A Lãw-mʋɔlɛ 2:1 - A SƐB-SÕW

¹ 'Woi! A ʋ suur pʋɔ a, a Sore ɩ na zũzu-sɛblɛ pàw a Sɩyɔ̃ tẽ-kpɛ̃ɛ! A ʋlɩ bom nɛ na tɩ ɩ a Ɩsɩrayɛl yúor a, ʋ lɔb ʋ na bɛr ʋ yi a saa-zu wa lo tẽw. A ʋ suur na tɩ ìr a Sɩyɔ̃ ƴãw a, ʋ yiir'a kɛ́ ʋlɛ n'ɩ a ʋ gbɛ́ɛ dɔwlʋ zie.

A Lãw-mʋɔlɛ 2:1 Referans Kwoze

Sɛb-sõw yielu 132:7

Nyɩ ɩ tɩ kpɛ a Sore Ŋmɩn-yir-kpɛ̃ɛ pʋɔ, tɩ lo gbĩ dume gũu tɩ tɔ tẽw a ʋ naalʋ-dà-kɔw pɛr.

1 Bibie za yel-manɩ 28:2

A nãà Daviir tɩ ìr'a àr ɛ́ yel bɛ à ŋá: «Ɩ̃ nɩ-bʋʋrɛ nɩbɛ ɛ, ɩ̃ yɛbr i, nyɩ bɛr wõ m. Ɩ̃ tɩ bɔbr'a nɩ ɩ̃ pʋɔ za, k'ɩ̃ɩ ŋmãa yir bin a Sore wõ-taa daga, a tɩ Naaŋmɩn gbɛ́ɛ dɔwlʋ zie. Ɩ̃ cɔbr'ɩ a bome a ʋ ŋmãafʋ ƴãw,

Luka 10:18

A Yeezu tɩ yel bɛ na: «Ɩ̃ mɩ́ tɩ nyɛ̃ nɩ a Sɩtaana ʋ yi a salom zu wa lo mɛ̃ saa na nyɩwrɩ a.

Matie 11:23

Ɛ́ fʋ̃ʋ, Kafarnawɔm i, fʋ tɩɛrɛ kɛ́ fʋ na do na tɩ tɔ a salom bɩɩ? Fʋ na siwri na tɩ ta a kpɩmɛ tẽw. Bʋ̃ʋ n'ʋ vɛ̃, a nɔ-ɓãa-yele na maalɩ a fʋ zie a, a Sodɔm tẽw tɩ n'a a, ʋ nãá cãà nɩ be nɩ dɩ̃a.

Zowɛl 2:2

Liw-varkpara bibir'ʋ, zũzuwe nɩ zũzuw-sɛblɛ bibir'ʋ. Sãsowe na yãwmɛ ɛ́ kpɛmɛ a, waar'a, a yɛ́r'a pàw a tan mɛ̃ a zi-wɛl-paala cãà a. Nɩr bɛ dãw nyɛ̃ a ɩ, ɛ́ nɩr kʋ̃ lɛb nyɛ̃ a ɩ a pùorí towtow ɛ.

Ezekɩɛl 30:18

A lɛn daar mãa wa siwri a Eziptɩ tẽw fãw ɛ́ a ʋ kpɛnʋ na ɩrɛ pɔ̀lʋ̀ a baarɩ a, mʋ̃tɔ̃w kʋ̃ pur a Dafine tẽw zu ɛ. Zũzuwr-sɛbla na yɛ́r'a pàw a tẽw, ɛ́ bɛ na diw nɩ a vuo ʋl nɩbɛ cen nɩ.

Sɛb-sõw yielu 99:5

Nyɩ hiere yere a Sore tɩ Naaŋmɩn na ɩ kpɛ̃ɛ a, nyɩ lo gbĩ dume gũu tɩ tɔ tẽw a ʋ naalʋ-dà-kɔw pɛr. — A Sore ɩ n sõw.

Luka 10:15

Ɛ́ fʋ̃ʋ, Kafarnawɔm ɩ! Fʋ tɩɛr kɛ́ fʋ na zɛw nɩ fʋ tʋɔra do tɩ tɔ salom bɩɩ? Fʋ na siw na, siw tɩ ta a kpɩmɛ tẽw.»

Ezekɩɛl 24:21

a nyɩɩm Ɩsɩrayɛl nɩbɛ: “A mãa Sore Naaŋmɩn, ɩ̃ na bɛr'a bɛ dɛw a ɩ̃ zi-sõw bɛr. Ɛcɛ, ʋ ɩ n a nyɩ dɛpaal bom, ʋ ɩ n a nyɩ mimie nʋ̃ɔ̀, ɛ́ ɩ a nyɩ nyɔ-vʋʋrʋ tɩɛrʋ bom. Bɛ na kʋ n a nyɩ bidɛbr nɩ a nyɩ pɔwyaar nyɩ na bɛr a Zerizalɛm a nɩ zɛbr-sɔ-kpɛ̃ɛ.

A Lãw-mʋɔlɛ 4:1

'Woi! A salm-zɩɛ bɛ cãà nyɩwrɛ ɩ, a salm-zɩɛ mɩŋa mɩŋa nyɩwrʋ baar'a, a kʋsɛ-son yàar'a pàw a ziir za!

A Lãw-mʋɔlɛ 1:1

'Woi! Bɛ jɛ ʋ na bɛr, a tẽ-kpɛ̃ɛ ŋa na tɩ ɩ nɩbɛ kʋrkʋrkʋr a! Ʋ ɩ na mɛ̃ pɔw-kʋɔr a, ʋl a yúor na tɩ yi yaga a nɩ-bʋʋr-yoru sɔgɔ a, ʋl na tɩ ɩ pɔw-nãà so a tẽ-ŋma-kʋ̀rɩ a, ʋlɛ n'ɩ ŋan wa ɩ gbãgbaa!

Ɩzayi 64:11

Sore e, fʋ na tʋ̃ɔ́ na nyɛ̃ a kpɩɛrʋ á ŋá ɛ́ nyɔw fʋ tʋɔra a? Fʋ na tʋ̃ɔ́ na ɩ gbili ɛ́ ƴãw tɩ a vĩ tɩ dɔwlɩ ɩ?

2 Samɩɛl 1:19

Ɩsɩrayɛl i, bʋ̃ʋ n'ʋ so a fʋ gãdaar kpi, a fʋ zɛbr nɩ-yée yée gã gã a fʋ tan zu?

1 Samɩɛl 4:21

Ʋ tɩ por'ɩ a bie kɛ́ Ikavɔdɩ, a pɛr lɛ kɛ́: «Yúor-vɩɛlʋ-danʋ-bɛ-cãa-ɩ»: ʋ tɩ yel'a: «A Naaŋmɩn yúor-vɩɛlʋ-danʋ yi na zaa a Ɩsɩrayɛl tẽw!» A Naaŋmɩn wõ-taa daga bɛ na faa a, nɩ a ʋ sɩr-sãà nɩ a ʋ sɩr kũu ƴɛ̀rʋ n'a ʋ tɩ ƴɛ̀r à à ŋá.

A Lãw-mʋɔlɛ 2:17

A Sore ɩ n a lɛ ʋ na tɩɛrɩ bin a, ʋ tu n a lɛ ʋ na yel a, a lɛ ʋ na ƴãw a nʋɔr a koro kãw za a. Ʋ sãw nɩ bom za bɛr, ɛ́ bɛ zɔ nɩbaalʋ ɛ. Ʋ ɩ na a dɔ̃ sob cɩlɛ a fʋ kpɩɛrʋ ƴãw, ʋ ɩ na a fʋ bɛ-nɔnbɛ tɛr fãw dɔwlɩ.

Ezekɩɛl 19:12

Ɛcɛ bɛ tɩ vʋ̃ɔ ʋ na nɩ suur, lɔb bɛr tẽw. A saa-pɛrɩ́ sɛsɛb tɩ ɩ n a ʋ wɔmɛ a ko suori lo. A ʋ wul-kpɛn tɩ ko na, bɛ nyɩw a bɛr.

1 Samɩɛl 4:22

Ʋ tɩ yel'a: «A yúor-vɩɛlʋ-danʋ bɛ cãà a Ɩsɩrayɛl ɛ», a Naaŋmɩn wõ-taa daga a dɔ̃ dem na tɩ faa a ƴãw.

Sɛb-sõw yielu 89:45

Fʋ ɩ na a ʋ vɩɛlʋ baarɩ, ɛ́ dáa a ʋ naalʋ-dà-kɔw lɔb.

Zeremi 30:14

A fʋ sɛnbɛ za yiire fʋ na bɛrɛ, bɛ bɛ cãà ŋmɛlɛ kaar fʋ ɛ. Zerizalɛm i, ɩ̃ ŋmɛ b'a, mɛ̃ ɩ̃ ɩ n a fʋ dɔ̃ sob a, ɩ̃ kpãa fʋ nɩ faa faa.

A Lãw-mʋɔlɛ 1:12

A nyɩɩm za na tɔlɛ a ka a, a faa ŋa bɛ páw nyɩ ɛ. Nyɩ jɩ́r nyɛ̃: kpɩɛrʋ be n be ŋmɛ̃ mɛ̃ a ɩ̃ dem, bɩɩ ŋmɛ̃ mɛ̃ a ʋl a Sore na ɩ ʋ lo a ɩ̃ zu a ʋ su-tʋlʋ bibir a?

A Lãw-mʋɔlɛ 4:11

A Sore ɩ na a ʋ suur ìr tɩ tɔ, a ʋ su-tʋlʋ yɛ́r'a pàw a ziir za. Ʋ ƴãw nɩ vũu a Sɩyɔ̃, ʋ dɩ a tẽ-kpɛ̃ɛ tɩ tɔ a ʋ dacĩ-pɛr.

Ezekɩɛl 13:13

A na ɩ à ŋá a, à ŋá n'a a mãa Sore Naaŋmɩn ƴɛ̀rɛ: A ɩ̃ su-yãyaar pʋɔ a, ɩ̃ na ɩ n a saa-sɛsɛb cɛ̀r, ɩ̃ɩ ɩ sa-bɛrɛ mĩ. A sa-bi-kube na lore nɩ nɩ fãw sãw bom za bɛr.