Malasɩ 2:7 - A SƐB-SÕW

⁷ Bʋ̃ʋ n'ʋ vɛ̃, a bàwr-maalɛ tõ-nʋɔr'ɩ k'ʋʋ wule a nɩbɛ bɛ bãw a Naaŋmɩn, ʋlɛ n'ʋ a nɩbɛ mɩ́ sowri bãw a Wulu, ʋ na ɩ a Sore kpɛnʋ-za-sob nɩ-tona a ƴãw.

Malasɩ 2:7 Referans Kwoze

Levitɩ mɩnɛ 10:11

bɩɩ mɩ́ tʋ̃ɔ́ wul a Ɩsɩrayɛl nɩbɛ a nɛ́ɛ ɩ̃ na ƴãw a Moyiir kʋ̀ bɛ a.»

Wulu-ayi-sob 21:5

A bàwr-maalbɛ na ɩ a Levi dɔwlʋ nɩbɛ a na taw na ta a lɛn daar. Bʋ̃ʋ n'ʋ vɛ̃, bɛlɛ nɛbɛ a Sore nyɩ Naaŋmɩn kaa ír kɛ́ bɛ tone a ʋ tome, ɛ́ mɩ́ ƴɛ̀r a nɔ-vla a ʋ yúor ƴãw. Bɛlɛ nɛbɛ a fɛr kɛ́ bɛ mɩ́ yel a lɛ na be be a càar'ɩ a zɛbr nɩ a pɔb-taa ƴãw-taa bàalʋ.

2 Korɛ̃tɩ 5:20

A na ɩ à ŋá a, a Kɩrɩta n'ʋ tõ n tɩ a tõ-nʋɔr ŋa a nyɩ zie, ɛ́ a ɩ mɛ̃ a Naaŋmɩn mɩŋa n'ʋ yere kʋ̀rɛ nyɩ nɩ a tɩ nʋɔr a: tɩ zɛlɛ nyɩ nɩ yãayãa, a Kɩrɩta yúor ƴãw, nyɩ sàw kɛ̀ nyɩɩm nɩ a Naaŋmɩn lɛb kpɛ taa.

1 Tesalonikɩ 4:8

Lɛ so, sob nɛ na zawrɛ a wulu á ŋá bɛrɛ a, nɩsaal bɛ n'ʋ ʋ zawrɛ bɛrɛ ɩ, a Naaŋmɩn na kʋ̀rɛ nyɩ a Vʋʋrʋ Sõw a n'ʋ.

Nɩ-toni 16:17

Ʋ tɩ ta na tu tɩɩm nɩ a Pol, ɛ́ ŋmɩɛr cɛlsɩ yere nɩ: «Naaŋmɩn-na-do-saa-bɛ-pɩɛl-a tõ-tõ-biir'ɩ a nɩbɛ bɛ ŋa, a faafʋ sɔr'ʋ bɛ hiere kʋ̀rɛ nyɩ.»

Ɛsɩdɩrasɩ 7:10

Bʋ̃ʋ n'ʋ vɛ̃, a Ɛsɩdɩrasɩ tɩ zanɛ nɩ a Sore wulu nɩ a ʋ pʋɔ za, ɛ́ tuur ʋ, ɛ́ zanɛ nɩ a Ɩsɩrayɛl nɩbɛ a wulu ŋa nɛ-ƴãwnɩ nɩ a ʋ tub a na fɛr kɛ́ bɛ tuur a.

2 Bibie za yel-manɩ 30:22

A Ezekɩasɩ ƴɛ̀r-bie tɩ tɔ n a levitɩ mɩnɛ bɛl za na tɩ tɛr tɩɛr-vɩɛlɩ a Sore ƴãw a. Bɛ tɩ cow nɩ a cuw bibie ayopõi, maalɛ nɩ ƴã-ɓaarʋ bàwr ɛ́ danɛ a Sore, a bɛ sãà mɩnɛ Naaŋmɩn.

Zã 20:21

Ʋ tɩ lɛb'a maal yel bɛ: «A ƴã-ɓaarʋ, ʋ be a nyɩ zie! Mɛ̃ a lɛ a ɩ̃ Sãà na tõ m a, lɛ n'a ɩ̃ mɩ̀ tone nyɩ.»

Zã 13:20

Yel-mɩŋa sɩza sɩza n'a ɩ̃ yere kʋ̀rɛ nyɩ, nɩr na sàwr dier a sob nɛ ɩ̃ na tõ a, mãa tɔr za n'ʋ ʋ sàwr dier, ɛ́ nɩr na dier mɛ̃ a, ʋ mɩ̀ sàw na dier a sob nɛ na tõ m a.»

Malasɩ 3:1

«À ŋá n'a a Sore, a kpɛnʋ-za-sob, sɔwr nyɩ: “Ɩ̃ tone nɩ a ɩ̃ nɩ-tona k'ʋʋ tɩ puo a sɔ́r bɛr mɛ̃. Bɛ nãà wa bere na, a Sore nyɩ na bɔbr a, kpɛ a ʋ yir-kpɛ̃ɛ pʋɔ. A wõ-taa nɩ-tona nyɩ na gùre a, ʋlɛ n'ɩ ŋan waar.”

A naaŋmɩn-ƴɛ̀r-manɛ Aaze sɛbɛ 1:13

Al pùorí, a Sore nɩ-tona Aze tɩ yel'ɩ yel ŋa kʋ̀ a nɩbɛ: «Mãa n'ʋ yere kʋ̀rɛ nyɩ, a mãa Sore, ɩ̃ na be n a nyɩ zie.»

Zeremi 18:18

A dɔ̃ dem bɛ mɩnɛ tɩ yel'a: «Nyɩ wa tɩ wa cɔbrɩ cɔbrʋ a Zeremi ƴãw. Tɩ na cãà na páwr a Naaŋmɩn wulu a bàwr-maalbɛ zie, a yã a yã-bãwnbɛ zie, a Naaŋmɩn ƴɛ̀rʋ a ʋ ƴɛ̀r-manbɛ zie. Nyɩ wa tɩ ƴɛ̀r sãw a ʋ yúor, tɩ ta cɛlɛ a ʋ ƴɛ̀rʋ kãw za ƴãw ɛ.»

Zeremi 15:19

Nyɛ̃ a lɛ a Sore na ƴɛ̀rɛ a ɩ̃ zie a: «Fʋ̃ʋ wa lɛb wa a ɩ̃ zie a, ɩ̃ na lɛb'a de fʋ a ɩ̃ tome ƴãw. Fʋ̃ʋ wa gù kɛ́ fʋ mɩ́ ƴɛ̀r ƴɛ̀r-sɩza ɛ́ bɛr a ƴɛ̀r-fowle a, fʋ na lɛb'a ɩ a sob nɛ na ƴɛ̀rɛ a ɩ̃ yúor ƴãw a. A Zuda nɩbɛ nɛbɛ sɛw kɛ́ bɛ lɛb wa a fʋ zie, fʋ̃ʋ bɛ n'ʋ sɛw kɛ́ fʋ lɛb wa a bɛ zie ɩ.

Ɩzayi 44:26

Ɛcɛ ɩ̃ mɩ́ ɩ n a ɩ̃ tõ-tõ-bie ƴɛ̀rʋ tu, ɛ́ ɩ a lɛ a ɩ̃ nɩ-toni na yel a maalɩ. Ɩ̃ yere nɩ a Zerizalɛm ƴãw: “Nɩbɛ na lɛb'a kpɛ ʋ, bɛ na lɛb a libri a ʋ deboru”. Ɩ̃ yere nɩ a Zuda tẽ-bɛrɛ ƴãw: “Bɛ na lɛb'a mɛ a”.

Wulu-ayi-sob 24:8

Nyɩ maal ɩrɛ a kɔnʋ bàal-pɛ-bʋʋrɛ ƴãw: nyɩ cɛlɛ be tuur a lɛ za a levitɩ mɩnɛ bɛl na ɩ bàwr-maalbɛ a na na wule nyɩ a vla. Nyɩ sàwr a nɛ-ƴãwnɩ ɩ̃ na kʋ̀ bɛ a.

Galasi 4:14

A ɩ̃ ƴã-gã-bàal nyɛ́b tɩ ɩ n kpɩɛrʋ a nyɩ zie, ɛcɛ nyɩ bɛ jewri mɛ̃ ɩ, bɛ pĩ m ɛ, nyɩ nɩ̃ɛ na tɩ de m mɛ̃ Naaŋmɩn malkɩ bɩɩ a Kɩrɩta Yeezu tɔr za a.

Ɩzayi 42:19

Ãa n'ʋ ɩ zɔ̃w a bɛ ɩ a ɩ̃ tõ-tõ-bie? Ɛ́ ãa n'ʋ ɩ wõw mɛ̃ a nɩ-tona ɩ̃ na tone a? — Sɩza, ãa n'ʋ ɩ zɔ̃w mɛ̃ a Sore nɩ-bʋʋrɛ a? Ãa n'ʋ ɩ wõw mɛ̃ a Sore tõ-tõ-bie a?

Sɔr-nɛ́ɛ 27:21

Ɛcɛ a ʋl mɩŋa na mɩ́ páw nɩ a bàwr-maalɛ Eleazaar: a bàwr-maalɛ n'ʋ na mɩ́ sowri mɛ̃ nɩ a kpan-bie kʋ̀ ʋ. A Zozue nɩ a lãw za na sàwr'ɩ a ʋ nɛ́ɛ a yele za pʋɔ.»

1 Samɩɛl 2:17

À ŋá n'a a Eli bidɛbr yel-bier tɩ ɩ kpɛ̃ɛ bɛ tɛr tɛwr ɛ, a Sore niŋé, bʋ̃ʋ n'ʋ vɛ̃, bɛ bɛ tɩ ƴãwnɛ a bàwr de-kʋ̀b bome a nɩbɛ na tɩ kʋ̀rɛ a Sore a ɩ.

2 Bibie za yel-manɩ 31:4

Al pùorí, ʋ tɩ yel'ɩ a Zerizalɛm nɩbɛ kɛ́ bɛ kʋ̀ a bàwr-maalbɛ nɩ a levitɩ mɩnɛ bom nɛ za a na fɛr kɛ́ bɛ kʋ̀ bɛ a, lɛ n'a bɛ na tuur a Sore Wulu.

Ɛsɩdɩrasɩ 7:25

Ɛ́ a fʋ̃ʋ Ɛsɩdɩrasɩ a, ƴãw ƴɛ̀r-dɩrbɛ nɩ nɩ-bɛrɛ tu n a Naaŋmɩn wulu yã-bãwfʋ na be a sɛbɛ fʋ na tɛr cere nɩ a pʋɔ a. Bɛ mɩ́ dɩ a ƴɛ̀rʋ kʋ̀ a bɛlɩ dem za na bãw a Naaŋmɩn nɛ́ɛ a Efaratɩ gãwn nɩbɛ pʋɔ a. Nyɩ mɩ̀ na wul a nɩ a bɛlɩ dem na bɛ bãw a a.

Zʋkpaɩ 5:2

Lɛ n'a fʋ na páwr tɔnɛ a ɩ̃ wulu pʋɔ, ɛ́ mɩ́ bãw a fʋ ƴɛ̀rʋ pɛr.

Zeremi 2:8

A bàwr-maalbɛ bɛ sowri kɛ́: “Nyɩnɛ n'a a Sore be ɩ?” A Wulu bãw-bãw-karɩ bɛ bãw mɛ̃ ɩ. A nɩ-bɛrɛ gaar'ɩ a ɩ̃ zu, a ƴɛ̀r-manbɛ ƴɛ̀r'ɩ a ŋmɩn Báàl yúor ƴãw, bɛ zɔ na tu bʋ̃-zawlɛ pùor.

Ezekɩɛl 7:26

A kpɩɛrʋ na wa na suwli suwli taa, ɛ́ a yel-faar gbone taa. A nɩbɛ na zɛlɛ nɩ a naaŋmɩn-ƴɛ̀r-manɛ k'ʋʋ páw yel-nyɛra, a bàwr-maalɛ kʋ̃ cãà zanɛ nɩ a nɩbɛ bom za ɩ, ɛ́ a nɩ-kore kʋ̃ cãà wule a nɩbɛ yã ɩ.

A naaŋmɩn-ƴèr-manɛ Oze sɛbɛ 4:6

A ɩ̃ nɩ-bʋʋrɛ báarɛ na, bɛ na bɛ bãw mɛ̃ a ƴãw. Fʋ na bɛ bɔbr a ɩ̃ bãwfʋ a, ɩ̃ mɩ̀ na zawrɩ fʋ na bɛr, ɛ́ fʋ kʋ̃ cãà ɩ a ɩ̃ bàwr-maalɛ ɩ. Fʋ na yiiri a fʋ Naaŋmɩn wulu bɛr a, a mãa mɩ̀, ɩ̃ mɩ̀ na yiir'ɩ a fʋ bibiir bɛr.

Sofoni 3:4

A ʋ naaŋmɩn-ƴɛ̀r-manbɛ ɩ n nɩbɛ na mɩ́ pɔrɛ, ɛ́ bɛ̀lɛ nɩbɛ a. A ʋ bàwr-maalbɛ bɛ ƴãwnɛ a bʋ̃-son ɛ. Bɛ bɛ mɩ́ tuur a Naaŋmɩn wulu ɛ.

2 Na-mɩnɛ 16:11

A Uriya tɩ mɛ n bàwr-maal-kuur-paala, tu n a lɛ tɔr za a Akaazɩ na tɩ manɩ wul tɩr a. Ʋ tɩ mɛ ʋ na baarɩ, ɛ́ a Akaazɩ bɛ yi a Damasɩ wa sɛr ɛ.

2 Na-mɩnɛ 16:16

A bàwr-maalɛ Uriya tɩ ɩ n a lɛ za a Akaazɩ na yel a.

Ekilezɩasɩ 5:5

Ta bɛr a fʋ nʋɔr ʋ ɩ fʋ ɩ sãwna sob ɛ, ɛ́ ta cen a Naaŋmɩn nɩ-tona zie tɩ yel kɛ́ fʋ tuli na ɩ. Alɛ bɛ ɩ lɛ, Naaŋmɩn na nyɛ̃ nɩ suur a ƴɛ̀rʋ á ŋá ƴãw, ɛ́ sãw a fʋ nuru tome bɛr.

Ezekɩɛl 22:26

A bɛ bàwr-maalbɛ bɛ sàwr a ɩ̃ wulu, ɛ́ bɛ ƴãwnɛ a ziir bɛ na ɩ a ɩ son a ɩ̃ ƴãw a ɩ. Bɛ bɛ owre a bom na ɩ sõw nɩ a bom na bɛ ɩ sõw a ɩ. Bɛ bɛ zanɛ nɩ a nɩbɛ kɛ́ bɛ bãw bom na ɩ bʋ̃-vla nɩ bom na ɩ bʋ̃-dɛwr a ɩ. Bɛ ɩrɛ nɩ a pɩ̃ɛnʋ-bibir laar. Alɛ n'a so nɩr za bɛ ƴãwnɛ mɛ̃ a bɛ pʋɔ ɩ.

Zakari 7:3

Kɛ́ bɛ tɩ sowri sowru ŋa a bàwr-maalbɛ na tone a Sore, a Kpɛnʋ-za-sob yir-kpɛ̃ɛ pʋɔ a, ɛ́ mɩ̀ sowri a naaŋmɩn-ƴɛ̀r-manbɛ: «A fɛr'a kɛ́ tɩ mɩ́ cãà kone, ɛ́ tɛr mʋta-tuo a yũon cuwr anũu sob, mɛ̃ a lɛ tɩ na ɩrɛ a koro kãw za a bɩɩ?»