Matie 12:39 - A SƐB-SÕW

³⁹ Ʋ tɩ sɔw bɛ na: «A dɩ̃a nɩbɛ bɛ ŋa, na ɩ nɩ-faar ɛ́ bɛ tuur Naaŋmɩn a, bɔbr'ɩ bãwfʋ, ɛcɛ bɛ kʋ̃ nyɛ̃ bãwfʋ kãw za ʋ bɛ ɩ a naaŋmɩn-ƴɛ̀r-manɛ Zonasɩ dem ɛ.

Matie 12:39 Referans Kwoze

Matie 16:4

A dɩ̃a nɩbɛ, na ɩ nɩ-faar ɛ́ bɛ tuur a Naaŋmɩn a, zɛlɛ nɩ bãwfʋ. Ɛcɛ bɛ kʋ̃ wul bɛ bãwfʋ kãw za ʋ bɛ ɩ a Zonasɩ dem ɛ.» Ʋ tɩ bɛr bɛ nɩ a be ɛ́ tɔl cen.

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.

Markɩ 8:38

Nɩr wa zɔrɛ a mãa nɩ a ɩ̃ ƴɛ̀r-bie vĩ, a dɩ̃a nɩbɛ sɔgɔ na bɛ tu Naaŋmɩn ɛ́ ɩrɛ ɩ-faar a, a Nɩsaal Bie mɩ̀ na zɔ n a sob nɛ vĩ, a lɛn daar ʋ nãà wa wa a ʋ Sãà yúor-vɩɛlʋ-danʋ pʋɔ, ʋlɛ nɩ a malkɩ son a.»

Ɩzayi 57:3

Nyɩɩm, pɔw-sɩ̃ɛ bibiir i, nyɩ taw pɩɛlɩ a ka. Pɩ̃ɔ-yel-maalbɛ nɩ pɔw-yɛmɛ nɩ dɛ-yɛmɛ bʋʋrɛ n'ɩ nyɩ!

2 Na-mɩnɛ 14:25

Ʋ tɩ lɛb'a zɛb de a ziir al za a Ɩsɩrayɛl na tɩ dãw so a, a Lebo-Hamatɩ, na be a saa-pɛrɩ́-gʋba-lowr a, tɩ tɔ a kʋ̃ɔ-kpɛ̃ɛ-kũu na be a saa-pɛrɩ́-dʋrʋ-lowr a. À ŋá n'a a tu mɛ̃ a lɛ a Sore, a Ɩsɩrayɛl Naaŋmɩn, na tɩ ƴãw a ʋ ƴɛ̀r-manɛ, Amitaɩ bidɛb, Zonasɩ, na yi Gatɩ-Hefɛɛr a, ʋ yel a.

Zonasɩ 1:1

Bibir kãw, a Sore tɩ yel'ɩ a Amitaɩ bidɛb Zonasɩ:

Markɩ 8:12

A Yeezu vʋʋrɩ fãaa, ɛ́ yel: «Bʋ̃ʋ n'ʋ so a dɩ̃a nɩbɛ bɛ ŋa bɔbr kɛ́ bɛ nyɛ̃ bãwfʋ? Yel-mɩŋa n'a ɩ̃ yere kʋ̀rɛ nyɩ, a dɩ̃a nɩbɛ bɛ ŋa bɛ nyɛrɛ bãwfʋ been kãw za ɩ.»