàw dɩ suur ɛ.

2 Na-mɩnɛ 21:16

A Manase tɩ ƴãw na bɛ kʋ nɩbɛ na bɛ sãw a, yaga za, a Zerizalɛm tẽw tɩ ɩ zɩ̃ɩ tɛwr. A ɩ-faar á ŋá tɩ wa na wa ƴãw pʋɔ a yel-bebe za ƴãw, ʋ na tɩ ƴãw a Zuda nɩbɛ maalɩ a. Bʋ̃ʋ n'ʋ vɛ̃, ʋ tɩ ɩ na bɛ ɩ a lɛ na bɛ vɩɛl a, a Sore zie.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Luka 11:51

a na tĩ a Abɛl tɩ ta n a Zakari bɛ na kʋ a bàwr-maal-kuur nɩ a zi-sõw cará a. Yel-mɩŋa sɩza, ɩ̃ yere na kʋ̀rɛ nyɩ, a dɩ̃a nɩbɛ bɛ ŋa na nyɛ̃ nɩ dɔwrʋ a yele á ŋá ƴãw.

Zeremi 26:23

Bɛ tɩ tɛr'ɩ a Uuriyahu a Eziptɩ tẽw lɛb wa n wa kʋ̀ a nãà. A Yoyakim tɩ ƴãw na bɛ kʋ ʋ, ɛ́ lɔb a ʋ kũu ƴãw bɔw-lãw pʋɔ.

Ɩzayi 26:21

Ʋlɛ n'ɩ ŋan yire a ʋ yir, k'ʋʋ wa kaa a tẽw nɩbɛ zie a bɛ yel-faar ƴãw. A tẽsɔw na bɛr'ɩ a zɩ̃ɩ a sãá, ʋ kʋ̃ cãà sɔwlɩ a nɩbɛ bɛ na kʋ a ɩ.

Zeremi 2:34

A nan dem nɩ a nɩbɛ na bɛ tɛr sãwna a zɩ̃ɩ be n a fʋ kparɩ nɛ́ɛ ƴãw. Ɛcɛ fʋ bɛ ùr nyɔw bɛ bɛ bɔbr a fʋ pan kárʋ ɛ! Ɛ́ à á ŋá za pʋɔ a,

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

Sɔr-nɛ́ɛ 35:33

Nyɩ bɛ dɛwr a tẽw nyɩ na na kpɩɛr a bɛrɛ ɩ. Ɛcɛ nɩr kʋb dɛwr'ɩ a tẽw. Ɛ́ a nɩ-kʋrɛ kũu yõ n'a pɛ́wr a zɩ̃ɩ na dɛw a tẽw a.

Ɩzayi 14:21

Nyɩ cɔbrɩ a bidɛbr kʋb a bɛ sãà mɩnɛ sãwna ƴãw, bɛ taa wa mab ìr lɛb zɛb de a tẽw, ɛ́ mɛ tẽ-bɛrɛ paalɩ a tẽ-daa ɩ.

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Nɩ-toni 5:28

«Tɩ tɩ diw nyɩ na bɛr lãwnɩ kpãàfʋ kɛ́ nyɩ ta kanɛ nɩ a nɩbɛ a nɩr ŋa yúor ƴãw ɛ! Ɛcɛ nyɩmɛ n'ɩ bɛ ŋan paalɩ a Zerizalɛm za nɩ a nyɩ kanʋ! Nyɩ bɛ yel kɛ́ nyɩ ɩ lɛ a yele a nɩr ŋa kũu na na wa n a lɛb lo tɩ zu u!»