Luka 3:32 - A SƐB-SÕW

³² Daviir ɩ Zese bidɛb, Zese ɩ Yobɛdɩ bidɛb, Yobɛdɩ ɩ Bowaazʋ bidɛb, Bowaazʋ ɩ Sala bidɛb, Sala ɩ Nason bidɛb,

Luka 3:32 Referans Kwoze

Sɛb-sõw yielu 72:20

A Zese bidɛb Daviir puoru baarʋ zie n'ɩ a ka.

1 Na-mɩnɛ 12:16

A Saa-pɛrɩ́-gʋba-lowr Ɩsɩrayɛl nɩbɛ na tɩ nyɛ̃ k'aa nãà bɛ bɛr wõ a bɛ ƴɛ̀rʋ a, bɛ yel ʋ na: «Tɩ bɛ pʋɔ Daviir yele pʋɔ ɩ, tɩɩm nɩ Zese bidɛb bɛ lãw bom za ɩ! Ɩsɩrayɛl nɩbɛ ɛ, nyɩ ɩ tɩ lɛb kul a tɩ yie pʋɔ. Ɛ́ fʋ̃ʋ, Daviir bʋʋrɛ ɛ, pãa kaarɛ a fʋ naalʋ-tẽw zie!» Lɛ n'a bɛ tɩ lɛb kul a bɛ yie pʋɔ.

1 Samɩɛl 20:31

Bʋ̃ʋ n'ʋ vɛ̃, a lɛn daar za a Zese bidɛb na na vʋʋrɛ a tẽw zu a, fʋ kʋ̃ tʋ̃ɔ́ tɛr fãw ɛ, ɛ́ a fʋ naalʋ mɩ̀ kʋ̃ àr ɛ. Lɛ so, ƴãw bɛ nyɔw ʋ wa kʋ̀ m, ʋ sɛwnɩ nɩ kũu.»

Sɔr-nɛ́ɛ 7:12

Bɛ tɩ wa na tu taa à ŋá: Bibi-dãw-niwn sob: Aminadab bidɛb, Nason, na yi Zuda dɔwlʋ pʋɔ a. Bibie ayi sob: Suwaar bidɛb, Netanɛl, na yi Ɩsakaar dɔwlʋ pʋɔ a. Bibie ata sob: Helon bidɛb, Eliyaavʋ, na yi Zabulɔ̃ dɔwlʋ pʋɔ a. Bibie anaar sob: Sedewuur bidɛb, Elisuur, na yi Urubɛn dɔwlʋ pʋɔ a. Bibie anũu sob: Suurisadaɩ bidɛb, Selumiyɛl, na yi Sɩmɩ̃ɔ dɔwlʋ pʋɔ a. Bibie ayʋɔb sob: Dewuyɛl bidɛb, Eliyasafʋ, na yi Gadɩ dɔwlʋ pʋɔ a. Bibie ayopõi sob: Amihudɩ bidɛb, Elisama, na yi Efarayim dɔwlʋ pʋɔ a. Bibie ani sob: Pedasuur bidɛb, Gamaliyɛl, na yi Manase dɔwlʋ pʋɔ a. Bibie piwaɩ sob: Gideoni bidɛb, Avidan, na yi Bɛ̃zamɛ dɔwlʋ pʋɔ a. Bibie pie sob: Amisadaɩ bidɛb, Ahiezɛɛr, na yi Dan dɔwlʋ pʋɔ a. Bibie pie nɩ been sob: Okiran bidɛb, Pagiyel, na yi Asɛɛr dɔwlʋ pʋɔ a. Bibie pie nɩ ayi sob: Einan bidɛb, Ahira, na yi Nɛfɩtali dɔwlʋ pʋɔ a. Bʋ̃-kʋ̀rɩ á ŋá n'a ŋa za mɩ́ tɩ wa n: — salm-pla tasa na tɩbrɛ man gɩram túr dɔwlɩ kɔbr ata (1 300) a, nɩ salm-pla kole na tɩbrɛ man gɩram kɔbr ayopõi (700) a, a zɩ̃ɩ ƴãwfʋ ƴãw, ɛ́ a gɩram á ŋá tu a tɩbrʋ bʋ̃-mána mã bɛ na tɛr manɛ nɩ a zi-sõw pʋɔ a. A bome ayi á ŋá tɩ paal'ɩ zɔ̃ bɛ na naw nɩ a kãá a kukur bome de-kʋ̀b ƴãw a. — Salm-zɩɛ koli-nyúura na tɩbrɛ man gɩram kʋba (100) a, ɛ́ paalɩ parfɛ̃ a nyɩwfʋ ƴãw. — Nadɛr, pʋ́ra nɩ yũon-been pele nyɩw-a-za-bagɛ maalʋ ƴãw. Bʋra, yel-bier ír-bɛrʋ bàwr maalʋ ƴãw. — Nĩi ayi, pʋ́rɩ anũu, bʋrɩ anũu nɩ yũon-been peli anũu, lãw-taa bagɛ maalʋ ƴãw.

Sɔr-nɛ́ɛ 1:7

Zuda dɔwlʋ: Aminadab bidɛb, Nason

1 Samɩɛl 17:58

A Sawul tɩ sowr'ʋ na: «Ɩ̃ bie e, ãa bidɛb nɛ b?» A Daviir sɔw: «A fʋ tõ-tõ-bie, Zese, na yi Bɛtɩlɛm a, bidɛb nɛ m.»

Sɔr-nɛ́ɛ 2:3

A saa-pɛrɩ́ a, a na ɩ n a zɛbr-nɩbɛ nɩ-pɛ́ɛ na ɓã taa jil koli a Zuda dɩrapo a. A nɩbɛ bɛ na sɔ́r bɛ na tʋ̃ɔ́ kpɛ a sojarɩ a, a bɛ dɔwlʋ nɩ-kpɛ̃ɛ kãw n'ʋ na mɩ́ ɩ a bɛ nɩ-kpɛ̃ɛ. A bɛ yée n'ɩ á ŋá: Zuda dɔwlʋ nɩ-kpɛ̃ɛ: Aminadab bidɛb, Nason.

Matie 1:1

A Yeezu Kɩrɩta, a Daviir bidɛb, a Abraham bidɛb sãàkʋm-kore yée sɛbɛ n'ɩ à ŋà.

Luka 3:31

Elɩakɩm ɩ Melea bidɛb, Melea ɩ Mɛna bidɛb, Mɛna ɩ Matata bidɛb, Matata ɩ Natam bidɛb, Natam ɩ Daviir bidɛb,

Luka 3:33

Nason ɩ Amɩnadab bidɛb, Amɩnadab ɩ Adɩmɩn bidɛb, Adɩmɩn ɩ Arni bidɛb, Arni ɩ Ɛsɩrɔm bidɛb, Ɛsɩrɔm ɩ Faarɛsɩ bidɛb, Faarɛsɩ ɩ Zuda bidɛb,