Markɩ 9:23 - A SƐB-SÕW

²³ A Yeezu lɛb yel ʋ: «Fʋ̃ʋ na na tʋ̃ɔ́ a yaa? Sob nɛ na tɛr naaŋmɩn-sàw-deb a, bom za mɩ́ tʋ̃ɔ́ nɩ a ʋ zie.»

Markɩ 9:23 Referans Kwoze

Zã 11:40

A Yeezu lɛb yel ʋ: «Ɩ̃ bɛ tʋ̃ɔ́ yel kʋ̀ b, kɛ́ fʋ̃ʋ wa sàw de a, fʋ na nyɛ̃ nɩ a Naaŋmɩn yúor-vɩɛlʋ-danʋ ɛ?»

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Markɩ 11:23

Yel-mɩŋa sɩza n'a ɩ̃ yere kʋ̀rɛ nyɩ, nɩr wa yel a tãw ŋa: “Ìr a ka cen tɩ lo kʋ̃ɔ-kpɛ̃ɛ pʋɔ”, ɛ́ bɛ bʋ́nɛ a ʋ tɩɛrʋ pʋɔ, ɛ́ sàw de nɩ ʋ pʋɔ za k'aa na tu n a lɛ a, ʋ na nyɛ̃ na a tu a lɛ a ʋ zie.

Matie 17:20

Ʋ tɩ sɔw bɛ na: «A nyɩ naaŋmɩn-sàw-deb na dɩ nã́w a n'a so. Yel-mɩŋa sɩza ɩ̃ yere na kʋ̀rɛ nyɩ, a nyɩ naaŋmɩn-sàw-deb tɩ bɛrmɛ mɛ̃ seneve bir a, nyɩ nãá mɩ́ yel'ɩ a tãw ŋa: “Ìr a ka ɛ́ cen ka”, ʋʋ nãá mɩ́ cen na, ɛ́ nyɩ kʋ̃ʋ mɩ́ ɩ bom za gu ɛ. [

2 Bibie za yel-manɩ 20:20

A bio daarɩ́ biɓaar-pipi, bɛ za tɩ ìr'a lo a Tekowa wɛja-kpalɛ sɔ́r. Bɛ na na tɩ yi lo a sɔ́r a, a Zozafatɩ tɩ yel bɛ na: «Zuda nɩbɛ nɩ Zerizalɛm nɩbɛ ɛ, nyɩ bɛr wõ a ɩ̃ ƴɛ̀rʋ! Nyɩ ƴãw a nyɩ tɩɛrʋ za a Sore nyɩ Naaŋmɩn ƴãw, ɛ́ nɩr kʋ̃ tʋ̃ɔ́ nyɩ ɛ. Nyɩ ƴãw a nyɩ tɩɛrʋ a ʋ ƴɛ̀r-manbɛ ƴãw, ɛ́ nyɩ na zɛb'a tʋ̃ɔ́!»

Luka 17:6

A Sore tɩ sɔw na: «Nyɩmɛ tɩ ɩ mɛ̃ nyɩ tɛr'ɩ a naaŋmɩn-sàw-deb ʋ bɛrmɛ mɛ̃ seneve bir a, nyɩ nãá tɩ yel'ɩ a sɩkomɔɔr tɩɛ ŋa na àr a: “Vʋ̃ɔ tɩ bà a kʋ̃ɔ-kpɛ̃ɛ pʋɔ”, ʋʋ nãá sàw nɩ a nyɩ nʋɔr.»

Nɩ-toni 14:9

Ʋ tɩ bɛrɛ na wone a Pol ƴɛ̀rʋ. A Pol tɩ jɩ́r ʋ nɩ gbẽgbẽ, ɛ́ nyɛ̃ ʋ tɛr a naaŋmɩn-sàwfʋ a na tʋ̃ɔ́ faa ʋ.

Markɩ 9:22

Gb'aa yaga za, a kɔ̃tɔn tɩ ɓáw ʋ na lɔb ƴãw vũumí bɩɩ kʋ̃ɔmɩ́ k'ʋʋ kʋ ʋ. Fʋ̃ʋ na na tʋ̃ɔ́ ɩ ɩb kãw a, fʋ̃ʋ zɔ tɩ nɩbaalʋ ɛ́ sõw tɩ!»

Markɩ 9:24

Daadaalɛ, a bie sãà ŋmɛ cɛl yel: «Ɩ̃ sàw na de! Ɛcɛ sõw mɛ̃ ɩ̃ na bɛ tʋɔr sàwr dier vla a!»

Matie 14:29

A Yeezu sɔw yel ʋ: «Wa.» A Pɩɛr tɩ yi n a gbor pʋɔ cere a kʋ̃ɔ zu a Yeezu zie.