Matie 21:35 - A SƐB-SÕW

³⁵ Ɛcɛ a divɛ̃ tɩɩr po-kʋ́ɔrbɛ tɩ nyɔw nɩ a ʋ tõ-tõ-biir, pɔb a kãw, kʋ a ƴen sob, ɛ́ lɔb a kãw nɩ kʋsɛbɛ kʋ.

Matie 21:35 Referans Kwoze

Neemi 9:26

Ɛcɛ bɛ bɛ sàw a fʋ nʋɔr ɛ, bɛ gaar'ɩ nɩ a fʋ zie, bɛ gur'ɩ pùor cɔw a fʋ wulu. Bɛ kʋ n a fʋ ƴɛ̀r-manbɛ na zɛlɛ bɛ kɛ́ bɛ lɛb wa a fʋ zie a. A bɛ ɩb bɛ tɩ vɩɛl towtow ɛ.

Nɩ-toni 7:52

Naaŋmɩn-ƴɛ̀r-man-buor sob'ʋ a nyɩ sãàkʋm-kore bɛ dɔwrɩ? Bɛ kʋ n a bɛl na tɩ dãw hiere a nɩ-mɩŋa waa a. A Nɩ-mɩŋa ŋa tɔr za nyɩ na pãa mɩl kʋ a,

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Yel-wula 6:9

A Pele na wa 'law a sɩ-suur anũu sob a, a bɛlɩ dem bɛ na kʋ a Naaŋmɩn ƴɛ̀rʋ ƴãw nɩ a dãsɩɛ bɛ na dɩ a ƴãw a, ɩ̃ nyɛ̃ nɩ a bɛ sɩ́ɩr a bàwr-maal-kuur pile.

Zeremi 2:30

Zawla lɛ n'a ɩ̃ ŋmɛ nyɩ. Nyɩ bɛ sàw de a kpãàfʋ ɛ. Nyɩ nɩ̃ɛ na kʋ a nyɩ naaŋmɩn-ƴɛ̀r-manbɛ mɛ̃ gben na kpɛ po-tuo a.

2 Bibie za yel-manɩ 16:10

A Asa tɩ nyɛ̃ nɩ nɩ a naaŋmɩn-ƴɛ̀r-manɛ suur, ƴãw bɛ nyɔw ʋ lɔb ƴãw gaso pʋɔ, a ʋ ƴɛ̀r-bie na tɩ ɩ a ʋ suur ìr a ƴãw. A lɛn daar mɩ̀ a, a Asa tɩ tĩ na dɔwrɛ a ʋ nɩ-bʋʋrɛ nɩbɛ bɛ mɩnɛ.

1 Na-mɩnɛ 22:24

Lɛ n'a Kenaana bidɛb, Sidikiyahu, tɩ taw ta ɓa a Mise a kɔrɩ́, ɛ́ yel: «Nyɩn lowr'a a Sore Vʋʋrʋ tu a ɩ̃ zie yi wa ƴɛ̀rɛ a fʋ zie?»

1 Na-mɩnɛ 19:10

Ʋ sɔw: «Sore, Kpɛnʋ-za-sob i, nɔ̃wfʋ bɛ n'a ɩ̃ nɔnɛ fʋ ɛ! Ɛcɛ a Ɩsɩrayɛl nɩbɛ zawr'ɩ a fʋ wõ-taa bɛr, bɛ ŋmɛr'ɩ a fʋ bàwr-maal-kube bɛr, bɛ kʋ n a fʋ ƴɛ̀r-manbɛ. Mãa ɩ̃ yõ n'ʋ cɛ, bɛ bɔbr kɛ́ bɛ ír a ɩ̃ nyɔ-vʋʋrʋ.»

1 Na-mɩnɛ 19:2

Lɛ n'a a Zezabɛl tɩ tõ nɩr ʋ tɩ yel à ŋá kʋ̀ a Eli: «Bio, a tɛm ŋa pʋɔ, mãa bɛ wa ɩ fʋ mɛ̃ a lɛ fʋ na ɩ a ƴɛ̀r-manbɛ bɛ ŋa a, a ŋmɩnɛ, bɛ dɔwrɩ mɛ̃ ɛ́ lɛb maal dɔwrɩ!»

1 Na-mɩnɛ 18:13

Ɩ̃ sore e, bɛ bɛ manɩ kʋ̀ b a lɛ ɩ̃ na ɩ, a lɛn daar a Zezabɛl na tɩ ƴãw bɛ kʋrɛ a Sore ƴɛ̀r-manbɛ a ɩ? A lɛ ɩ̃ na tɩ sɔwlɩ nɩbɛ kʋba (100) a bɛ pʋɔ, bʋ́r bɛ lɩz'a ayiri nɩ piir tãw bɔwrɩ pʋɔ ɛ́ kʋ̀rɛ bɛ a bʋ̃-dɩrɩ nɩ a kʋ̃ɔ a ɩ?

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

Zeremi 26:8

A Zeremi na tɩ ƴɛ̀r a ƴɛ̀rʋ, a Sore na tɩ ƴãw a nʋɔr kʋ̀ ʋ k'ʋʋ ƴɛ̀r kʋ̀ a nɩbɛ a, wa baarɩ a, a bàwr-maalbɛ, a naaŋmɩn-ƴɛ̀r-manbɛ nɩ a nɩbɛ za tɩ nyɔw ʋ na ɛ́ yere: «Fʋ sɛwnɩ nɩ kũu!»

Zeremi 37:15

A nɩ-bɛrɛ tɩ nyɛ̃ nɩ nɩ a Zeremi suur ɛ́ pɔb ʋ. Al pùorí bɛ pàw ʋ a sɛ-sɛbrɛ Yehonatan yir bɛ na tɩ nyɔw lɩɛbɩ ʋ ɩ gaso a pʋɔ.

Matie 21:34

A wɔmɛ pɔrʋ daar na wa ta a, ʋ tõ n a ʋ tõ-tõ-biir a divɛ̃ tɩɩr po-kʋ́ɔrbɛ zie kɛ́ bɛ tɩ tɩr a ʋ dem.

Matie 21:36

Ʋ tɩ lɛb'a tõ tõ-tõ-biir bɛ mɩnɛ bɛ yãwmɛ zuo a dãw-niwn dem. Ɛcɛ a divɛ̃ tɩɩr po-kʋ́ɔrbɛ mɩ̀ tɩ ɩ bɛ nɩ a lɛn tɔr za.