Luka 24:27 - A SƐB-SÕW

²⁷ Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.

Luka 24:27 Referans Kwoze

Ɩzayi 7:14

A na ɩ à ŋá a, a Sore mɩŋa na kʋ̀ nyɩ nɩ bãwfʋ: a pɔwsɩra na tɛr'ɩ pʋɔ dɔw dɛb por ʋ Ɩmanɩɛl, a pɛr lɛ kɛ́ “Ŋmɩn-be-n-tɩ-zie”.

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Wulu-ayi-sob 18:15

Ʋ na tõ n naaŋmɩn-ƴɛ̀r-manɛ a nyɩ zie, ʋ ŋmɛ̃ mɛ̃ a mãa a. A nyɩ bʋʋrɛ pʋɔ n'a ʋ na yi, ʋlɛ n'ʋ nyɩ na bɛrɛ wone.

Zakari 9:9

Ƴawr'ɩ a fʋ fãw za, Sɩyɔ̃ tẽw i! Lɔbr nʋ̃ɔ̀ cɛlsɩ Zerizalɛm i! Nyɛ̃, a fʋ nãà waar'ɩ a fʋ zie, ɩ nɩ-mɩŋa nɩ nɩr na zɛb tʋ̃ɔ́ a, su-siwra sob na zɔm bõw a, bõw-bile, bõw-nyãw bile a.

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Zã 5:39

Nyɩ ƴãw nɩ fãw vuole a Sɛb-son pʋɔ, nyɩ na tɩɛrɛ kɛ́ be n'a nyɩ na páw a nyɔ-vʋʋrʋ na be kʋralɛ a, ɛ́ alɛ n'a dɩrɛ a ɩ̃ dãsɩɛ.

Zã 1:45

Ʋ tɩ tuor'ɩ Natanayɛl yel ʋ: «A nɩr ʋl yele a Moyiir na manɛ a Naaŋmɩn wulu sɛbɛ pʋɔ a, ɛ́ a naaŋmɩn-ƴɛ̀r-manbɛ mɩ̀ ƴɛ̀r a ʋ ƴɛ̀rʋ a, tɩ nyɛ̃ ʋ na, a Zuzɛb bidɛb Yeezu na yi Nazarɛtɩ tẽw a n'ʋ.»

Yele-za-pɛr-tib 22:18

Ɩ̃ na maal'ɩ a tẽw zu nɩ-bʋʋrɛ za a fʋ bʋʋrɛ zũú, fʋ na sàw a ɩ̃ nʋɔr a ƴãw.»

Ɩzayi 50:6

Ɩ̃ lɩɛb'ɩ a ɩ̃ zikur kʋ̀ a bɛlɩ dem na pɔbr mɛ̃ a, ɛ́ lɩɛbɩ a kɔrɛ cɔw a bɛlɩ dem na tawr a ɩ̃ tɩɛm kɔblʋ vɔnɛ a. Ɩ̃ bɛ pàw a ɩ̃ niwn tɛr a kaar-bie nɩ a zʋmɛ ƴãw ɛ.

Luka 24:25

Lɛ n'a a Yeezu yel bɛ: «Bʋ̃ʋ pãa ɩ nyɩ bɛ tɛr tɩɛrʋ, ɛ́ a nyɩ socie kpɛ vanana a naaŋmɩn-ƴɛ̀r-manbɛ ƴɛ̀rʋ sàwfʋ ƴãw a?

Zakari 13:7

À ŋá n'a a Sore, a Kpɛnʋ-za-sob, yere: «Zɛbr-sɔ-kpɛ̃ɛ ɛ, ìr a pi-cɩ̃ɩnɛ ƴãw, a ɩ̃ bá na kpɛ socir a ƴãw, kʋ a pi-cɩ̃ɩnɛ, ɛ́ a píir zɔ yaarɩ a ziir za, ɩ̃ɩ na lɩɛb'ɩ a péli ƴãw.»

Yele-za-pɛr-tib 3:15

Ɩ̃ na ƴãw nɩ dɔ̃ fʋ̃ʋ nɩ a pɔw cara pʋɔ, a fʋ bʋʋrɛ nɩ a ʋ bʋʋrɛ cara pʋɔ. A ʋ bʋʋrɛ na mɩ́ ƴɛ́r'ɩ a fʋ zu ŋmɛr, ɛ́ fʋ dʋ̃ a ʋ bʋʋrɛ gbɛnakɔr.»

Mise 7:20

Fʋ na wul'ɩ a fʋ nɔ̃wfʋ na bɛ lɛbr pùor a, a Abraham nɩ a Zakɔb bʋʋrɛ, mɛ̃ a lɛ fʋ na tɩ pɔ a koro za a tɩ sãàkʋm-kore zie a.

Sɛb-sõw yielu 132:11

A Sore pɔ n a Daviir zie à ŋá, ɛ́ bɛ be za na lɩɛbɩ bɛr ɛ: «A fʋ bʋ̃-dɔwra kãw n'ʋ ɩ̃ na zɩɩlɩ a fʋ naalʋ-dà-kɔw zu.

Yele-za-pɛr-tib 49:10

A nãà dabɔl bɛ yire zaarɛ a Zuda yir pʋɔ ɩ, a nɩ-bɛrɛ dabɔl na be n a ʋ bʋʋrɛ nuru pʋɔ, ɛ́ gù a sob nɛ na sɩrɩ so ʋ a, wa wa, a sob nɛ nʋɔr a nɩ-bʋʋrɛ na na sàwr a.

Yele-za-pɛr-tib 26:4

Ɩ̃ na ɩ n a fʋ bʋʋrɛ bɛ yɛ̀r yãwmɛ mɛ̃ a saa ŋmar-bie a, ɩ̃ɩ na kʋ̀ bɛ nɩ a ziir á ŋá za. Ɩ̃ na maal'ɩ a nɩ-bʋʋrɛ za a bɛ zũú.

Nɩ-toni 7:37

Ʋlɛ n'ʋ tɩ cãà yel a Ɩsɩrayɛl nɩbɛ: “Naaŋmɩn na ɩ na ƴɛ̀r-manɛ na ŋmɛ̃ mɛ̃ a mãa a, ʋ yi a nyɩ pʋɔ a nyɩ ƴãw.”

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Ezekɩɛl 37:25

Nyɩ na kpɩɛr'ɩ a tẽw ʋl ɩ̃ na kʋ̀ a ɩ̃ tõ-tõ-bie Zakɔb a pʋɔ, a be a nyɩ sãàkʋm-kore na kpɛ a. Nyɩ na kpɛ n a be tɩ kɔwrɩ, a nyɩɩm, a nyɩ bibiir nɩ a nyɩ yan. A ɩ̃ tõ-tõ-bie Daviir'ʋ na ɩ a nãà na dɩrɛ a naalʋ a nyɩ zu a kʋralɛ.

Nɩ-toni 3:24

A naaŋmɩn-ƴɛ̀r-manbɛ za, a na tĩ a Samɩɛl nɩ a ʋ lɩɛrbɛ za a, mɩ̀ ƴɛ̀r'a por a bibie á ŋá yúor.

Nɩ-toni 3:22

Moyiir tɩ yel'a: “A Sore Naaŋmɩn na ɩ na ƴɛ̀r-manɛ yi a nyɩ yɛbr pʋɔ a nyɩ ƴãw, ŋmɛ̃ mɛ̃ a mãa a. Nyɩ na bɛrɛ na wone a lɛ za ʋ na yere kʋ̀rɛ nyɩ a.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.

Yele-za-pɛr-tib 12:3

Ɩ̃ na mɩ́ maal'ɩ a bɛlɩ dem na ƴɛ̀rɛ nɔ-vla ƴãwn fʋ a, ɛ́ ŋmɛ ƴãw a bɛlɩ dem na ŋmɩɛr ƴãwn fʋ a. Ɩ̃ na maal'ɩ a tẽw zu nɩ-bʋʋrɛ za a fʋ zũú.»

Sɔr-nɛ́ɛ 21:14

Bɛ ƴɛ̀r'ɩ a ʋ ƴɛ̀rʋ a Sore zɛbr sɛbɛ pʋɔ, a be bɛ na yel kɛ́: «...Vahɛb na be Sufa a, nɩ a ʋ bà-gbɛ́ɛ, a Arnon

Wulu-ayi-sob 1:45

Nyɩ na tɩ lɛb wa a, nyɩ kõ na cɔw a Sore, ɛcɛ ʋ bɛ tɩ bɛr wõ ɩ, ʋ bɛ tɩ cɛlɩ be ɩ.

Ɩzayi 1:23

A fʋ nɩ-bɛrɛ ɩ n nɩ-gaarɩ na lãwnɛ nɩ nyãnyuwr a. Bɛ za, bɛ nɔnɛ nɩ a bʋ̃-kʋ̀rɩ, bɛ go na gù a tɔnɛ. Bɛ bɛ maalɛ a bi-kpieb yele ƴãwn ɛ, ɛ́ bɛ ŋmɛlɛ kaar a pɔw-kʋɔr na tɛr yel a ɩ.

Ɩzayi 8:17

Ɩ̃ gùre nɩ a Sore. Ʋ bɛ ŋmɛlɛ kaar a Zakɔb yir dem a ƴɛrɛŋa ɩ, ɛcɛ ʋl ƴãw n'a ɩ̃ ƴãw a ɩ̃ tɩɛrʋ.

Ɩzayi 9:1

A nɩbɛ na cere a lige pʋɔ a, nyɛ̃ nɩ cãà-kpɛ̃ɛ. Cãà nyɩwrɛ nɩ a bɛlɩ dem na kpɩɛr a lige tẽw a ƴãw.

Mise 5:6

A Ɩsɩrayɛl nɩbɛ na cɛ nɩ-bʋʋr-yoru viiri koli a, na ɩ na mɛ̃ Sore ɓɩɛlʋ a, mɛ̃ saa na mɩ́ wa ƴãw a mʋ̃ɔ a. Bɛ bɛ gùre bom za nɩsaal zie ɩ, bɛ bɛ tɩɛrɛ bom páwfʋ nɩsaal zie ɩ.

Markɩ 4:34

Ʋ bɛ mɩ́ tɩ ƴɛ̀rɛ a bɛ zie ɛ́ bɛ lɔbr zʋkpaɩ ɛ, ɛcɛ ʋ mɩ́ tɩ ír'ɩ a za pɛr kʋ̀ a ʋ po-tuurbɛ a bɛ tɛwr zie.

Zã 5:37

A Sãà na tõ m a, ʋl mɩŋa n'ʋ dɩ a ɩ̃ dãsɩɛ. Ɛcɛ nyɩ bɛ dãw wõ a ʋ kɔkɔr ɛ, ɛ́ bɛ dãw nyɛ̃ a ʋ niwn ɛ,

Zã 12:41

A Ɩzayi na tɩ de niwn nyɛ̃ a Yeezu yúor-vɩɛlʋ-danʋ, ɛ́ ƴɛ̀r a ʋ ƴɛ̀rʋ a n'a so ʋ ƴɛ̀r à à ŋá.

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

Nɩ-toni 8:35

Lɛ n'a a Filib tɩ de a ƴɛ̀rʋ, tĩ a Sɛb-sõw ƴɛ̀r-bie á ŋá zie ɛ́ hieri a Yeezu Yel-nʋ̃ɔ̀ kʋ̀ ʋ.