A Zɔb sɛbɛ 14:5 - A SƐB-SÕW

⁵ Bʋ̃ʋ n'ʋ vɛ̃, a nɩsaal nyɔ-vʋʋrʋ tɛr'ɩ baarʋ daar, fʋ sɔr'ɩ a ʋ cuwr nʋɔr bin, fʋ ƴãw nɩ tʋr-bɔw ʋ na kʋ̃ tʋ̃ɔ́ gãw a.

A Zɔb sɛbɛ 14:5 Referans Kwoze

Sɛb-sõw yielu 39:4

Pʋɔ tɩ karɛ mɛ̃ nɩ za, a ɩ̃ 'woi 'woi za mɩ́ tɩ ɩ na mɛ̃ vũu na kab mɛ̃ a! Lɛ n'a ɩ̃ wa vʋʋrɩ gu ɛ́ ƴɛ̀r:

Nɩ-toni 17:26

Nɩ-been yõ n'ʋ ʋ de maal'ɩ a nɩ-bʋʋrɛ za ƴãw bɛ kpɩɛr a tẽw za zu. Ʋ ƴãw nɩ daar kʋ̀ a nɩsaalbɛ, ɛ́ tʋ̃ɔ̀ a bɛ kpɛb zie tʋr-bɔwrɩ wul bɛ.

Ebre 9:27

Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,

A Zɔb sɛbɛ 12:10

Ʋlɛ n'ʋ tɛr a bʋ̃-íri za nyɔ-vʋʋrʋ a ʋ nũú, nɩ a pɩɛlʋ na kʋ̀rɛ a vʋʋrʋ a nɩsaalbɛ a.

Sɛb-sõw yielu 104:29

Fʋ mɩ́ sɔwl'ɩ a fʋ niwn, pʋl-vʋ̃ɔ nyɔw a. Fʋ mɩ́ lɛb'a de a vʋʋrʋ, a ŋmãa vʋʋrʋ, lɛb lɩɛbɩ a tanɛ a na dãw ɩ a.

A Zɔb sɛbɛ 21:21

Bɛlɛ wa sɔ́r a cuwr na cɛ ʋ na vʋʋrɩ a, a ʋ tobr cãà na be a ʋ bibiir ƴãw ɩ?

Luka 12:20

Ɛcɛ a Naaŋmɩn tɩ yel ʋ na: “Dãbol ŋa! A dɩ̃a tɩ̃ɩsɔw tɔr za, a fʋ nyɔ-vʋʋrʋ na baar'a. À á ŋá fʋ na bɔ gbõ taa a, ãa na so a?”»

Sɛb-sõw yielu 104:9

Fʋ ƴãw nɩ tʋr-bɔw kʋ̀ a, k'aa taa gãwnɛ bɛrɛ ɩ, a ta lɛb wa paalɩ pàw a tẽw ɛ.

A Zɔb sɛbɛ 14:14

— Ɛcɛ nɩsaal na kpi a na tʋ̃ɔ́ na lɛb vʋʋrɛ ɛ? — Ɩ̃ nãá nyɔw nɩ ɩ̃ tʋɔra a ɩ̃ tome daar za, ɛ́ gùre fʋ tɩ ta a lɛn daar bɛ na na lɩɛrɩ mɛ̃ a.

A Zɔb sɛbɛ 7:1

A nɩsaal nyɔ-vʋʋrʋ a tẽw zu tɛr'ɩ tuo yaga, a ʋ bibie za nyɔ-vʋʋrʋ ɩ n nuru tõ-tõ-bie nyɔ-vʋʋrʋ.

Yel-wula 3:7

«Sɛb yel a Fɩladɛlfɩ tẽw Lãw-yir malkɩ: À ŋá n'a a Nɩ-sõw, a Sob nɛ na tɛr yel-mɩŋa a, yere, ʋl na tɛr a nãà Daviir pĩi a, ʋl na mɩ́ yuo ɛ́ nɩr kʋ̃ tʋ̃ɔ́ pàw a, ʋl na mɩ́ pàw ɛ́ nɩr kʋ̃ tʋ̃ɔ́ yuo a:

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.

Sɛb-sõw yielu 31:15

Ɛcɛ mãa a, a fʋ ƴãw n'a ɩ̃ ƴãw a ɩ̃ tɩɛrʋ. Ɩ̃ yere na: «A ɩ̃ Naaŋmɩn a, fʋ̃ʋ n'ʋ.»

Sɛb-sõw yielu 139:16

Ɩ̃ na bɛ tɩ tɛr ŋmɛ̃a sɛr a, fʋ tɩ nyɛ̃ m'a. Fʋ tɩ sɛb'ɩ a bibie nʋɔr fʋ na na kʋ̀ m a ƴãw a fʋ sɛbɛ pʋɔ baarɩ, ɛ́ been kãw za bɛ tɩ tĩ sɛr ɛ.

Ekilezɩasɩ 3:2

Dɔwfʋ daar be n be, kũu daar be be. Sɛlʋ daar be n be, a bʋ̃-sɛlɩ vɔb daar be be.

1 Samɩɛl 26:10

A Sore na vʋʋrɛ a yúor ƴãw, ɩ̃ yere na kʋ̀rɛ fʋ, a Sore mɩŋa n'ʋ na ɩ a ʋ nyɔ-vʋʋrʋ baarɩ, a ʋ daar wa ta a, bɩɩ zɛbr zie n'a ʋ na kpi.

A Zɔb sɛbɛ 16:22

Ɛcɛ a ɩ̃ yome nʋɔr sɔ́r'a, ɩ̃ lore nɩ a sɔ́r ʋl bɛ na mɩ́ lo cen bɛ lɛb wa a.

Ekilezɩasɩ 8:8

Nɩsaal za bɛ so a ʋ nyɔ-vʋʋrʋ na tʋ̃ɔ́ nyɔw ʋ tɛr ɛ. Nɩsaal za bɛ so a ʋ kũu bibir ɛ. Zɛbr wa be be a, ɩb bɛ ka be fʋ na ɩ cɩ̃ɛ ɩ. A faalʋ kʋ̃ tʋ̃ɔ́ faa a ɩ-fa-maalɛ ɩ.