A Zɔb sɛbɛ 20:7 - A SƐB-SÕW

⁷ ʋ na bɔr'a kʋ̃ lɛb wa ɩ, mɛ̃ uuru a. A bɛlɩ dem na tɩ nyɛrɛ ʋ a na yere na: «Nyɩnɛ n'a ʋ be?»

A Zɔb sɛbɛ 20:7 Referans Kwoze

Sɛb-sõw yielu 83:10

Naaŋmɩn i, ɩ bɛ mɛ̃ a Yavin nɩ a ʋ zɛbr nɩ-kpɛ̃ɛ Sɩsera fʋ na tɩ ɩ a Kison bà-fʋɔla pʋɔ a. Ɩ bɛ mɛ̃ a Madian tẽw dem a.

A Zɔb sɛbɛ 14:10

Ɛcɛ a nɩsaal mɩ́ kpi na a ʋ fãw baarɩ. Ʋlɛ wa ŋmãa vʋʋrʋ a, nyɩn lowr'a ʋ pãa mɩ́ be a?

2 Na-mɩnɛ 9:37

Ɛ́ a Zezabɛl zarmɛ na yàar'a pàw a púo ŋa mɛ̃ pʋɔrʋ a, bɛ kʋ̃ mɩ́ tʋ̃ɔ́ yel kɛ́: Zezabɛl'ʋ ɛ.”»

1 Na-mɩnɛ 14:10

Alɛ n'a so ɩ̃ na ɩ a yel-faa páw a fʋ yir, ɩ̃ na kʋ n a fʋ yir dɛbr za pàw pɛr, a gbãgbaar nɩ a nɩbɛ na so bɛ tʋɔra a a Ɩsɩrayɛl tẽw pʋɔ. Ɩ̃ na ɩ na a fʋ yir nɩbɛ baarɩ cɔ̃cɔ̃cɔ̃, mɛ̃ sagɛ bɛ na pɩɩrɩ wob yi n bɛr a baarɩ a.

Zeremi 8:2

Bɛ na dɩ̀ɛl'a nɩ a mʋ̃tɔ̃w, a cuw nɩ a ŋmar-bie niŋé, al a nɩbɛ bɛ ŋa na tɩ nɔ̃w, na tɩ maalɩ, na tɩ tu, na tɩ sowri ɛ́ puori a. Nɩr za kʋ̃ wob a kɔbɛ á ŋá tɩ ũù ɛ, a na lɩɛb'ɩ pʋɔrʋ a tẽsɔw zu.

A Zɔb sɛbɛ 8:18

Ɛcɛ nɩr wa vʋ̃ɔ ʋ bɛr a ʋ beba zie a, a ʋ beba zie mɩ́ yel'a k'ʋʋ bɛ dãw nyɛ̃ ʋ ɛ!

A Zɔb sɛbɛ 7:10

Ʋ kʋ̃ lɛb wa a ʋ yir ɛ, ɛ́ bɛ yiir ʋ bɛr a be ʋ na tɩ kpɩɛr a.

A Zɔb sɛbɛ 4:20

Mʋ̃tɔ̃-been yõ, bɛ ƴɛ́r bɛ na ŋmɛr bɛ bɔr a nʋɔr kʋ, ɛ́ nɩr bɛ cɛlɛ be ɩ.

A Zɔb sɛbɛ 14:20

Fʋ mɩ́ nyɔw ʋ na lɔb tẽw ʋ kpi, a kũu mɩ́ ɩ na a ʋ niwn bɛ tɛr jɩ́rʋ ɛ, ɛ́ fʋ diw ʋ bɛr.

A Zɔb sɛbɛ 27:19

Ʋ gánɛ na ɩ nãà, ɛcɛ a pɛ-baara n'a, ʋ wa yuore nɩ a mimie, bom bɛ cãà ɩ.

Ɩzayi 41:12

Fʋ na bɔ n a bɛlɩ dem na zɛbr'ɩ fʋ a, ɛ́ kʋ̃ nyɛ̃ bɛ ɩ. A nɩbɛ na ŋmaarɛ nɩ fʋ a zɛbr a kʋ̃ cãà ɩ bom za ɩ.

Abɩdɩasɩ 1:4

Fʋ̃ʋ saa na ìr do do mɛ̃ a sidum a, fʋ̃ʋ saa na wob a fʋ cow a ŋmar-bie sɔgɔ a, ɩ̃ na caabɩ fʋ na bɛr fʋ siw tɩ lo. A mãa Sore n'ʋ yere.

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

A Zɔb sɛbɛ 21:28

Bʋ̃ʋ n'ʋ vɛ̃, nyɩ mɩ́ yel'a: «Nyɩnɛ n'a a po-to-sob yir be? A yir ʋl pʋɔ a nyãnyuwr na tɩ sɔwlɛ a ɩ n ŋmɩn?»

Sɛb-sõw yielu 41:5

Mãa ƴãw a, ɩ̃ yel'ɩ a Sore: «Sore e, zɔ ɩ̃ nɩbaalʋ ɛ́ sanɩ mɛ̃, bʋ̃ʋ n'ʋ vɛ̃, ɩ̃ sãw fʋ na.»

Sɛb-sõw yielu 112:10

A nɩ-faa nyɛ̃ nɩ a lɛ suur kʋrɛ ʋ, ʋ 'wɔbr'ɩ a ʋ nyɩmɛ, ɛ́ a ʋ ƴã-gan sɩrɛ. A nɩ-faar tɩɛrʋ na wɛ na.