7 A kpɩɛrʋ ɩ na ɩ̃ cɛ blã na zɔ̃w, ɛ́ a ɩ̃ ƴã-gan bɛ cãà n'ʋ ɛ.
Ɩ̃ kõ na tɩ mʋ̃ɔ mimie, ɛ́ a ɩ̃ mimi-kowtɩɛ sɔb a za.
Ɩ̃ kõ na bɛ tɩ cãà laar ɛ, tɩ̃ɩsɔw za, a ɩ̃ mʋta-kʋ̃ɔ mɩ́ bur'ɩ a ɩ̃ gado, a ɩ̃ bʋ̃-gana mɩ́ ɩ n mʋta-kʋ̃ɔ tɛwr.
Alɛ n'a so a tɩ socie be kpɩɛrʋ pʋɔ, alɛ n'a so a tɩ mimie bɛ lɛb cãà nyɛrɛ ɩ.
A nɩsaal mɩ́ vʋʋr'a tɔl fɔ̃w zuo mɛ̃ a ɓaarʋ a. Ãa n'ʋ bãw bom nɛ na vɩɛl a ʋ zie, a ʋ bibie za nyɔ-vʋʋr-ŋmãa ŋa pʋɔ a? Nɩr za kʋ̃ yel bom nɛ na na ɩ a tẽw zu ka a kʋ̀ ʋ a ʋ pùorí ɛ.
Ɩ̃ kule na mɛ̃ zaanʋɔra ɓaarʋ na bɔrɛ a, bɛ mɩr mɛ̃ na bɛr mɛ̃ sãsowr a.
A varʋ ʋ na ɩ a ɩ̃ ƴã-gan vàr a, alɛ n'a dɩrɛ a dãsɩɛ, a ɩ̃ kõwfʋ yere na k'ɩ̃ɩ sãw na, ɛ́ bʋɔlɛ mɛ̃ sãwna sob.
A ɩ̃ bárɩ ɩrɛ mɛ̃ na laar, ɛcɛ Naaŋmɩn n'ʋ ɩ̃ kone cɔwr.
Zãzule nɩ natɩ-kowle n'a pàw a ɩ̃ ƴã-gan. A ɩ̃ ƴã-gan za pur pur'a cire mɛ̀rɛ́.
A pʋ-sãwna zɔ̃wnɛ nɩ a ɩ̃ mimie, a nyɛrʋ bɛ cãà saalɩ ɛ, a ɩ̃ dɔ̃ dem yaga zũú.