A Zɔb sɛbɛ 1:3 - A SƐB-SÕW

³ Ʋ tɩ tɛr'ɩ píir túr ayopõi (7 000), nyɔ̃wmɩ túr ata (3 000), na-kʋɔrɩ ayiri yiri ziir kɔbr anũu (500), bòn-nyamɛ kɔbr anũu (500), ɛ́ a ʋ yir tõ-tõ-biir bɛ tɩ dɩ vuo ɩ. A nɩr ŋa tɩ ɩ n a saa-pɛrɩ́ tẽ-biir za nɩ-yúor.

A Zɔb sɛbɛ 1:3 Referans Kwoze

A Zɔb sɛbɛ 29:25

Ɩ̃ mɩ́ tɩ ɩ n a bɛ niw-diere, ɛ́ mɩ́ tɩ wule bɛ a sɔ́r. Ɩ̃ mɩ́ tɩ be n a bɛ zie mɛ̃ nãà na be a ʋ sojarɩ sɔgɔ a, mɛ̃ nɩr na ɓaalɛ kpɩɛrʋ dem a.

A Zɔb sɛbɛ 42:12

A Sore tɩ maal'ɩ a Zɔb zuo a dãwdãw. Ʋ tɩ tɛr'ɩ píir tùr-pie nɩ anaar (14 000) nɩ nyɔ̃wmɩ túr-ayʋɔb (6 000), ni-kʋ́ɔrɩ pɛ́ɛ túr (1 000) nɩ bòn-nyamɛ túr (1 000).

Ƴɛ̀r-dɩrbɛ 6:3

Kʋrakʋralɛ, a Ɩsɩrayɛl nɩbɛ na mɩ́ tɩ bʋ̀r a bɛ póru a, a Madian tẽw dem nɩ a Amalesitɩ mɩnɛ nɩ a Saa-pɛrɩ́ nɩ-yʋɔrɩ bɛ mɩnɛ kãw mɩ́ tɩ wa na wa ŋmãa nɩ bɛ a zɛbr.

Sɔr-nɛ́ɛ 23:7

Lɛ n'a a Balaam tɩ ƴɛ̀r lɔb'ɩ a zʋkpar ŋa: «Mowab nãà, Balakɩ, ƴãw na k'ɩ̃ yi a Siiri saa-pɛrɩ́ tan pʋɔ wa. Ʋ yel mɛ̃ na: “Wa! Wa ŋmɛ ƴãw a Zakɔb bʋʋrɛ kʋ̀ m! Wa! Wa nyar a Ɩsɩrayɛl bʋʋrɛ zu!”

Zʋkpaɩ 10:22

A Sore maalʋ yõ n'a tɩrɛ a naalʋ. A nɩsaal tɩ̀ɛrʋ ʋ na mɩ́ tɩ́ɛrɛ a bɛ dɔwlɛ bom kãw za ɩ.

Yele-za-pɛr-tib 12:16

A ʋ ƴãw n'a a Faarawɔ̃ tɩ tɛr a Abram vla. Ʋ tɩ kʋ̀ ʋ nɩ píir nɩ bʋʋr nɩ nĩi, tõ-tõ-bi-dɛbr nɩ tõ-tõ-bi-pɔwbɛ, bòn-daar nɩ bòn-nyan de nɩ nyɔ̃wmɩ.

Yele-za-pɛr-tib 12:5

A Abram tɩ tɛr'ɩ a ʋ pɔw Saraɩ nɩ a ʋ yɛb bidɛb Lɔtɩ. Bɛ tɩ de nɩ a bɛ bʋ̃-tɛrɩ za nɩ a gbãgbaar bɛ na da a Haran a, lo n a Kanãa tẽw sɔ́r. Bɛ tɩ ta n a Kanãa tẽw.

Yele-za-pɛr-tib 29:1

A Zakɔb tɩ ìr'a lo a sɔ́r cere a saa-pɛrɩ́ ten lowr.

Yele-za-pɛr-tib 13:6

A zie bɛ tɩ saalɩ bɛ na lãw kpɩɛr ɛ, bʋ̃ʋ n'ʋ vɛ̃, a bɛ bʋ̃-tɛrɩ tɩ zuo na nɩ bɛ na na lãw kpɩɛr a.

2 Bibie za yel-manɩ 32:29

Ʋ tɩ ƴãw na bɛ mɛ tẽ-bɛrɛ kʋ̀ ʋ, ʋʋ tɩ tɛr dʋn bɛ dɩ vuo ɩ, píir, bʋʋr nɩ nĩi, bʋ̃ʋ n'ʋ vɛ̃, Naaŋmɩn tɩ kʋ̀ ʋ nɩ na-bome yaga yaga.

2 Bibie za yel-manɩ 26:10

Ʋ mɩ̀ tɩ mɛ n zi-gùrbɛ yir-cõcowli a wɛja-kpalɛ pʋɔ, ɛ́ tuw buli yaga ʋ na tɩ tɛr dʋn bɛ dɩ vuo a Ba-Peyi nɩ a zi-tɩ̃tal pʋɔ a ƴãw. Ʋ mɩ̀ tɩ tɛr'ɩ kʋ́ɔrbɛ nɩ divɛ̃ tɩ-kaarbɛ a tan pʋɔ nɩ a divɛ̃ tɩɩr póru pʋɔ, ʋ na tɩ nɔnɛ a tẽsɔw kɔb a ƴãw.

2 Na-mɩnɛ 3:4

A Mowab tẽw nãà, Mesa, tɩ tɛr'ɩ píir. Yũon za a, a mɩ́ tɩ fɛr'a ʋ ya a san a Ɩsɩrayɛl tẽw nãà na ŋmãa kʋ̀ ʋ a: péli tùr-kʋba (100 000) nɩ píir tùr-kʋba (100 000) lãwnɩ a kɔblʋ.

1 Samɩɛl 25:2

Nɩr kãw na tɩ tɛr a yaga za a, tɩ be n a Maon. Ʋ tɩ tɛr'ɩ píir túr ata (3 000) nɩ bʋʋr túr (1 000). Karmɛl'a a ʋ wɛrʋ tɩ be, ʋʋ tɩ cen a be, a ʋ píir kɔblʋ ŋmab ƴãw.

Ƴɛ̀r-dɩrbɛ 6:5

Bʋ̃ʋ n'ʋ vɛ̃, bɛ mɩ́ tɩ tɛr'ɩ a bɛ dʋn nɩ a bɛ pɛnɛ-sɛwr cɔlɛ nɩ, mɩ́ tɩ ta yãwmɛ mɛ̃ sãsoge a. Bɛlɛ nɩ a bɛ nyɔ̃wmɩ tɩ yãwmɛ na, nɩr kʋ̃ tʋ̃ɔ́ sɔ́r bãw a nʋɔr ɛ. Bɛ mɩ́ tɩ kpɛ na so a tẽw za, sãwnɛ ʋ bɛrɛ.

Yele-za-pɛr-tib 34:23

Tɩmɛ wa sàw a lɛ bɛ na yel a, bɛ na wa na wa kpɩɛr a tɩ zie ka, ɛ́ a lɛ a, tɩ na so nɩ a bɛ dʋn nɩ a bɛ bʋ̃-tɛrɩ.»

Yele-za-pɛr-tib 25:6

Ʋ tɩ kʋ̀ n bome a pɔw-bili bidɛbr, ʋʋ na tɩ cãà vʋʋrɛ a lɛn daar a n'a ʋ ƴãw bɛ ìr cen saa-pɛrɩ́ tẽw kãw, zãá nɩ a ʋ bidɛb Ɩzaakɩ.

Ƴɛ̀r-dɩrbɛ 8:10

A Zeva nɩ a Salimuna tɩ be n Karkɔɔr nɩ a bɛ sojarɩ na tɩ cɛ nɩbɛ tùr-pie nɩ anũu (15 000) tɛwr a. A Saa-pɛrɩ́ nɩ-yʋɔrɩ zɛbr-nɩbɛ na tɩ cɛ a n'ɩ a lɛ, bʋ̃ʋ n'ʋ vɛ̃, sojarɩ tùr-lɩz'a ayʋɔb (120 000) tɩ kpi n a zɛbr zie.

Ƴɛ̀r-dɩrbɛ 7:12

A Madian tẽw dem, a Amalesitɩ mɩnɛ nɩ a Saa-pɛrɩ́ nɩ-yʋɔrɩ tɩ yɛ́r'a pàw a tɩ̃tal, yãwmɛ mɛ̃ sãsowe a. A bɛ nyɔ̃wmɩ tɩ yãwmɛ na mɛ̃ kʋ̃ɔ-kpɛ̃ɛ nʋɔr biire a, bɛ tɛr sɔ́rʋ ɛ.

1 Samɩɛl 27:9

A Daviir mɩ́ tɩ sãw nɩ a tẽw bɛr, ɛ́ kʋ a dɛbr nɩ a pɔwbɛ pàw pɛr. Ʋ mɩ́ tɩ tɛr'ɩ a píir nɩ a nĩi, a bòn nɩ a nyɔ̃wmɩ lãwnɩ a bʋ̃-suuri. Ʋ na mɩ́ tɩ lɛb wa a, ʋ mɩ́ tɩ cen nɩ a Akisɩ zie.

A Zɔb sɛbɛ 1:4

A ʋ bidɛbr mɩ́ tɩ maalɛ nɩ cuw lɩɛrɛ taa a bɛ yie pʋɔ, ɛ́ mɩ́ tɩ bʋɔlɩ a bɛ yeepuuli ata kɛ́ bɛ wa bɛ wa lãw dɩ ɛ́ nyũ.

A Zɔb sɛbɛ 1:10

Fʋ bɛ tʋ̃ɔ́ piw ʋ tɛr mɛ̃ dacin bɛ na ŋmãa viiri pàw ʋlɛ nɩ a ʋ yir dem nɩ a ʋ bʋ̃-tɛrɩ za a ɩ? Fʋ maal'ɩ a ʋ tome a cere vla, ɛ́ a ʋ dʋn bʋwlɩ pàw a tẽw.

A Zɔb sɛbɛ 21:28

Bʋ̃ʋ n'ʋ vɛ̃, nyɩ mɩ́ yel'a: «Nyɩnɛ n'a a po-to-sob yir be? A yir ʋl pʋɔ a nyãnyuwr na tɩ sɔwlɛ a ɩ n ŋmɩn?»

A Zɔb sɛbɛ 31:25

A ɩ̃ nʋ̃ɔ̀ bɛ tɩ yi a bʋ̃-tɛrɩ ɩ̃ na tɛr yaga yaga a zie ɩ, a na-bome, a ɩ̃ nuru na tõ páw a zie ɩ.

A Zɔb sɛbɛ 31:37

Ɩ̃ na man nɩ a ɩ̃ gbɛ-ceni za kʋ̀ a Naaŋmɩn, ɩ̃ na àr'ɩ a ʋ niŋé mɛ̃ nãà bie a.

A Zɔb sɛbɛ 42:10

A Zɔb na tɩ puore kʋ̀rɛ a ʋ bárɩ a, a Sore tɩ lɛb'a maalɩ a ʋ yele ƴãw. Mɔ̃ mɩ̀, a Sore tɩ ɩ n a Zɔb bʋ̃-tɛrɩ ʋ na tɩ dãw tɛr a, a yãwmɛ dɔwlɩ gb'a ayi.

Zeremi 49:28

À ŋá n'a a Sore yere a Kedaar tẽw, nɩ a Hasɔɔr naalʋ-ten a Babɩlɔn tẽw nãà, Nabikodonozɔɔr, na tɩ zɛb tʋ̃ɔ́ a, ƴãw: «Nyɩ ìr! Nyɩ cen tɩ zɛb'ɩ a Kedaar tẽw! Nyɩ sãw bom za bɛr a wɛja-kpalɛ nɩbɛ zie!

Yele-za-pɛr-tib 24:35

A Sore maal'ɩ a ɩ̃ nɩ-kpɛ̃ɛ yaga za, ʋ ɩ nɩr. Ʋ kʋ̀ ʋ nɩ píir nɩ bʋʋr nɩ nĩi, ɛ́ kʋ̀ ʋ salm-pla nɩ salm-zɩɛ, tõ-tõ-bi-dɛbr nɩ tõ-tõ-bi-pɔwbɛ, nyɔ̃wmɩ nɩ bòn.

Yele-za-pɛr-tib 32:14

A Zakɔb tɩ gã nɩ a be a ʋlɩ tɩ̃ɩsɔw nɛ. Ʋ tɩ kaa na ír dʋn a ʋ dʋn pʋɔ, a ʋ yɛb Ezawu ƴãw:

2 Samɩɛl 12:2

A tɛra sob nɛ tɩ tɛr'ɩ píir nɩ nĩi bɛ dɩ vuo ɩ.

2 Na-mɩnɛ 15:20

A Menahɛm tɩ ƴãw nɩ zuru-yar a tɛra dem za zu, k'ʋʋ tʋ̃ɔ́ páw a libie á ŋá. A mɩ́ tɩ fɛr'a ŋa za tɩr salm-pla libie lɩz'a ayi nɩ pie. A Asiiri tẽw nãà na wa páw a libie á ŋá a, ʋ bɛr'ɩ a Ɩsɩrayɛl tẽw, ɛ́ lɛb kul a ʋ tẽw.

1 Bibie za yel-manɩ 27:30

Ɩsɩmayɛl bʋʋrɛ nɩr Ovil n'ʋ tɩ kaarɛ a nyɔ̃wmɩ zie. Ɛ́ Meronɔtɩ tẽw Yedeyahu kaarɛ a bòn-nyamɛ zie.