Matie 11:5 - A SƐB-SÕW

⁵ a zɔn nyɛrɛ na, a wʋbr cere dẽdẽ, a kɔn lɛb vɩɛl, ɛ́ a won wone, a kũuni lɛbr yire, ɛ́ a Yel-nʋ̃ɔ̀ hieri ta a nan dem.

Matie 11:5 Referans Kwoze

Luka 4:18

«A Sore Vʋʋrʋ siw mɛ̃ na, ʋ kaa na ír mɛ̃ ka nũu ƴãw mɛ̃ k'ɩ̃ɩ tɩ yel a Yel-nʋ̃ɔ̀ kʋ̀ a nan dem. Ʋ tõ m'a k'ɩ̃ɩ tɩ hieri a faafʋ kʋ̀ a gaso pʋɔ dem, ɛ́ yel a zɔn kɛ́ bɛ na lɛb'a nyɛrɛ, k'ɩ̃ɩ tɩ faa a bɛlɩ dem bɛ na dɔwrɛ a,

Ɩzayi 29:18

A ʋlɩ bibir a, a won na wone nɩ a lɛ bɛ na yel a sɛbɛ pʋɔ a. A zɔn na yi n a liw-varkpara pʋɔ nyɛrɛ.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Matie 21:14

Zɔn nɩ wʋbr tɩ taw na ta a Yeezu zie a Ŋmɩn-yir-kpɛ̃ɛ pʋɔ be, ʋʋ tɩ sanɩ bɛ.

Zã 10:38

Ɛcɛ mãa wa tone a a, nyɩmɛ saa bɛ sàw de m a, nyɩɩm sàw de a tome á ŋá, kɛ́ nyɩ tʋ̃ɔ́ bãw ɛ́ sàw kɛ́ a ɩ̃ Sãà sɩrɩ na lãw nɩ mɛ̃, mɛ̃ a lɛ ɩ̃ na lãw nɩ a ɩ̃ Sãà a.»

Zã 10:25

A Yeezu tɩ sɔw bɛ na: «Ɩ̃ yel'a kʋ̀ nyɩ, ɛ́ nyɩ bɛ sàw de ɩ. A tome ɩ̃ na tone a ɩ̃ Sãà yúor ƴãw a, alɛ n'a dɩrɛ a ɩ̃ dãsɩɛ.

Zã 5:36

Ɛcɛ ɩ̃ tɛr'ɩ dãsɩɛ na zuo a Zã dãsɩɛ a: alɛ n'ɩ a tome a Sãà na kʋ̀ m k'ɩ̃ɩ tõ a. Ɩ̃ tone nɩ a tome á ŋá, ɛ́ alɛ n'a dɩrɛ a ɩ̃ dãsɩɛ kɛ́ a Sãà tõ m a.

Zã 3:2

Ʋ tɩ wa n tɩ̃ɩsɔw kãw wa páw a Yeezu yel ʋ: «Wul-wul-kara a, tɩ bãw na kɛ́ fʋ ɩ n wul-wule na yi Naaŋmɩn zie wa a. Alɛ bɛ ɩ lɛ, nɩsaalɛ za kʋ̃ tʋ̃ɔ́ maalɩ a yele-na-ɩ-bãwfʋ-sãá fʋ na maalɛ, Naaŋmɩn bɛ wa be a ʋ sob zie a ɩ.»

Zã 2:23

A ʋlɩ vuo nɛ pʋɔ, a Yeezu na tɩ be a Zerizalɛm a Tɔl-gãw cuw ƴãw a, nɩ-yaga tɩ sàw na de a ʋ yele, a yele-na-ɩ-bãwfʋ-sãá ʋ na tɩ maalɩ bɛ nyɛ̃ a ƴãw.

Markɩ 9:25

A Yeezu na tɩ nyɛ̃ a nɩbɛ bɛ zɔrɛ waar wa gbone taa a, ʋ tanɩ nɩ a kɔ̃tɔn yere nɩ: «Kɔ̃tɔ̃-wõw-takpal i, fʋ̃ʋ n'ʋ ɩ̃ yere: yi zaa a bie ŋa pʋɔ, ɛ́ taa lɛb kpɩɛr a ʋ pʋɔ towtow ɛ!»

Markɩ 7:37

Nʋɔr tɩ ɓãá bɛ nɩ yaga bɛ yere: «Ʋ maal'ɩ a yele za vla. Ʋ ɩrɛ na a won wone, ɛ́ a wõw-takpalɛ ƴɛ̀rɛ.»

Matie 10:8

Nyɩ sanɛ a bàalbɛ, nyɩ sɩ̃wnɛ a kũuni, nyɩ ɩrɛ a kɔn bɛ lɛb vɩɛl, nyɩ diwr a kɔ̃tɔmɛ. Nyɩ páw nɩ mɔlɛ, nyɩ mɩ̀ tɩrɛ mɔlɛ.

Matie 9:30

Ɛ́ a bɛ mimie tɩ nyɛrɛ. Al pùorí, a Yeezu tɩ yel bɛ na lãwnɩ tanʋ za: «Nyɩ gù vla taa ɩrɛ nɩr za wa bãwnɩ a ɩ!»

Ɩzayi 66:2

A bome á ŋá za a, ɩ̃ nuru n'a maalɩ a, mãa so a, a mãa Sore, mãa n'ʋ yere. Ɛcɛ a ʋlɩ sob ɩ̃ na mɩ́ jɩ́rɛ a, ʋlɛ n'ɩ a bãbàal, a pʋ-sãwna sob, a sob nɛ ɩ̃ na mɩ́ ƴɛ̀r ʋ màwr a.

Ɩzayi 43:8

Bɛ ƴãw a nɩbɛ bɛ ŋa bɛ yi! Bɛ tɛr'ɩ mimie ɛ́ bɛ nyɛrɛ ɩ, bɛ tɛr'ɩ tobe ɛ́ bɛ wone ɩ.

Sɛb-sõw yielu 146:8

a Sore mɩ́ ɩ na a zɔn lɛb nyɛrɛ, a Sore mɩ́ nyɔw nɩ a bɛlɩ dem na bɛ tɛr fãw a, bɛ lɛb ìr, a Sore nɔnɛ nɩ a nɩ-mɩn.

Sɛb-sõw yielu 22:26

Sore e, a fʋ̃ʋ zũú n'a ɩ̃ na tʋ̃ɔ́ danɛ fʋ a lãw-kpɛ̃ɛ nɩbɛ pʋɔ. A nɛ́ɛ ɩ̃ na kõ kʋ̀ b a, ɩ̃ na ír a nɩ a bɛlɩ dem na ƴãwnɛ fʋ a niŋé.

2 Na-mɩnɛ 5:14

A lɛ n'a a Naaman tɩ siw a Zurdɛ̃ manɩ́, tɩ kpɛ mʋr a kʋ̃ɔmɩ́ gb'a ayopõi, mɛ̃ a lɛ a Elize na yel a. A ʋ ƴã-gan tɩ lɛb'a ɩ mɛ̃ bibi-cãpile ƴã-gan a, ʋʋ lɛb vɩɛl.

2 Na-mɩnɛ 5:7

A Ɩsɩrayɛl tẽw nãà na dɛ tɩ kanɩ a sɛb-tʋɔla baar'a, ʋ taw nɩ a ʋ kparɩ cɩɛrɩ ɛ́ yel: «Naaŋmɩn nɛ m na mɩ́ tʋ̃ɔ́ ɩ nɩr ʋ kpi bɩɩ ɩ ʋ lɛb vʋʋrɛ bɩɩ? A Siiri tẽw nãà n'ɩ ŋan tõ nɩr k'ɩ̃ɩ sanɩ a ʋ kɔnʋ! Nyɩ nyɛ̃ a na, nɔhaarʋ n'a ʋ bɔbr mɛ̃!»

Matie 5:3

«Zu-nʋ̃ɔ̀ dem n'ɩ a bɛlɩ dem na ɩ nan dem a bɛ pʋ-tɩɛrʋ pʋɔ a, bɛlɛ so a tẽ-vla Naalʋ.

Nɩ-toni 2:22

«Ɩsɩrayɛl biir i, nyɩ ƴãw tobr a ɩ̃ ƴɛ̀rʋ ƴãw: a Nazarɛtɩ tẽw Yeezu, a dɛb ŋa a Naaŋmɩn na de a yele, ɛ́ ƴãw k'ʋ maalɩ nɔ-ɓãa-yele a nyɩ sɔgɔ, lãwnɩ yel-bãw-guuri nɩ yele na ɩ bãwfʋ sãá a, mɛ̃ a lɛ nyɩɩm mɩŋa na bãw a,

Zakari 11:7

Lɛ n'a ɩ̃ tɩ ɩ a píir, a yɛ-yɛ-nyãnyuwr na tɩ waar na kʋ a, cɩ̃ɩnɛ. Ɩ̃ tɩ de nɩ pi-cɩ̃ɩn-da-kʋrɩ ayi. Ɩ̃ tɩ por'ɩ a dãw-niwn-sob “Báalʋ”, ɛ́ por a ayi sob “Lãw-taa”, ɛ́ kaarɛ a píir zie.

Eziptɩ tẽw yib 4:11

A Sore tɩ sɔw ʋ na: «Ãa n'ʋ ƴãw a nʋɔr a nɩsaal? Ãa n'ʋ mɩ́ ɩ ʋ bɛ ƴɛ̀rɛ bɩɩ bɛ wone? Ʋ nyɛrɛ bɩɩ zɔ̃w? A mãa Sore bɛ n'ʋ ɛ?

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

Matie 11:4

A Yeezu tɩ sɔw bɛ na: «Nyɩ cen tɩ manɩ a yele nyɩ na nyɛrɛ ɛ́ wone a, kʋ̀ a Zã:

Matie 12:13

Lɛ n'a a Yeezu tɩ yel a nũ-kũu sob ʋl: «Dɔl a nũu.» Ʋ tɩ dɔl'ɩ a nũu, ʋ lɛb kpɛmɛ mɛ̃ a nũu ŋa sob a.

Zã 9:7

ɛ́ yel: «Cen tɩ so kʋ̃ɔ a Silowe kʋ̃ɔ-puulu zie», a Silowe pɛr'ɩ «Nɩ-tona». A zɔ̃w tɩ cen na tɩ so a kʋ̃ɔ, ʋʋ na tɩ lɛb wa a, ʋ tɩ nyɛrɛ na.