21 Ʋ na ɩ na fʋ ŋmɛrɛ laarʋ, ɛ́ lɔbr kuryii.
Tɩ tɩ ɩ n laarʋ tɛwr, ɛ́ lɔbr nʋ̃ɔ̀ cɛlsɩ. Lɛ n'a bɛ tɩ yere a nɩ-bʋʋr-yoru sɔgɔ: «A Sore maal'ɩ yel-bɛrɛ a bɛ ƴãw!»
A Saara tɩ yel'a: «A Naaŋmɩn ƴãw mɛ̃ nɩ laarʋ. Nɩr za nãà wa wõ a a na lãwnɩ mɛ̃ na laar.»
A kʋ́ɔra cere na, kone cere nɩ: a bʋ̃-bʋʋrɛ n'a ʋ tuo, ʋ lɛb'a waar, cɩlɛ waar'ɩ: a kajine n'a ʋ tuo.
Nyɩ cɩlɛ a Sore ƴãw, nyɩ cɩlɛ, nyɩɩm nɩ-mɩn i, nyɩ ŋmɩɛr nʋ̃ɔ̀ cɛlsɩ, nyɩɩm soci-dẽdẽ dem za a!
Zu-nʋ̃ɔ̀ dem n'ɩ nyɩ, nyɩɩm kɔ̃ na kpɩɛr a ƴɛrɛŋa a: nyɩ nãà tɩw na! Zu-nʋ̃ɔ̀ dem n'ɩ nyɩ, nyɩɩm na kone a ƴɛrɛŋa a: nyɩ nãà laar a!»
Sɛb-sõw yielu a barka bàwr maalʋ ƴãw. Tẽ-daa nɩbɛ za a, nyɩ cáarɛ a Sore ƴãw.
Fʋ tobr kʋ̃ ka a zie na sãw a nɩ a kɔ̃ ƴãw ɛ, fʋ kʋ̃ zɔrɛ a wɛ-dʋ̃-faar dɛ̃bɩ̃ɛ ɩ.
A nɩbɛ tɩ maal'ɩ bagɛ yaga a ʋlɩ bibir nɛ, ɛ́ nʋ̃ɔ̀ ɩrɛ. Bʋ̃ʋ n'ʋ vɛ̃, a Naaŋmɩn tɩ paal'ɩ a ʋ nɩ-bʋʋrɛ nɩ nʋ̃ɔ̀ yaga. A Zerizalɛm tẽw pʋɔ a, nʋ̃ɔ̀ tɩ ɩrɛ nɩ a pɔwbɛ nɩ a bibiir bɛ cɩɩrɛ ɩrɛ gɔmɛ, a cuw gɔmɛ tɩ yire a zi-zãána.
Tẽ-daa nɩbɛ za a, nyɩ cáarɛ a Sore ƴãw, nyɩ lɔbr nʋ̃ɔ̀ cɛlsɩ, ɛ́ yiele ŋmɩɛr'ɩ bʋ̃-ŋmɩɛrɩ.
Ɛcɛ kãw za kʋ̃ yel: «Nyɩnɛ n'a a Naaŋmɩn na maalɩ mɛ̃ a be? Ʋl na mɩ́ ƴãw tɩ yielu tɩɛrʋ a kpɩɛrʋ daar a,
Zerizalɛm dob daar yielu. A lɛn daar a Sore na tɩ tɛr a gbãgbaar lɛb wa n a Sɩyɔ̃ tẽw a, a tɩ ɩ na mɛ̃ zánʋ n'a tɩ zanɛ a.
