A Zɔb sɛbɛ 42:10 - A SƐB-SÕW

¹⁰ A Zɔb na tɩ puore kʋ̀rɛ a ʋ bárɩ a, a Sore tɩ lɛb'a maalɩ a ʋ yele ƴãw. Mɔ̃ mɩ̀, a Sore tɩ ɩ n a Zɔb bʋ̃-tɛrɩ ʋ na tɩ dãw tɛr a, a yãwmɛ dɔwlɩ gb'a ayi.

A Zɔb sɛbɛ 42:10 Referans Kwoze

Wulu-ayi-sob 30:3

A Sore nyɩ Naaŋmɩn na lɩɛb'ɩ a nyɩ nyɔ-vʋʋrʋ, ʋ na wul nyɩ nɩ a ʋ nɔ̃wfʋ, ɛ́ ɩ nyɩ yi a nɩ-bʋʋrɛ bɛl za pʋɔ ʋ na diw nyɩ yaarɩ cen nɩ a lɛb wa ɓã taa.

Ɩzayi 40:2

Nyɩ ƴɛ̀r a ɓãa a Zerizalɛm socir. Nyɩ zɛw kɔkɔr yel ʋ k'aa ʋ pɔ̃tɔrɩ tome baar'a, k'ʋʋ ya n a ʋ sãwna san baarɩ. Bʋ̃ʋ n'ʋ vɛ̃, a Sore ƴãw na ʋ ya a ʋ yel-bebe za san gb'a ayi.

Ɩzayi 61:7

A Sore yere na: «Bɛ ƴãw nyɩ nɩ vĩ ɛ́ lɛb ƴãw. A nyɩ bom tɩ n'ɩ a zʋm-faar faar a nɩbɛ na tɩ tʋʋr nyɩ a. Alɛ n'a so nyɩ na páw bom gb'a ayi a bɛ tẽw pʋɔ, ɛ́ vʋʋrɛ nɩ nʋ̃ɔ̀ na bɛ tɛr baarʋ a.

Zʋkpaɩ 22:4

A nɩr na siwre ʋ tʋɔra a mɩ́ tɛr'ɩ a Sore zɔba. Ʋ mɩ́ kpɛ n naalʋ, tɛr yúor ɛ́ vʋʋrɩ cɛlɩ.

Sɛb-sõw yielu 14:7

Ãa n'ʋ na be a Sɩyɔ̃ ɛ́ kʋ̀ a Ɩsɩrayɛl a faafʋ? A Sore wa lɛb maalɩ a ʋ nɩbɛ yele ƴãw a, a Zakɔb bʋʋrɛ na cɩlɛ na, nʋ̃ɔ̀ na ɩrɛ nɩ a Ɩsɩrayɛl.

Sɛb-sõw yielu 126:1

Zerizalɛm dob daar yielu. A lɛn daar a Sore na tɩ tɛr a gbãgbaar lɛb wa n a Sɩyɔ̃ tẽw a, a tɩ ɩ na mɛ̃ zánʋ n'a tɩ zanɛ a.

Nɩ-toni 7:50

A ɩ̃ nũu bɛ n'ʋ maalɩ à á ŋá za a ɩ?”

A Zɔb sɛbɛ 1:3

Ʋ tɩ tɛr'ɩ píir túr ayopõi (7 000), nyɔ̃wmɩ túr ata (3 000), na-kʋɔrɩ ayiri yiri ziir kɔbr anũu (500), bòn-nyamɛ kɔbr anũu (500), ɛ́ a ʋ yir tõ-tõ-biir bɛ tɩ dɩ vuo ɩ. A nɩr ŋa tɩ ɩ n a saa-pɛrɩ́ tẽ-biir za nɩ-yúor.

A naaŋmɩn-ƴɛ̀r-manɛ Aaze sɛbɛ 2:8

Bʋ̃ʋ n'ʋ vɛ̃, mãa so a tẽ-daa salm-zɩɛ nɩ a salm-pla.

Wulu-ayi-sob 9:20

A Sore mɩ̀ tɩ nyɛ̃ nɩ nɩ a Aarɔ̃ suur yaga tɩ bɔbr a ʋ kʋb. Ɛcɛ ɩ̃ mɩ̀ tɩ puor'a kʋ̀ ʋ a ʋlɩ bibir nɛ.

Sɔr-nɛ́ɛ 12:13

Lɛ n'a a Moyiir tɩ zɛlɩ a Sore kpɛ̃w kpɛ̃w za yel à ŋá: «Naaŋmɩn i, ɩ̃ zɛlɛ fʋ na, sanɩ ʋ!»

Sɔr-nɛ́ɛ 12:2

Lɛ n'a bɛ tɩ yel à ŋá: «Moyiir yõ zie n'a a Sore ƴɛ̀r bɩɩ? Ʋ mɩ̀ bɛ ƴɛ̀r a tɩ zie ɩ?» A Sore tɩ wõ n a lɛ bɛ na yel a.

Nɩ-toni 7:60

Al pùorí, ʋ tɩ gbĩ n dume ɛ́ yel kpɛ̃w za: «Sore e, taa dier a yel-bier ŋa dɔwlɛ a bɛ zu ɛ.» Ʋ na tɩ yel à ŋá baar'a, ʋ gur'ɩ a kũu gʋ̃ɔ.

2 Bibie za yel-manɩ 25:9

A Amazɩasɩ tɩ sowr'ɩ a Naaŋmɩn nɩr: «Ɛ́ a libie al za ɩ̃ na kʋ̀ a Ɩsɩrayɛl sojarɩ a ɩ ŋmɩn?» A Naaŋmɩn nɩr tɩ sɔw ʋ na: «A Sore na tʋ̃ɔ́ na kʋ̀ b zuo a lɛ.»

Luka 16:27

A nãà yel: “Alɛ wa ɩ lɛ a, ɩ̃ zɛlɛ fʋ na, ɩ̃ sãà a, kɛ́ fʋ tõ a Lazaar a ɩ̃ sãà yir pʋɔ.

1 Samɩɛl 2:7

A Sore n'ʋ tɩrɛ a nã́w nɩ a naalʋ, ʋlɛ n'ʋ siwre, ɛ́ ʋlɛ n'ʋ mɩ̀ zɛwr.

Wulu-ayi-sob 8:18

Nyɩ cãà bãwnɩ a Sore nyɩ Naaŋmɩn na n'ʋ kʋ̀rɛ nyɩ a fãw nyɩ tʋ̃ɔ́ mɩ́ tɛr a a. À ŋá n'a ʋ mɩ́ cãà ɩ tɛr a wõ-taa ʋ na maal'ɩ a nyɩ sãàkʋm-kore, mɛ̃ à ŋá ʋ na ɩrɛ a dɩ̃a a.

Yele-za-pɛr-tib 20:17

A Abraham tɩ zɛlɩ nɩ a Naaŋmɩn ʋ sanɩ a Abimelɛkɩ nɩ a ʋ pɔw de nɩ a ʋ tõ-tõ-bi-pɔwbɛ, ɛ̀ bɛ lɛb tʋ̃ɔ́ dɔwr.

Sɔr-nɛ́ɛ 14:10

A lãw za tɩ yere na kɛ́ bɛ lɔb'ɩ bɛ kʋsɛbɛ kʋ, wa bere a Sore yúor-vɩɛlʋ-danʋ sãá a Ɩsɩrayɛl nɩbɛ za niŋé, a tuor-taa pɛn-sɛw zu.

Sɛb-sõw yielu 53:6

Bɛlɛ n'ɩ bɛ ŋan dɛ̃bɩ̃ɛ nyɔw, bɛ màwr, ɛ́ dɛ̃bɩ̃ɛ yel bɛ ka be ɩ. Bʋ̃ʋ n'ʋ vɛ̃, a bɛlɩ dem na wa ŋmãa jil fʋ a zɛbr ƴãw a, Naaŋmɩn yaar'ɩ a bɛ kɔbɛ pàw a ziir. Fʋ ƴãw bɛ nɩ vĩ, Naaŋmɩn na zawrɩ bɛ bɛr a ƴãw.

Zakɩ 5:11

Nyɩ nyɛ̃, a bɛlɩ dem na mɩ́ dɩ kanyir a, tɩ mɩ́ yel'a kɛ́ bɛ tɛr'ɩ zu-nʋ̃ɔ̀. Nyɩ wõ n a Zɔb kanyir yele, ɛ́ nyɩ nyɛ̃ nɩ a lɛ a Sore na maal'ʋ a baarʋ daar a. A Sore sɩrɩ na tɛr su-ɓaarʋ yaga ɛ́ zɔrɛ nɩbaalʋ.

1 Samɩɛl 2:8

Ʋ mɩ́ nyɔw nɩ a bãbàal a tanɛ pʋɔ ʋ lɛb ìr, ɛ́ ír a nã́w sob a sagɛ pʋɔ, k'ʋʋ zɩɩlɩ bɛ na-mɩnɛ dà-kɔwr zu, bɛlɛ nɩ a nɩ-yée. A Sore so a tẽw za, ʋlɛ n'ʋ dɔwl'ʋ a ʋ kpule zu.

A Zɔb sɛbɛ 1:2

Ʋ tɩ dɔw nɩ bidɛbr ayopõi nɩ pɔwyaar ata.

A Zɔb sɛbɛ 42:9

A Elifaazɩ na yi Teman, nɩ a Bɩldaadɩ na yi Suwa, nɩ a Sofaar na yi Naama a, tɩ cen na tɩ tu a lɛ a Sore na yel a, ɛ́ a Sore tɩ bɛr wõ a Zɔb puoru.