Matie 10:26 - A SƐB-SÕW

²⁶ «A na ɩ lɛ a, nyɩ ta zɔrɛ nɩr kãw za ɩ. Bom za bɛ be be sɔwlɩ kʋ̃ʋ wa sãá ɩ, ɛ́ yel-sɔwla za bɛ be be bɛ kʋ̃ʋ wa bãw ɛ.

Matie 10:26 Referans Kwoze

Luka 8:17

Yel za bɛ be be sɔwlɩ kʋ̃ʋ wa yi ɛ, bom za bɛ be be sɔwlɩ bɛ kʋ̃ʋ wa bãw ɛ, ʋʋ yi sãá cãàmɩ́ ɛ.

Zeremi 1:8

Taa wa zɔrɛ nɩr za dɛ̃bɩ̃ɛ ɩ. Bʋ̃ʋ n'ʋ vɛ̃, ɩ̃ be n a fʋ zie a fʋ faafʋ ƴãw.» À à ŋá n'a a Sore ƴɛ̀r a ɩ̃ zie.

Markɩ 4:22

Yel-sɔwla za bɛ ka be bɛ kʋ̃ʋ wa bãw ɛ, ɛ́ bom za bɛ be be sɔwlɩ kʋ̃ʋ wa yi cãàmɩ́ ɛ.

1 Korɛ̃tɩ 4:5

A na ɩ lɛ a, nyɩ ta de niwn maalɛ a ƴɛ̀rʋ ɛ́ a daar bɛ ta sɛr ɛ, ɛ́ a Sore waa bɛ ta sɛr ɛ. Ʋlɛ n'ʋ na caalɩ bom za na sɔwlɩ be lige pʋɔ a, ɛ́ ɩ a nɩsaalbɛ yel-sɔwlɩ a sãá. Lɛ n'a ŋa na mɩ́ páw a danʋ na sɛw taa nɩ ʋ a, a Naaŋmɩn zie.

Matie 10:28

Nyɩ ta zɔrɛ a bɛlɩ dem na mɩ́ tʋ̃ɔ́ kʋ a ƴã-gan yõ ɛ́ kʋ̃ tʋ̃ɔ́ a sɩ́ɛ kʋ a ɩ, ɛcɛ nyɩ nɩ̃ɛ zɔrɛ a Naaŋmɩn na na tʋ̃ɔ́ kʋ a ƴã-gan nɩ a sɩ́ɛ za a tẽ-faa pʋɔ a.

Ɩzayi 41:10

Ta zɔrɛ dɛ̃bɩ̃ɛ ɩ, ɩ̃ be n a fʋ zie. Ta ɩ dɛ̃bɩ̃ɛ sãá a fʋ jɩ́rʋ pʋɔ ɩ. Bʋ̃ʋ n'ʋ vɛ̃, a fʋ Naaŋmɩn a, mãa n'ʋ. Ɩ̃ ɩrɛ na fʋ kpɛmɛ, ɩ̃ waar'ɩ a fʋ sõwfʋ, ɩ̃ɩ gùre fʋ na nɩ a ɩ̃ nũu na kpɛmɛ ɛ́ mɩ́ zɛb tʋ̃ɔ́ a.

Ɩzayi 41:14

Ta zɔrɛ dɛ̃bɩ̃ɛ ɩ, Zakɔb i, fʋ̃ʋ zãzul-cãpile e, fʋ̃ʋ Ɩsɩrayɛl na cɛ bɛ tɛr fãw a. A Sore yere na: Ɩ̃ waar'ɩ a fʋ sõwfʋ. A sob nɛ na yarɛ dier fʋ a, mãa n'ʋ, a Ɩsɩrayɛl Naaŋmɩn na ɩ sõw a.

Zʋkpaɩ 28:1

A nɩ-faa mɩ́ zɔrɛ na, nɩr za saa bɛ diwr ʋ a, ɛcɛ a nɩ-mɩŋa mɩ́ bɛr'ɩ tɩ́ɛrʋ mɛ̃ gbẽw-pɔl a.

1 Pɩɛr 3:14

Ɛcɛ nyɩmɛ saa na nyɛrɛ dɔwrʋ a mɩnʋ zũú a, zu-nʋ̃ɔ̀ dem n'ɩ nyɩ. Nyɩ ta zɔrɛ a nɩbɛ towtow ɛ, ɛ́ ta tɛr dɛ̃bɩ̃ɛ kãw za ɩ.

Ezekɩɛl 2:6

Ɛ́ a fʋ̃ʋ a, nɩsaal bie e, ta zɔrɛ bɛ, ɛ́ ta zɔrɛ a bɛ ƴɛ̀rʋ ɛ. Bɛ na mɩ́ ŋmɛ n a fʋ ƴɛ̀rʋ lɔb, ɛ́ a ɩ mɛ̃ gʋʋr na viiri koli fʋ ɛ́ fʋ zɩ̃ nan zu a. Ɛcɛ ta zɔrɛ a bɛ ƴɛ̀rʋ ɛ́ ta màwr a bɛ niŋé ɩ, bʋ̃ʋ n'ʋ vɛ̃, nɩsaal-gaarɩ nɛbɛ.

Zʋkpaɩ 29:25

Sob nɛ na zɔrɛ a ʋ taabɛ a mɩ́ lo n bɛra pʋɔ, ɛcɛ sob nɛ na mɩ́ ƴãw a ʋ tɩ́ɛrʋ a Sore ƴãw a bɛ mɩ́ bãw damnʋ ɛ.

Nɩ-toni 4:19

Ɛcɛ a Pɩɛr nɩ a Zã tɩ sɔw bɛ na: «Abobe sob'a sɛw a Naaŋmɩn zie: tɩ sàwr a nyɩ nʋɔr bɩɩ tɩ sàwr a Naaŋmɩn nʋɔr? Nyɩmɛ so na bãw!

Nɩ-toni 1:8

Ɛcɛ a Vʋʋrʋ Sõw na siw nɩ a nyɩ zu, kʋ̀ nyɩ fãw, ɛ́ nyɩ na ɩ n ɩ̃ dãsɩɛ nɩbɛ a Zerizalɛm, a Zude nɩ a Samaari ten za pʋɔ, tɩ tɔ n a tẽw baarʋ ziir za.»

Nɩ-toni 4:13

Nɔ-ɓãan tɩ nyɔw nɩ a Zifʋ mɩnɛ ƴɛ̀rʋ-dɩb-lãw nɩbɛ. Bɛ tɩ nyɛ̃ na kɛ́ a Pɩɛr nɩ a Zã ƴɛ̀rɛ na bɛ zɔrɛ nɩ bom za ɩ, ɛ́ ɩ nɩ-zawlɛ na bɛ bãw sɛbɛ a. Bɛ tɩ nyɛ̃ na bãw bɛ ɩ a Yeezu po-tuurbɛ.

Luka 24:47

ɛ́ bɛ na tĩ nɩ a Zerizalɛm ɛ́ hieri yel a ɩb-lɩɛbʋ yele kʋ̀ a nɩ-bʋʋrɛ za, a ʋ yúor ƴãw, bɛ tʋ̃ɔ́ páw a bɛ yel-bebe suur.”

Zʋkpaɩ 10:9

Nɩr a ɩb na tori a mɩ́ vʋʋrɛ na bɛ bãw damnʋ ɛ, ɛcɛ nɩr na tɛr ɩ-gõlõgõlõ a na nyɛ̃ nɩ dɔwrʋ.

Ekilezɩasɩ 12:14

Bʋ̃ʋ n'ʋ vɛ̃, Naaŋmɩn na sowr'ɩ a tɩ ɩ-ɩrɩ za pɛr, a na vɩɛl bɩɩ kpɛ faa, alɛ saa sɔwlɩ a.