A bibiir nɩ a bibi-cãpʋrmɛ nɛ́ɛ n'a fʋ mɩ́ wul'ɩ a fʋ fãw a fʋ dɔ̃ dem. A ɩ na mɛ̃ dacĩ-kpɛ̃ɛ n'ʋ fʋ mɛ k'aa ta lɛb tɛr ɩb a fʋ dɔ̃ dem bɛl na bɛ wone za a zie a.
Ƴɛrɛŋa a, a Sore nyɩ Naaŋmɩn na gù nyɩ nɩ a nyɩ dɔ̃ dem za na jil koli nyɩ a ƴãw, a tẽw ʋ na na kʋ̀ nyɩ nyɩ so a pʋɔ. A lɛn daar a, nyɩ na kʋ n a Amalesitɩ mɩnɛ za pàw pɛr, kɛ̀ nɩsaal za ta cãà tɛr a bɛ tɩɛrʋ a tẽw zu ɛ. Nyɩ taa yiire a yel ŋa ɩ.
À ŋá n'a a Sore yere: «A salom ɩ n a ɩ̃ naalʋ-dà-kɔw ɛ́ a tẽsɔw ɩ a ɩ̃ gbɛ́ɛ dɔwlʋ zie. Yir bʋ̃ʋ n'ʋ nyɩ na tʋ̃ɔ́ ŋmãa kʋ̀ m? A zie n'ɩ buor ɩ na na tʋ̃ɔ́ kpɩɛr a?
Ʋ na ƴãw nɩ a bɛ na-mɩnɛ a nyɩ nuru pʋɔ, ɛ́ nyɩ na ɩ na a bɛ yúor bɔr a tẽw zu. A bɛ been kãw za bɛ cãanɛ a nyɩ niŋé ɩ, nyɩ na tɛr'ɩ lɛɛɛ tɩ baarɩ bɛ za.
Ɛcɛ fʋ̃ʋ a, Sore e, fʋ bãw nɩ bom za na càarɩ mɛ̃ a, tɛr a ɩ̃ tɩɛrʋ, ɩ ɩb kãw a ɩ̃ ƴãw. Yáa a san a bɛlɩ dem na dɔwrɛ mɛ̃ a zie. Ta bɛr mɛ̃ k'ɩ̃ wone tuo fʋ na nyɔwr fʋ tʋɔra a bɛ ƴãw a zũú ɛ. Bãwnɩ a, a fʋ zũú n'a ɩ̃ sàw a zʋmɛ.
