A Lãw-mʋɔlɛ 3:33 - A SƐB-SÕW

³³ Ʋ na mɩ́ wa ƴãw a nɩsaalbɛ vĩ bɩɩ ɩ a kpɛ bɛ a, a bɛ mɩ́ ɩ ʋ nʋ̃ɔ̀ ɩ.

A Lãw-mʋɔlɛ 3:33 Referans Kwoze

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Ezekɩɛl 18:32

Sɩza, ɩ̃ yere na, a mãa Sore Naaŋmɩn, ɩ̃ bɛ bɔbr nɩr kãw za kũu ɛ. Nyɩ lɩɛbɩ a nyɩ ɩb ɛ́ vʋʋrɛ!»

Ɩzayi 28:21

A Sore na ìr'a mɛ̃ a Perasim tãw zu a. Ʋ na nyɛ̃ nɩ suur màwr mɛ̃ a Gabaɔ̃ fʋɔla pʋɔ a, a ʋ ton tob daar, tõ-bɩɛ, a ʋ ɩb ɩb daar, ɩb-sãan.

A Zɔb sɛbɛ 37:23

A Kpɛnʋ-za-sob tɩ na kʋ̃ tʋ̃ɔ́ ta a n'ʋ, ʋ ɩ n kpɛ̃ɛ a fãw nɩ a mɩnʋ lowr, ʋ bɛ dɔwrɛ sob nɛ na ɩ nɩ-mɩŋa mɩŋa a ɩ.

Sɛb-sõw yielu 119:67

Ɩ̃ na bɛ tɩ wõ tuo sɛr a, ɩ̃ tɩ bɔrɛ na, ɛcɛ ƴɛrɛŋa a, ɩ̃ maalɛ nɩ a lɛ fʋ na yel a.

Sɛb-sõw yielu 119:71

Mãa zie a, a kpɩɛrʋ ɩ̃ na nyɛ̃ a ɩ n bʋ̃-vla, a wul mɛ̃ nɩ a fʋ pʋ-tɩɛrʋ ɩ̃ bãw.

A Lãw-mʋɔlɛ 3:34

Bɛlɛ wa dɔwrɛ tẽw kãw gaso-biir za a,