Matie 11:29 - A SƐB-SÕW

²⁹ Nyɩ sàw de a ɩ̃ nɩ-kpɛ̃ɛnʋ a nyɩ zu, ɛ́ bɛr ɩ̃ wule nyɩ, ɩ̃ ɩ n soci-baalʋ sob nɩ su-siwra sob, ɛ́ nyɩ na nyɛ̃ nɩ a pɩ̃ɛnʋ.

Matie 11:29 Referans Kwoze

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

1 Zã 2:6

Sob nɛ na yel k'ʋʋ lãw nɩ nɩ a Naaŋmɩn a, a fɛr'a k'ʋʋ vʋʋrɛ mɛ̃ a lɛ a Yeezu na dãw vʋʋrɩ a.

Zã 13:15

Ɩ̃ ɩ na wul nyɩ, kɛ́ nyɩ mɩ̀ tʋ̃ɔ́ ɩrɛ mɛ̃ a lɛ ɩ̃ na ɩ a nyɩ zie a.

Matie 7:24

«A na ɩ à ŋá a, nɩr za na bɛrɛ wone a ƴɛ̀r-bie á ŋá ɩ̃ na ƴɛ̀r a ƴɛrɛŋa ɛ́ tuur a a, ʋ ŋmɛ̃ na taa nɩ yã-bãwnɛ na ŋmãa a ʋ yir kʋsɛ-pan zu a.

Ebre 5:9

Ʋʋ na wa páw a ʋ vɩɛlʋ za baar'a, ʋ lɩɛb'ɩ a faafʋ na be kʋralɛ a yib zie, a bɛlɩ dem za na sàwr a ʋ nʋɔr a ƴãw.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

Matie 28:20

ɛ́ zànɩ nɩ bɛ bɛ tuur a al za ɩ̃ na ƴãw nʋɔr kʋ̀ nyɩ a. Ɛ́ mãa a, ɩ̃ be n a nyɩ zie bibie za na tɩ ta n a tẽw baarʋ daar.»

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Filib 2:5

Nyɩ ɩrɛ à à ŋá a nyɩ cara pʋɔ, mɛ̃ a lɛ bɛ na mɩ́ ɩrɛ bɛlɛ wa lãw nɩ a Yeezu Kɩrɩta a.

Sɔr-nɛ́ɛ 12:3

Zɩ̃ k'aa Moyiir tɩ ɩ n nɩr na siwre ʋ tʋɔra yaga a, nɩr na siwre ʋ tʋɔra gãw nɩsaal za a tẽw zu a.

Matie 21:5

“Nyɩ yel a Sɩyɔ̃ tẽw dem: a nyɩ nãà n'ɩ ŋan waar a nyɩ zie, siwr ʋ tʋɔra zɔm bõw-nyãw, bõw-nyãw bile.”»

2 Korɛ̃tɩ 10:5

tɩ mɩ́ tʋ̃ɔ́ nɩ fãw za na zɛwr ʋ tʋɔra bɛ sàwr kɛ́ bɛ bãw a Naaŋmɩn a ɩ. Tɩ mɩ́ tʋ̃ɔ́ nɩ nɩsaal tɩɛrʋ za, a ɩ mɛ̃ gaso pʋɔ n'a tɩ nyɔw ʋ ƴãw a, kɛ́ tɩ ɩ ʋ sàwr a Kɩrɩta nʋɔr.

1 Tesalonikɩ 4:2

Bʋ̃ʋ n'ʋ vɛ̃, nyɩ bãw nɩ a wulu al a Sore Yeezu na ƴãw tɩ wul nyɩ a.

Zã 13:17

Nyɩ na bãw à à ŋá a, zu-nʋ̃ɔ̀ dem n'ɩ nyɩ nyɩmɛ wa tuur a.

Matie 17:5

Ʋ na tɩ cãà ƴɛ̀rɛ a, zũzuwr na nyɩwrɛ a, tɩ pili na pàw bɛ, ɛ́ kɔkɔr tɩ ƴɛ̀rɛ a zũzuwr pʋɔ yere: «A ɩ̃ Bi-nɔna n'ɩ à ŋà, ɩ̃ na pɛlɩ pʋɔ kaa ír a, nyɩ bɛrɛ wone a ʋ ƴɛ̀rʋ.»

2 Tesalonikɩ 1:8

Ʋ na wa n vũu-zɛlɛ pʋɔ, k'ʋʋ wa dɔwrɩ a bɛlɩ dem na bɛ bãw a Naaŋmɩn, ɛ́ bɛ tuur a tɩ Sore Yeezu Yel-nʋ̃ɔ̀ a.

1 Korɛ̃tɩ 9:21

A bɛlɩ dem na bɛ bãw a Moyiir wulu a zie a, ɩ̃ mɩ́ ɩrɛ na mɛ̃ a bɛl a, k'ɩ̃ɩ páw a bɛlɩ dem na bɛ bãw a Moyiir wulu a. Ɛcɛ ɩ̃ bɛ ɩ nɩr na bɛ bãw a Naaŋmɩn wulu a ɩ, Kɩrɩta na n'ʋ ɩ a ɩ̃ wulu a ƴãw.

Nɩ-toni 7:37

Ʋlɛ n'ʋ tɩ cãà yel a Ɩsɩrayɛl nɩbɛ: “Naaŋmɩn na ɩ na ƴɛ̀r-manɛ na ŋmɛ̃ mɛ̃ a mãa a, ʋ yi a nyɩ pʋɔ a nyɩ ƴãw.”

Luka 8:35

A nɩbɛ tɩ yi na kɛ́ bɛ wa nyɛ̃ a lɛ a yele na ɩ a. Bɛ tɩ ta n a Yeezu zie nyɛ̃ a dɛb ʋl pʋɔ a kɔ̃tɔmɛ na tɩ yi a, ʋ zɩ̃ a Yeezu gbɛ́ɛ pile, su bome ɛ́ lɛb bãw yã. Pʋ̀lá tɩ vʋ̃ɔ bɛ na.

Sɛb-sõw yielu 131:1

Zerizalɛm dob daar yielu. Daviir so ʋ. Sore e, ɩ̃ bɛ mɩ́ tɩɛrɛ kɛ́ mãa mɩ̀ n'ʋ ɛ, ɩ̃ bɛ mɩ́ jɩ́rɛ a nɩbɛ mɛ̃ ɩ̃ zuo bɛ na a ɩ. Ɩ̃ bɛ mɩ́ tuur yel-bɛrɛ pùor nɩ nɔ-ɓãa-yele na gãw mɛ̃ a ɩ.

Sɛb-sõw yielu 116:7

A fɛr'a k'ɩ̃ɩ ɓãá ɩ̃ mɩŋa, a Sore na maalɩ mɛ̃ vla a ƴãw.

Zʋkpaɩ 3:17

Ʋ mɩ́ tɛr ʋ na lo n sɛ́ɛ na vɩɛl a, ʋ cere ɛ́ bɛ bãw damnʋ ɛ.

Ɩzayi 28:12

Ɛcɛ ʋ nɩ̃ɛ na tɩ yel bɛ à ŋá: «A ka a, nyɩ na nyɛ̃ nɩ pɩ̃ɛnʋ. Nyɩ bɛr a sob nɛ na bàl a ʋ pɩ̃ɛnɩ. Zie na ɩ zoom a n'ɩ a zie ŋa.» Ɛcɛ bɛ bɛ sàw bɛr wõ ɩ.

Ɩzayi 29:19

A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie, ɛ́ a bɛl na ɩ nan dem zuo za a nɩsaalbɛ pʋɔ a, cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.

2 Bibie za yel-manɩ 10:11

A ɩ̃ sãà tuo nyɩ nɩ tuor na tɩbrɛ a, mãa na tuo nyɩ nɩ tuor na tɩbrɛ zuo lɛ a. A ɩ̃ sãà fɔb'ɩ nyɩ nɩ fʋb-zawlɛ kpãà nyɩ, mãa na fɔb'ɩ nyɩ nɩ fʋbr na tɛr kure a kpãà nyɩ.”»