A Lãw-mʋɔlɛ 5:17 - A SƐB-SÕW

¹⁷ Alɛ n'a so a tɩ socie be kpɩɛrʋ pʋɔ, alɛ n'a so a tɩ mimie bɛ lɛb cãà nyɛrɛ ɩ.

A Lãw-mʋɔlɛ 5:17 Referans Kwoze

Ɩzayi 1:5

Nyɩn lowr'a bɛ na lɛb ŋmɛ nyɩ, nyɩɩm na cãà gaarɩ a? A zu ɩ n natɩɛ ʋ za, a socir za ɩ n bàal.

A Lãw-mʋɔlɛ 2:11

A ɩ̃ mimie kõ na tɩ bàl, a ɩ̃ tɩɛrʋ za dam'a, ɩ̃ mɩ́ nyɔw nɩ ɩ̃ tʋɔra gú, a dɔwrʋ na páw a ɩ̃ nɩ-bʋʋrɛ a ƴãw. Bʋ̃ʋ n'ʋ vɛ̃, a bibiir nɩ a bi-pɩɩlɛ fãw báarɛ nɩ a nɩbɛ tuor-taa ziir a tẽ-kpɛ̃ɛ pʋɔ.

Sɛb-sõw yielu 6:7

Ɩ̃ kõ na bɛ tɩ cãà laar ɛ, tɩ̃ɩsɔw za, a ɩ̃ mʋta-kʋ̃ɔ mɩ́ bur'ɩ a ɩ̃ gado, a ɩ̃ bʋ̃-gana mɩ́ ɩ n mʋta-kʋ̃ɔ tɛwr.

A Zɔb sɛbɛ 17:7

A kpɩɛrʋ ɩ na ɩ̃ cɛ blã na zɔ̃w, ɛ́ a ɩ̃ ƴã-gan bɛ cãà n'ʋ ɛ.

Ɩzayi 38:14

A ɩ̃ kon ŋmɛ̃ na taa nɩ bɛlaarɛkule kon, ɩ̃ kone na mɛ̃ ŋmam na kone a. A ɩ̃ mimie bàl a nɩ a salom úorú. — Sore e, ɩ̃ bɛ cãà laar ɛ, ɩ ɩb kãw a ɩ̃ ƴãw.—

Mise 6:13

A lɛ n'a so ɩ̃ tĩ ŋmɩɛr nyɩ, ŋmɩɛrʋ na na wa n a nyɩ loba, a nyɩ yel-bebe zũú a.

Ezekɩɛl 21:15

Nɩ-yaga yaga ƴãw n'a bɛ saalɩ ʋ, bɛ kàr ʋ na ʋ nyɩwrɛ pɩn pɩn.

Ezekɩɛl 21:7

«A fʋ̃ʋ nɩsaal bie, lɩɛb a fʋ niwn cɔw a Zerizalɛm tẽ-kpɛ̃ɛ, zɛbr'ɩ a zi-son, a ɩ̃ yúor ƴãw, zɛbr'ɩ a Ɩsɩrayɛl tẽw.

A Lãw-mʋɔlɛ 1:22

Jɩ́r a bɛ ɩ-faar za kaa ɛ́ ɩ bɛ mɛ̃ a lɛ fʋ na ɩ m a ɩ̃ nɛ́ɛ-zawrʋ za zũú a. Fʋ nyɛ̃ na: a 'woi 'woi n'a ɩ̃ dɛ mɩ́ tɛr, ɛ́ a ɩ̃ mɩŋa za ɩ bàal.

A Lãw-mʋɔlɛ 1:13

Ʋ ɩ na vũu yi a saa-zu siw kpɛ a ɩ̃ ƴã-ganɩ́. Ʋ ƴãw nɩ bɛra a ɩ̃ gbɛ́ɛ pile, ɛ́ ɩ ɩ̃ 'law tɩ lo n kpaar. Ʋ ɩ na ɩ̃ ɩ ɩ̃ yõ daadaa, a ɩ m bàalʋ bibie za.

Zeremi 46:5

A Sore yere na: Ɛ́ bʋnʋ yaa? Bʋ̃ʋ n'ʋ ɩ̃ nyɛ̃ a? A bɛ kanyir baar'a, bɛ tɩ̃wnɩ nɩ pùor. Bɛ zɛb'a tʋ̃ɔ́ a bɛ soja-gãdaar, a zɔ-ŋmɛ-taa n'a, nɩr bɛ lɩɛbɛ kaar ɛ, a pʋl-vʋ̃ɔ n'a a ziir za.

Zeremi 8:18

A ɩ̃ pʋ-sãwna bɛ tɛr tɩ̃ɩ ɛ, a ɩ̃ socir kone nɩ a ɩ̃ pʋ̃ɔmɩ za.

Sɛb-sõw yielu 69:3

Mɛ̃mɛrɛ bɔw-zulu pʋɔ n'a ɩ̃ siwr, ɛ́ a gbɛ́ɛ bɛ be na tɔ zi-kpɛ̃w ɛ. Ɩ̃ tɔlɛ na siwr a kʋ̃ɔ-zulu pʋɔ, ɛ́ a kʋ̃ɔ-miwr ɓáw mɛ̃ cere nɩ.

Sɛb-sõw yielu 31:9

Fʋ bɛ ƴãw mɛ̃ a dɔ̃ sob nuru pʋɔ ɩ, fʋ ɩ na ɩ̃ ɓãá ƴãw cere.

Wulu-ayi-sob 28:65

Nyɩ kʋ̃ tɛr ƴã-ɓaarʋ towtow a nɩ-bʋʋrɛ bɛl sɔgɔ ɩ, nyɩ kʋ̃ nyɛ̃ gbɛ́r binu zie tɛwr mɩ̀ ɛ. A be a, a Sore na ɩ na a nyɩ tɩɛrʋ bɛ mɩ́ gã zoom ɛ, a nyɩ mimi-biir kpiir, a nyɩ kanyir za baarɩ.

Levitɩ mɩnɛ 26:36

A bɛlɩ dem nãà wa cãà vʋʋrɛ a bɛ dɔ̃ dem tẽw pʋɔ a, ɩ̃ na ƴãw bɛ nɩ pʋl-vʋ̃ɔ: váar na lore a damnʋ tɛwr na mɩ́ ɩ na bɛ nyɔw zɔba. Bɛ na mɩ́ zɔ na mɛ̃ dɔ̃ sob niŋé fʋ na zɔrɛ a, ɛ́ bɛ na mɩ́ lo na, nɩr za saa bɛ diwr bɛ a.

Sɛb-sõw yielu 38:8

A ɩ̃ sɩ́ɛ ɩ na mɛ̃ ʋ 'lere nɩ vũu a, a ɩ̃ ƴã-gan zie bɛ cɛ bɛ 'wɔbr ɛ.