Luka 6:24 - A SƐB-SÕW

²⁴ Ɛcɛ baw-bio dem n'ɩ nyɩ, nyɩɩm na-mɩnɛ, nyɩ páw nɩ a nyɩ mɔwlʋ baarɩ!

Luka 6:24 Referans Kwoze

1 Timote 6:17

Yel kʋ̀ a tẽw ŋa zu tɛra dem kɛ́ bɛ ta zɛwr bɛ tʋɔra ɩ, kɛ́ bɛ ta ƴãw a bɛ tɩɛrʋ a na-bome á ŋá na na tɔl a ƴãw ɛ, kɛ́ bɛ ƴãw a bɛ tɩɛrʋ a Naaŋmɩn ƴãw, ʋl na kʋ̀rɛ tɩ bʋ̃-vɩɛlɩ za bɛ dɩ vuo kɛ́ tɩ wone nɩ nʋ̃ɔ̀ a.

Matie 6:2

A na ɩ à ŋá a, fʋ̃ʋ wa kʋ̀rɛ bom nɩ-kɔmɛ a, ta ɩrɛ gɔmɛ a nɩbɛ niŋé mɛ̃ a lɛ a nɩsaal-libelibe na mɩ́ ɩrɛ a puoru-diru pʋɔ nɩ a sɛ́ɛ pʋɔ, k'aa nɩbɛ tʋ̃ɔ́ danɛ bɛ a ɩ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

Zakɩ 2:6

Ɛcɛ a nyɩɩm a, nyɩ bɛ tɛr a nã́w sob ƴãwfʋ ɛ. A tɛra dem bɛ nɛbɛ mɩ́ dɔwrɛ nyɩ ɛ́ nyɔwr nyɩ cere nɩ a ƴɛ̀rʋ-dɩb ziir ɛ?

Zʋkpaɩ 1:32

Bʋ̃ʋ n'ʋ vɛ̃, a bɛlɩ dem na bɛ bãw bom a zuru mɩ́ kpɛmɛ na, ɛ́ bɛ mɩ́ kpi a bɛ zu-kpɛ̃w kũu. A dãbole mɩ́ vʋʋrɛ na ɛ́ bɛ tɛr tɩɛrʋ ɛ, a mɩ́ wa n a bɛ loba.

Matie 6:16

«Nyɩmɛ mɩ́ wa tɛr a mʋta-tuo a, nyɩ ta mɩ́ kʋɔlɛ mɛ̃ a nɩsaal-libelibe a ɩ, bɛ mɩ́ sãw nɩ niwn k'aa nɩbɛ za nyɛ̃ bɛ na tɛr a mʋta-tuo a. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ.

Matie 6:5

«Nyɩmɛ wa puore a, nyɩ ta mɩ́ ɩrɛ mɛ̃ a nɩsaal-libelibe a ɩ: bɛ mɩ́ nɔnɛ na kɛ́ bɛ àr saaƴẽwn a puoru-diru pʋɔ nɩ a sɔ-carɩ pʋɔ puore, k'aa nɩbɛ za tʋ̃ɔ́ nyɛ̃ bɛ. Yel-mɩŋa sɩza, ɩ̃ yere na kʋ̀rɛ nyɩ, bɛ páw nɩ a bɛ maalʋ baarɩ.

A naaŋmɩn-ƴɛ̀r-manɛ Aaze sɛbɛ 2:9

A na ɩ à ŋá a, a yir-kpɛ̃ɛ ŋa vɩɛlʋ na gãw nɩ a dãwdãw yir-kpɛ̃ɛ vɩɛlʋ, ɛ́ a zie ŋa pʋɔ n'a ɩ̃ na ƴãw a ƴã-ɓaarʋ, a mãa Sore, a Kpɛnʋ-za-sob, mãa n'ʋ yere.»

Luka 6:25

Baw-bio dem n'ɩ nyɩ, nyɩɩm na tɩw a ƴɛrɛŋa a, kɔ̃ nãà kpɛ nyɩ na! Baw-bio dem n'ɩ nyɩ, nyɩɩm na laar a ƴɛrɛŋa a, nyɩ nãà be n wahala pʋɔ kone!