Malasɩ 2:8 - A SƐB-SÕW

⁸ Ɛcɛ, a nyɩɩm bàwr-maalbɛ, nyɩ nɩ̃ɛ na bɛr a sɔ́r. A nyɩ wulu tuli nɩ nɩ-yaga, nyɩ sãw nɩ mãa nɩ a levitɩ mɩnɛ wõ-taa bɛr, mãa n'ʋ yere, a mãa Sore Kpɛnʋ-za-sob.

Malasɩ 2:8 Referans Kwoze

Neemi 13:29

«Ɩ̃ Naaŋmɩn i, taa yiire towtow a vĩ bɛ na ƴãw a bàwr-maalbɛ tõ-nʋɔr a ɩ, nɩ a wõ-taa fʋ na maal'ɩ a bàwr-maalbɛ nɩ a levitɩ mɩnɛ a ɩ.»

Zeremi 18:15

Ɛcɛ a ɩ̃ nɩ-bʋʋrɛ yiiri mɛ̃ na bɛr. Bɛ maalɛ nɩ bagɛ kʋ̀rɛ ŋmɩmɛ na bɛ ɩ ŋmɩmɛ a. A ŋmɩmɛ á ŋá ƴãw na bɛ ŋmɩɛr gbɛ́ɛ a sɔ́r zu. A ƴãw na bɛ bɛr a sɔ́r bɛ na tuur a koro za a, ɛ́ cere sɔrle na bɛ puo a zu.

Malasɩ 2:5

A ɩ̃ wõ-taa a bɛ zie tɩ ɩ n nyɔ-vʋʋrʋ nɩ ƴã-ɓaarʋ ɩ̃ na kʋ̀ bɛ a, kɛ́ bɛ zɔrɛ mɛ̃, ɛ́ bɛ zɔ m'a. Bɛ tɩ tɛr'ɩ mawfʋ a ɩ̃ niŋé.

Ezekɩɛl 44:10

«A levitɩ mɩnɛ taw na zãá nɩ mɛ̃ a lɛn daar a Ɩsɩrayɛl nɩbɛ na tɩ lo sɔr-faa ɛ́ jɛ m bɛr a bɛ ŋmɩn-bɛlɛbɛlɛ tub ƴãw a. À à ŋá a, bɛlɛ so a bɛ sãwna.

Zeremi 17:5

À ŋá n'a a Sore yere: «Ŋmɛ-ƴãw, a páw a sob nɛ na ƴãw a ʋ tɩɛrʋ a nɩsaal ƴãw a, na bɔbr a ʋ fãw a nɩsaal bʋ̃-tɛrɩ pʋɔ, ɛ́ a ʋ socir zãá nɩ mɛ̃ a!

Ɩzayi 30:11

Nyɩ bɛr a sɔr-vla, nyɩ zãá nɩ a soli-vla. Nyɩ ta cãà ƴɛ̀rɛ a Ɩsɩrayɛl Naaŋmɩn na ɩ sõw a ƴɛ̀rʋ a tɩ zie ɩ!»

1 Samɩɛl 2:17

À ŋá n'a a Eli bidɛbr yel-bier tɩ ɩ kpɛ̃ɛ bɛ tɛr tɛwr ɛ, a Sore niŋé, bʋ̃ʋ n'ʋ vɛ̃, bɛ bɛ tɩ ƴãwnɛ a bàwr de-kʋ̀b bome a nɩbɛ na tɩ kʋ̀rɛ a Sore a ɩ.

Ebre 3:12

Yɛbr i, nyɩ gù vla k'aa nyɩ kãw za taa wa tɛr soci-faa na bɛ sàw de a, ʋ wa bʋ́r ʋlɛ nɩ a Naaŋmɩn na vʋʋrɛ a ɩ.

Ʋrɔm 14:21

A ʋlɩ bom nɛ na vɩɛl a, ʋlɛ n'ɩ ta 'wɔb nɛn, ta nyũ dãa, ʋlɛ n'ɩ a bɛr bom za na na tʋ̃ɔ́ ɩ a fʋ yɛb ʋ lo a.

Ɩzayi 59:13

Sore e, tɩ zawr'ɩ a fʋ nʋɔr, tɩ mɩl fʋ na, tɩ zawr'ɩ a fʋ tub, a fʋ̃ʋ tɩ Naaŋmɩn. A tɩ taabɛ dɔwrʋ nɩ gaarʋ tɛwr ƴɛ̀rʋ n'a tɩ tɛr. A tɩ socie nɩ a tɩ zuru paal'ɩ ziri tɛwr.

Ɩzayi 9:16

Alɛ n'a so a Sore pʋɔ bɛ pɛlɩ a bɛ pɔlbili ƴãw ɛ, ʋ bɛ zɔrɛ a bɛ bi-kpebe nɩ a bɛ pɔw-kɔbɛ nɩbaalʋ ɛ. Bʋ̃ʋ n'ʋ vɛ̃, nɩ-faar'ɩ bɛ za na ɩrɛ ɩ-faar a. A alɩ bome nɛ bɛ na mɩ́ yere a faa tɔ. Ɛcɛ a na saa ɩ à à ŋá a, a Sore suur cãà bɛ ɓãa ɩ, a ʋ nũu cãà na zɛw.

Sɛb-sõw yielu 119:102

Ɩ̃ bɛ zawrɩ a lɛ fʋ na dɩ a ƴɛ̀rʋ bin a ɩ, fʋ̃ʋ na n'ʋ wule mɛ̃ a ƴãw.

Sɛb-sõw yielu 18:21

A Sore ɩrɛ nɩ à ŋá a ɩ̃ zie, a ɩ̃ mɩnʋ zũú, ʋ ɩrɛ mɛ̃ nɩ à ŋá, a ɩ̃ nuru tõ-vɩɛlɩ ƴãw.

1 Samɩɛl 2:30

A na ɩ à ŋá a, a mãa Sore, a Ɩsɩrayɛl Naaŋmɩn, à ŋá n'a ɩ̃ yere kʋ̀rɛ fʋ: ɩ̃ tɩ yel'a k'aa fʋ yir nɩbɛ nɩ a fʋ dɔwlʋ nɩbɛ mɔ̃ mɩ̀ na ɩ n a ɩ̃ bàwr-maalbɛ kʋralɛ. Ɛcɛ ƴɛrɛŋa a, mãa n'ʋ yere: lɛ bɛ cãà n'a ɩ. Bʋ̃ʋ n'ʋ vɛ̃, ɩ̃ ƴãwnɛ nɩ bɛlɩ dem na ƴãwnɛ mɛ̃ a, ɛ́ bɛlɩ dem na bɛ ƴãwnɛ mɛ̃ a, bɛ mɩ̀ kʋ̃ nyɛ̃ ƴãwfʋ ɛ.

1 Samɩɛl 2:24

Ɩ̃ bibiir i, nyɩ ta cãà ɩrɛ a lɛ ɩ! A nyɩ ƴɛ̀rʋ a Naaŋmɩn nɩ-bʋʋrɛ na ƴɛ̀rɛ ɩ̃ wone a, a bɛ maal'ɩ wob ɛ!

Levitɩ mɩnɛ 21:15

à ŋá n'a ʋ kʋ̃ ƴãw zawlɛ kpɛ a ʋ yir pʋɔ ɩ, mãa n'ɩ a Sore na maal'ʋ ʋ be a ɩ̃ tome tob ƴãw a.»

Zeremi 17:13

Sore e, a Ɩsɩrayɛl ƴãw nɩ a ʋ tɩɛrʋ a fʋ ƴãw. Vĩ, a nyɔw a bɛlɩ dem na zawrɛ fʋ bɛrɛ a! A bɛlɩ dem na zãánɛ nɩ fʋ a, bɛ ɩ mɛ̃ yée na sɛb tanɛ pʋɔ a! Bʋ̃ʋ n'ʋ vɛ̃, bɛ zawrɩ fʋ na bɛr, Sore e, fʋ̃ʋ na ɩ a bul-nʋɔr na tɩrɛ a nyɔ-vʋʋrʋ a.

Sɔr-nɛ́ɛ 25:12

A lɛ pʋɔ a, tɩ yel kʋ̀ ʋ k'ɩ̃ɩ maalɛ nɩ ʋ nɩ wõ-taa na waar'ɩ ƴã-ɓaarʋ a.

Sɔr-nɛ́ɛ 25:13

A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

2 Na-mɩnɛ 16:11

A Uriya tɩ mɛ n bàwr-maal-kuur-paala, tu n a lɛ tɔr za a Akaazɩ na tɩ manɩ wul tɩr a. Ʋ tɩ mɛ ʋ na baarɩ, ɛ́ a Akaazɩ bɛ yi a Damasɩ wa sɛr ɛ.

Zʋkpaɩ 12:8

Nɩr na tɛr yã a n'ʋ bɛ mɩ́ danɛ, ɛ́ ɩrɛ sob nɛ a tɩ́ɛrʋ na bɛ tori a laar.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Ezekɩɛl 44:7

A lɛn daar nyɩ na tɩ kʋ̀rɛ mɛ̃ a ɩ̃ dɩb, a bàwr nɛn-kãá nɩ a zɩ̃ɩ a, nyɩ mɩ́ tɩ ɩ n sãan-yɔ-ɓile na bɛ sàwr a ɩ̃ nɛ́ɛ a, bɛ kpɛ a ɩ̃ zi-sõw pʋɔ. À à ŋá a, nyɩ ɩ n a ɩ̃ yir la. A nyɩ ɩb za na bɛ maal'ɩ wob a zũú, nyɩ sãw nɩ a wõ-taa na tɩ lãw tɩ taa a bɛr.

Ezekɩɛl 44:12

A lɛn daar a Ɩsɩrayɛl nɩbɛ na tɩ tuur a ŋmɩn-bɛlɛbɛlɛ a, a levitɩ mɩnɛ tɩ sõw bɛ na ɛ́ tɩ ɩ a Ɩsɩrayɛl nɩbɛ lo yel-bier pʋɔ. Alɛ n'a so a mãa Sore Naaŋmɩn yere à ŋá: Ɩ̃ na ìr'ɩ a bɛ ƴãw, ɛ́ bɛlɛ na so a bɛ sãwna.

Malasɩ 1:6

A mãa, a Sore Kpɛnʋ-za-sob, ɩ̃ yere nɩ à ŋá kʋ̀rɛ a bàwr-maalbɛ: «Bie mɩ́ ƴãwnɛ nɩ ʋ sãà, ɛ́ tõ-tõ-bie ƴãwnɛ a ʋ nɩ-kpɛ̃ɛ. Ɛcɛ, mãa wa ɩ sãà a, a ƴãwfʋ wa nyɩ na ƴãwnɛ mɛ̃ a? Ɛ́ mãa wa ɩ nɩ-kpɛ̃ɛ a, a ƴãwfʋ a na fɛr kɛ́ nyɩ ƴãwnɛ mɛ̃ a, ʋ wa? Nyɩ bɛ bʋɔlɛ mɛ̃ nɩr ɛ, ɛ́ yere: “Nyɩn lowr'a tɩ bɛ bʋɔlɩ fʋ nɩr?”