Matie 19:28 - A SƐB-SÕW

²⁸ A Yeezu tɩ yel bɛ na: «Yel-mɩŋa sɩza, ɩ̃ yere na kʋ̀rɛ nyɩ, a lɛn daar a yele nãà wa lɩɛbɛ paalɛ a, a lɛn daar a Nɩsaal Bie nãà wa zɩ̃ a ʋ yúor-vɩɛlʋ-danʋ naalʋ-dà-kɔw zu a, a nyɩɩm na tu m a, nyɩ mɩ̀ na zɩ̃ n naalʋ-dà-kɔwr pie nɩ ayi zu, kɛ́ nyɩ maal'ɩ a Ɩsɩrayɛl yie dɔwlʋ pie nɩ ayi a ƴɛ̀rʋ.

Matie 19:28 Referans Kwoze

Matie 25:31

«A Nɩsaal Bie wa lɛb wa n yúor-vɩɛlʋ-danʋ a, ʋlɛ nɩ a ʋ malkɩ mɩnɛ za a, ʋ na zɩ̃ n a ʋ naalʋ-dà-kɔw zu.

Yel-wula 20:4

Ɩ̃ɩ tɩ nyɛ̃ nɩ naalʋ-dà-kɔwr: bɛ tɩ kʋ̀ n a ƴɛ̀rʋ-maalʋ fãw a bɛlɩ dem na tɩ zɩ̃ a dà-kɔwr á ŋá zu a. A bɛlɩ dem bɛ na tɩ kʋ, a yel-mɩŋa dãsɩɛ a Yeezu na dɩ a ƴãw nɩ a Naaŋmɩn ƴɛ̀rʋ ƴãw a, ɩ̃ mɩ̀ tɩ nyɛ̃ nɩ a bɛ sɩ́ɩr. Bɛ bɛ tɩ gbĩ dume puori a wɛ-dʋ̃w ɛ, nɩ a ʋ dasule mɩ̀ ɛ, ɛ́ bɛ tɩ tɛr a ʋ bãwfʋ a bɛ gbẽé nɩ a bɛ nũú ɛ. Bɛ tɩ lɛb'a vʋʋrɛ ɛ́ dɩ naalʋ lãwnɩ a Kɩrɩta yome túr (1 000).

Yel-wula 7:4

Ɩ̃ tɩ wõ n a nɩbɛ bɛ na ƴãw a bãwfʋ a nʋɔr: nɩbɛ tùr-lɩz'a ayopõi nɩ túr anaar (144 000), na ƴãw a bãwfʋ a Ɩsɩrayɛl bibiir dɔwlʋ za pʋɔ a:

2 Pɩɛr 3:13

Mɛ̃ a lɛ a Naaŋmɩn na ƴãw a nʋɔr a, salom-paala nɩ tẽsɔw-paala pʋɔ mɩnʋ na be a, alɛ n'a tɩ gùre.

Matie 16:27

A Nɩsaal Bie na sɩrɩ na wa a ʋ Sãà yúor-vɩɛlʋ-danʋ pʋɔ, ʋlɛ nɩ a ʋ malkɩ mɩnɛ, lɛ n'a ʋ na mɩ́ ya ŋa za man nɩ a ʋ ɩb.

Ɩzayi 66:22

A Sore yere na: «Mɛ̃ a lɛ a salom-paala nɩ a tẽsɔw-paala ɩ̃ na ír na kpɛmɛ àr a ɩ̃ niŋé a, lɛ n'a a nyɩ yúor nɩ a nyɩ bʋʋrɛ na be a ɩ̃ niŋé kʋralɛ.

Ɩzayi 65:17

Bʋ̃ʋ n'ʋ vɛ̃, ɩ̃ na ír'ɩ salom-paala nɩ tẽsɔw-paala. Nɩr bɛ lɛb ƴɛ̀rɛ a koro za yele ƴɛ̀rʋ ɛ, bɛ kʋ̃ lɛb tɛr a tɩɛrʋ towtow ɛ.

Yel-wula 21:5

Lɛ n'a a sob nɛ na zɩ̃ a naalʋ-dà-kɔw zu a tɩ yel: «Ƴɛrɛŋa a, ɩ̃ maalɛ nɩ a bome za a ɩ paalɛ.» Al pùorí ʋ yel mɛ̃: «Sɛb k'aa ƴɛ̀r-bie á ŋá ɩ n sɩza ɛ́ bɛ tɛr bʋnʋ towtow ɛ.»

Yel-wula 4:4

Naalʋ dà-kɔwr lɩzɛr'ɩ anaar tɩ viir'a koli a naalʋ-dà-kɔw, ɛ́ nɩ-kore lɩzɛr'ɩ anaar na su kpar-pɛlɛ ɛ́ vɔblɩ nãà-kpawʋʋr na ɩ salm-zɩɛ a tɩ zɩ̃ a dà-kɔwr al zu.

Yel-wula 3:21

Sob nɛ na na zɛb tʋ̃ɔ́ a, ɩ̃ na ɩ na ʋ lãw nɩ mɛ̃ zɩ̃ a ɩ̃ naalʋ-dà-kɔw zu, mɛ̃ a lɛ a mãa mɩ̀ na zɛb tʋ̃ɔ́ ɛ́ cen tɩ lãw nɩ a ɩ̃ Sãà zɩ̃ a ʋ naalʋ-dà-kɔw zu a.

2 Timote 2:12

Tɩmɛ wa dɩ kanyir a, tɩ mɩ̀ na lãw nɩ ʋ na dɩ naalʋ. Tɩmɛ wa zawr'ʋ bɛr a, ʋ mɩ̀ na zawrɩ tɩ na bɛr.

Nɩ-toni 3:21

Ƴɛrɛŋa a, a fɛr'a k'aa Yeezu Kɩrɩta be a tẽ-vla pʋɔ tɩ ta a daar ʋl bom za na na lɩɛbɩ bʋ̃-paala, mɛ̃ a lɛ a Naaŋmɩn na tɩ dãw hieri yel nɩ a ʋ dãwdãw ƴɛ̀r-man-son nʋɔr a.

Matie 20:21

A Yeezu tɩ sowr'ʋ na: «Bʋ̃ʋ n'ʋ fʋ bɔbr?» Ʋ sɔw: «Nyɛ̃ a ɩ̃ bidɛbr ayi bɛ ŋa, ƴãw kãw zɩ̃ a fʋ dʋrʋ lowr ɛ́ kãw zɩ̃ a fʋ gʋba lowr a fʋ naalʋ pʋɔ.»

Yel-wula 22:2

Ʋ tɩ zɔrɛ nɩ a tẽw laɩ sɔwlɩsɔw. A nyɔ-vʋʋrʋ tɩɛ tɩ àr'ɩ a man kõkowe ƴãw, mɩ́ wɔ̃ gb'a a pie nɩ ayi yũon za, cuw za ʋ mɩ́ wɔ̃ na, ɛ́ a ʋ váar ɩ tɩ̃ɩ sanɛ a ten ten nɩbɛ.

Ɛsɩdɩrasɩ 6:17

A cuw ŋa ƴãw a, bɛ tɩ kʋ n nadɛɛ kʋba (100), pʋ́rɩ kɔbr ayi (200) nɩ peli kɔbr anaar (400) maal'ɩ bàwr. Bɛ mɩ̀ tɩ kʋ n bʋrɩ pie nɩ ayi, dɔwlʋ za bʋra, k'aa Naaŋmɩn dɩ a Ɩsɩrayɛl nɩbɛ za yel-bebe suur kʋ̀ bɛ.

1 Na-mɩnɛ 18:31

Ʋ tɩ de nɩ kʋsɛbɛ pie nɩ ayi na ɩ a Zakɔb bʋʋrɛ dɔwlʋ pie nɩ ayi nʋɔr a — a Zakɔb ŋa n'ʋ a Sore tɩ yel: «Dɩ̃a na ta a, fʋ na dɩ n Ɩsɩrayɛl.» —

Zozue 3:12

Ƴɛrɛŋa a, nyɩ kaa ír dɛbr pie nɩ ayi a Ɩsɩrayɛl dɔwlʋ pʋɔ, dɔwlʋ za pʋɔ dɛb-been.

Levitɩ mɩnɛ 24:5

«Ɩ zɔ̃ maal'ɩ dipɛ̃-ɓãgalɩ pie nɩ ayi, kãw za mɩ́ tɛr kilo ayʋɔb.

Eziptɩ tẽw yib 28:21

Bɛ na wi n a Zakɔb bidɛbr pie nɩ ayi been been yée ƴãw kʋsɛ-bir za zu, mɛ̃ a lɛ bɛ na mɩ́ wi nɩr ŋmaarʋ-bʋ̃-ƴãwna a. A kʋsɛ-bie pie nɩ ayi na ɩ n a Ɩsɩrayɛl nɩbɛ dɔwlʋ pie nɩ ayi bãwfʋ.»

Eziptɩ tẽw yib 24:4

A Moyiir tɩ sɛb'ɩ a Sore ƴɛ̀rʋ za. Ɛ́ a bio daarɩ́ ʋ dãwnɩ ìru, mɛ bàwr-maal-kuur a tãw sɩ̃ɛ́, ɛ́ mɩ̀ bin kʋsɛbɛ pie nɩ ayi teli teli, a Ɩsɩrayɛl nɩbɛ dɔwlʋ pie nɩ ayi ƴãw.

Eziptɩ tẽw yib 15:27

Al pùorí, a Ɩsɩrayɛl nɩbɛ tɩ ta n Elim. Bul-nɛ́ɛ pie nɩ ayi nɩ kpãkparmɛ tɩɩr lɩz'a ata nɩ pie tɩ be n a be. Bɛ tɩ maal'ɩ a bɛ pɛnɛ-sɛwr a be, pɩɛlɩ a kʋ̃ɔ.

Yel-wula 12:1

Bãwfʋ kpɛ̃ɛ kãw tɩ sãá nɩ a salom zu: pɔw na su a mʋ̃tɔ̃w mɛ̃ kparʋ a, a gbɛ́ɛ dɔwlɩ a cuw zu, ɛ́ ŋmar-bie pie nɩ ayi viiri koli a zu mɛ̃ nãà-kpawʋɔ a.

Matie 6:33

Nyɩ mɩ́ de niwn bɔbr a Naaŋmɩn Naalʋ nɩ a ʋ nyɔ-vʋʋr-vla, ʋʋ na kʋ̀ nyɩ nɩ a al za na báa cɛ a dɔwlɩ.

Matie 8:20

A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Matie 19:27

Lɛ n'a a Pɩɛr tɩ de a ƴɛ̀rʋ yel ʋ: «Nyɛ̃, tɩ bɛr'ɩ bom za ɛ́ wa tuur fʋ, ŋmɩŋmɩn n'a a na ŋmɛ̃ a tɩ zie?»

Markɩ 10:37

Bɛ tɩ sɔw na: «Sàw a tɩ kãw zɩ̃ a fʋ dʋrʋ lowr, ɛ́ kãw zɩ̃ a fʋ gʋba lowr a fʋ yúor-vɩɛlʋ-danʋ pʋɔ.»

Yel-wula 11:16

A nɩ-kore lɩzɛr'ɩ anaar na zɩ̃ a bɛ naalʋ-dà-kɔwr zuru, a Naaŋmɩn niŋé a, tɩ lo na vɔblɩ muru puori a Naaŋmɩn nɩ bɛ tʋɔra-siwru,

Yel-wula 22:5

Tɩ̃ɩsɔw kʋ̃ lɛb cãà be ɩ, bɛ kʋ̃ cãà tɛr fɩ̃tɩlɛ cãà nɩ mʋ̃tɔ̃w cãà yel-ɩra ɩ, a Sore Naaŋmɩn na na caalɛ bɛ nɩ a ʋ cãà a ƴãw, ɛ́ bɛ na dɩrɛ nɩ naalʋ yome yome za.

2 Bibie za yel-manɩ 9:19

ɛ́ pie nɩ ayi àr a dɛr-mimie zu, ayʋɔb a gʋba lowr, ayʋɔb a dʋrʋ lowr. Nɩr bɛ maalɩ a bom ŋa tɔ naalʋ-tẽw kãw za pʋɔ ɩ.