Levitɩ mɩnɛ 1:13 - A SƐB-SÕW

¹³ Bɛ na pɛ́w nɩ a púor nɩ a nyagɛ nɩ a gbɛ́ɛ. Lɛ n'a bàwr-maalɛ na de a tur kʋ̀ a Sore, al pùorí ʋ nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 1:13 Referans Kwoze

Levitɩ mɩnɛ 1:9

Bɛ na pɛ́w nɩ a dʋ̃w púor nɩ a nyagɛ nɩ a gbɛ́ɛ, ɛ́ bàwr-maalɛ kãw nyɩw a za a bàwr-maal-kuur zu. Nyɩw-a-za-bàwr a Sore na nɔnɛ a zʋ̀ʋ́r nyũu a n'ʋ.»

Levitɩ mɩnɛ 2:11

Nyɩ bɛ dier de-kʋ̀b bom za na ƴãw dãbɩl a kʋ̀rɛ a Sore ɩ. Nyɩ taa wa nyɩwr de-kʋ̀b bom na ƴãw dãbɩl bɩɩ sɩwr a Sore ƴãw towtow ɛ.

Levitɩ mɩnɛ 4:31

Bɛ na ír'ɩ a dʋ̃w zi-kãánɩ mɛ̃ a lɛ a na mɩ́ ɩ a lãw-taa bàwr ƴãw a. A bàwr-maalɛ na nyɩw a nɩ a bàwr-maal-kuur zu, k'aa bàwr ŋa zʋ̀ʋ́r na nyùur vla vla a pɛlɩ a Sore pʋɔ. Ʋ na tu n a yel-bebe suur-dɩ-kʋ̀b tub a sãwna sob ƴãw, ɛ́ a Naaŋmɩn dɩ a ʋ yel-bebe suur kʋ̀ ʋ.»

Sɔr-nɛ́ɛ 15:4

A sob nɛ na kʋ̀rɛ mɛ̃ a dʋ̃w a na mɩ́ lãwnɩ nɩ kukur bome de-kʋ̀b: kilo ata zɔ̃ bɛ na naw nɩ litɩr been nɩ ŋmãa kãá a,

Sɔr-nɛ́ɛ 28:11

«A cuw za bibi-dãw-niwn sob, nyɩ na mɩ́ maal'ɩ nyɩw-a-za-bàwr kʋ̀ a mãa, Sore, nɩ nadɛɛ ayi, pʋ́ra nɩ yũon-been peli ayopõi, dʋn a ƴã-gan zie kãw za na bɛ sãw a.

Wulu-ayi-sob 12:27

A nyɩw-a-za-bagɛ ƴãw a, nyɩ na mɩ́ de nɩ a nɛn nɩ a zɩ̃ɩ za kʋ̀ a Sore nyɩ Naaŋmɩn, a bàwr-maal-kuur zu. A lãw-taa bagɛ ƴãw a, nyɩ na mɩ́ cir'ɩ a zɩ̃ɩ ƴãw a Sore bàwr-maal-kuur zu, ɛ́ 'wɔb a nɛn.

Yele-za-pɛr-tib 8:21

A Sore tɩ wõ n a nyũu na nyu vla a, ɛ́ tɩɛr ʋ pʋɔ: «Ɩ̃ bɛ be za na lɛb ŋmɛ ƴãw a tẽsɔw a nɩsaal ƴãw ɛ. Sɩza n'a, a nɩsaal pɔ̀lʋ daarɩ́ za n'a a ʋ socir mɩ́ tu a faa pùor, ɛcɛ ɩ̃ bɛ be za na lɛb dɔwrɩ bʋ̃-vʋʋra za mɛ̃ à à ŋá ɩ̃ na ɩ a ɩ.

Levitɩ mɩnɛ 2:2

Al pùorí ʋ de a wa kʋ̀ a bàwr-maalbɛ, a Aarɔ̃ bidɛbr. Bɛ na 'wɔ̃w nɩ nũ-kur zɔ̃ na jɛr'ɩ a kãá a, ɛ́ de a tɩ-suur-zɔ̃-na-nyùur-vla-vla-a a za. A bàwr-maalɛ kãw na de nɩ a de-kʋ̀b bome á ŋá bɛ na bʋɔlɛ kɛ́ “Cãà-bãwnɩ” a, nyɩw a bàwr-maal-kuur zu. De-kʋ̀b bom bɛ na nyɩw a Sore nɔnɛ a zʋ̀ʋ́r nyũu a n'ʋ.

Levitɩ mɩnɛ 3:5

A bàwr-maalbɛ na nyɩw nɩ a nɛnɛ á ŋá za a bàwr-maal-kuur zu, lãwnɩ a nyɩw-a-za-bàwr dʋ̃w na be a dà-ŋmaarɛ vũu zu a. Bàwr nɛn bɛ na nyɩw ɛ́ a Sore nɔnɛ a zʋ̀ʋ́r nyũu a n'ʋ.»

Levitɩ mɩnɛ 6:14

Bɛ na mɩ́ naw nɩ a zɔ̃ nɩ kãá ɛ́ sɛ̃ a zɔ̃-nawra ŋa kur-pãgala zu, al pùorí bɛ nyɔw a sɛ̃sɛ̃ ŋa ŋma ŋma, ɛ́ bãw de ʋ kʋ̀ a Sore. A Sore na nɔ̃w nɩ a ʋ zʋ̀ʋ́r nyũu.

Levitɩ mɩnɛ 8:21

Ʋ tɩ pɛ́w nɩ a nyagɛ, a púor nɩ a gbɛ́ɛ, nyɩw a a bàwr-maal-kuur zu lãwnɩ a pʋ́ra za, ʋ ɩ nyɩw-a-za-bàwr a Sore na nɔnɛ a zʋ̀ʋ́r nyũu a. Bàwr bɛ na nyɩw a nɛn a n'ʋ, mɛ̃ a lɛ a Sore na yel kʋ̀ a Moyiir a.

Sɔr-nɛ́ɛ 15:3

nyɩ na mɩ́ de nɩ bome kʋ̀ m. Nyɩ na mɩ́ maal'ɩ nyɩw-a-za-bàwr bɩɩ lãw-taa bàwr kʋ̀ m. Nyɩ na mɩ́ de a na kʋ̀ m nʋɔr nyɩ na kõ a íru ƴãw bɩɩ nyɩ na nɔnɛ a ƴãw bɩɩ cuwr nyɩ na maalɛ a ƴãw. A bagɛ á ŋá taabɛ ƴãw a, nyɩ na mɩ́ kaa na ír náab, pɛ́rʋ bɩɩ bʋɔ, ɛ́ a zʋ̀ʋ́r nyũu na mɩ́ pɛlɩ nɩ a ɩ̃ pʋɔ.

Sɔr-nɛ́ɛ 28:8

A zaanʋɔra a, bɛ na mɩ́ kʋ̀ m'ɩ a peli ayi sob, lãwnɩ a biɓaara de-kʋ̀b bome. A ʋ zʋ̀ʋ́r na nyùur vla a na mɩ́ pɛlɩ nɩ a ɩ̃ pʋɔ.»

2 Bibie za yel-manɩ 4:6

Bɛ tɩ maal'ɩ kur-zɩɛ sɩnli pie, ƴãw anũu a Ŋmɩn-yir-kpɛ̃ɛ dʋrʋ lowr, ɛ́ ƴãw anũu a gʋba lowr a dɛwr-so-bɛrʋ ƴãw. Be n'a bɛ mɩ́ tɩ pɛ́w a nyɩw-a-za-bàwr nɛnɛ. A sɩ̃w-kpɛ̃ɛ pʋɔ kʋ̃ɔ n'a a bàwr-maalbɛ mɩ́ tɩ so n a bɛ dɛwr bɛr.

Ezekɩɛl 40:38

Dile kãw tori nɩ a saa-pɛrɩ́-gʋba-lowr dɩ̃dɔr dĩo. A dile ŋa pʋɔ a, bɛ mɩ́ pɛ́w nɩ a dʋn bɛ na kʋ a nyɩw-a-za-bàwr ƴãw a.